Hewlêr (Rûdaw) - Lêkolîneke nû nîşan dide ku dema xwarina taştê bandoreke mezin li tenduristiya dil û nexweşiyên rehên xwînê dike.
Xwarina taştê ya piştî saet 09:00an li gorî xwarina zûtir metirsiya nexweşiyên dil û rehên xwînê zêdetir dike.
Ev encam xwe dispêre lêkolîneke ku Fransayê hatiye kirin ku zêdetirî 7 salan çavdêriya zêdetirî 100 hezar kesî hatiye kirin.
Lêkolînê eşkere kir ku metirsiya nexweşiyên dil, bi her saeteke derengketina xwarina taştê re hêdî hêdî zêde dibe.
Saeta biyolojîk a laş
Lêkoler di wê baweriyê de ne ku ev bandor bi saeta biyolojîk a laş ve girêdayiye.
Saeta biyolojîk derdana hormonan û bersivdana xaneyan a ji bo însulînê birêxistin dike.
Dema ku xwarin di wan demên ku bi saeta biyolojîk re naguncin de were xwarin, bandorên pêvajoyên çalakiyê kêm dibin û parastina li hemberî însulînê zêde dibe.
Ev yek jî dibe ku bibe sedema bilindbûna tîrbûnê xwînê û kombûna rûn a di nav xwînê de.
Li gorî Saziya Xwirek û Dermanan a Amerîkayê (FDA) dema herî baş a ji bo xwarina taştê di nava saeta ewil a piştî şiyarbûnê de ye.
Her wiha divê xwarin hevseng be û proteîn, karbonhîdratên ku hêdî tên helandin û rûnên tendurist tê de bin.
