کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

TENDURISTÎ

Konferansa Bijîşkên Zarokan a Nevneteweyî bi serokatiya profesorê Kurd hat lidarxistin

Omer Sonmez

Omer Sonmez

25-07-2026
Guhdarî bike
0:00
0:00
Mezinahiya Nivîsê
Omer Sonmez
Omer Sonmez25-07-2026

Nûçeyên Têkildar

Çermê serê wê di maşîna go-kartê de jê bûbû: Piştî emeliyata 7 demjimêran hat dirûtin
TENDURISTÎ18-11-2026

Çermê serê wê di maşîna go-kartê de jê bûbû: Piştî emeliyata 7 demjimêran hat dirûtin

Li Tirkiye û Bakurê Kurdistanê salane 34 hezar kes bi penceşêra pişikê dikevin
TENDURISTÎ16-11-2026

Li Tirkiye û Bakurê Kurdistanê salane 34 hezar kes bi penceşêra pişikê dikevin

BERLÎN - Konferansa Komeleya Bijîşkên Kurd a Almanyayê tê lidarxistin
TENDURISTÎ14-11-2026

BERLÎN - Konferansa Komeleya Bijîşkên Kurd a Almanyayê tê lidarxistin

Stenbol (Rûdaw) - Li bajarê Stenbolê yê Tirkiyeyê, Konferansa 8emîn a Bijîşkên Zarokan a Navneteweyî hat lidarxistin.

Konferans di navbera 24 û 25ê Tîrmeha 2026an de, li Otêla Wyndham Grand Leventê ya Stenbolê hat sazkirin.

Ev konferansa zanistî ku du rojan bidomand, ji aliyê Akademiya Perwerdeya Pediatrîk a Navparzemînî ya Navneteweyî (PEACE) ve ku navenda wê li Amerîkayê ye û bi piştgiriya 46 komeleyên pediatriyê yên navneteweyî hat organîzekirin.

Serokatiya konferansê jî bijîşkê Kurd û akademîsyenê Zanîngeha Dihokê Prof. Dr. Xelef Gergerî kir.

Prof. Dr. Xelef Gergerî li ser giringî û armanca konferansê wiha axivî:

"Ev konferans ji aliyê Akademiya PEACEyê ve ku navenda wê li Amerîkayê ye tê sazkirin.

Beriya 8 salan min pêşniyara konferansa pediatriyê ji hinek hevpîşeyên xwe re pêşkêş kiribû.

Wê demê pêşniyara min hat qebûlkirin. Ji bo rêzgirtinê jî ez wekî serokê akademiyê hilbijartim.

Armanca me ew e ku ji bo welatên paşvemayî, pisporên pediatriyê werin ba hev û li rêyên çareseriyê bigerin."

Nûjeniyên di warê pediatriyê de tên gotûbêjkirin

Armanca sereke ya konferansê ew e ku pisporên tenduristiya zarokan ên ji welatên cuda werin ba hev.

Ew dê li ser nûjeniyên di warê pediatriyê de, encamên lêkolînên herî dawî û rêbazên nû yên dermankirinê gotûbêj bikin.

Seroka berê ya Akademiya Pediatriyê ya Amerîkayê Prof. Dr. Colleen Kraftê jî li ser armanca vê konferansê wiha got:

"Konferansa PEACEyê armanc dike ku ji seranserê cîhanê pisporên tenduristiya zarokan bîne cem hev û şertên fêrbûnê biafirîne.

Em li ser dermankirina ku li ser bingeha delîlên zanistî ye, ibpêşketinên nû yên zanistî û awayên herî baş ên dermankirina zarokan di şert û mercên îroyîn de gotûbêj dikin."

Bandora neyînî ya ekran û telefonan li ser zarokan

Di konferansê de mijarên sereke yên ku balê dikişînin; bandora neyînî ya ekran û telefonan li ser bipêşketina zarokan, pirsgirêkên xwarinê, qelewbûn (obezîte) û nexweşiyên endokrîn in.

Pispora Pediatriyê ya ji Misrê Prof. Rasha Tarif Hamzayê kêfxweşiya xwe ya ji bo beşdarbûna di konferansê de anî zimên û got:

"Bi rastî ez gelekî kêfxweş im ku tevlî Konferansa PEACEyê dibim.

Ev konferans, hejmareke mezin a pediatristên ji welat û parzemînên cuda yên cîhanê li hev dicivîne.

Ev derfeteke girîng e ku pispor karibin ezmûn, zanîn û nirxandinên xwe bi hev re parve bikin.

Hejmara beşdaran pir zêde ye û amadehiya konferansê jî bi rastî pir serkeftî ye."

Ji 35 welatên wekî Îraq, Herêma Kurdistanê, Tirkiye, Amerîka, Qeter, welatên Ewropayê û Afrîkayê derdora 300 akademîsyen, pisporên tenduristiyê û bijîşkên zarokan beşdarî vê konferansa zanistî de bûn.

Dema zarok wextê xwe yê zêde li ber ekranan derbas dikin û bi teknolojiyê ve tên girêdan, ev yek rê li ber gelek nexweşiyên fîzîkî û pirsgirêkên derûnî vedike.

Ev konferansa zanistî jî bi lêkolînên herî nû yên bijîşkiyê, hewl dide ji bo van pirsgirêkan rêyên çareseriyê peyda bike.

 

Nûçeyên Têkildar

Çermê serê wê di maşîna go-kartê de jê bûbû: Piştî emeliyata 7 demjimêran hat dirûtin
TENDURISTÎ18-11-2026

Çermê serê wê di maşîna go-kartê de jê bûbû: Piştî emeliyata 7 demjimêran hat dirûtin

Li Tirkiye û Bakurê Kurdistanê salane 34 hezar kes bi penceşêra pişikê dikevin
TENDURISTÎ16-11-2026

Li Tirkiye û Bakurê Kurdistanê salane 34 hezar kes bi penceşêra pişikê dikevin

BERLÎN - Konferansa Komeleya Bijîşkên Kurd a Almanyayê tê lidarxistin
TENDURISTÎ14-11-2026

BERLÎN - Konferansa Komeleya Bijîşkên Kurd a Almanyayê tê lidarxistin

Pirsên