Hewlêr (Rûdaw) - Bihayê zêr di asta xwe de ma û ons bi 4 hezar û 485 dolaran e.
Veberhêner pêşhatên li Rojhilata Navîn dişopînin û di heman demê de ji ber zêdebûna enflasyonê dilgiran in û li benda amarên aborî yên paşerojê yên Amerîkayê ne.
Bihayê onsa zêr di asta 4 hezar û 485 dolaran de ma.
Metirsiya li ser agirbestê
Şîrovekarê şirketa OANDAyê Kelvin Wong li ser vê mijarê ragihand:
"Bazar niha li wê egerê dinêre ku dibe ku agirbesta Amerîkayê ya li gel Îranê berdewam neke, her çi qasî Trump ji bo gihîştina peymaneke aştiyê zextê dike jî.
Eger aloziyên berê sibehê yên di navbera Îran û Amerîkayê de zêdetir bibin, dê bibe sedema berevajîbûna her bihabûna ku zêr di çend rojên borî de bi dest xistiye."
Alozî pir bûn
Divê were gotin ku aloziyên li Kendavê îro careke din gur bûne.
Artêşa Amerîkayê ragihand ku êrişên bi mûşekan ên Îranê yên li ser Behreyn, Kuweyt û hedefên din ên herêmî yan hatine pûçkirin yan jî êriş têk çûne.
Faîz û amarên meaşan
Her çi qasî zêr wekî samaneke li dijî enflasyonê tê dîtin jî, di jîngeheke ku faîza bankê lê bilind e de balkêşiya xwe winda dike.
Seroka Banka Federal a Clevelandê Beth Hammackê diyar kir ku eger zextên enflasyonê berdewam bikin, dibe ku pêwîst bike Banka Navendî ya Amerîkayê di demeke nêzîk de rêjeya faîzê bilind bike.
Niha veberhêner li benda belavkirina amarên meaşên sektora ne-petrolê ya Amerîkayê ne ku dê îro piştî nîvro werin eşkere kirin.
Her wiha roja înê jî dê rapora derfetên kar were eşkerekirin.
Ev amar dikarin bandorê li ser dîtin û siyaseta neqdî ya Banka Navendî ya Amerîkayê bikin.
.webp&w=3840&q=75)