کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Bajarê Kerkûkê / Wêne: Rûdaw

Bajarê Kerkûkê / Wêne: Rûdaw

Kurdistan

KERKÛK - Di Cejna Qurbanê de 274 zarok ji dayîk bûn, tenê 70 ji wan Kurd in

RÛDAW

RÛDAW

20-06-2026
Guhdarî bike
0:00
0:00
Mezinahiya Nivîsê
RÛDAW
RÛDAW20-06-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - Li gorî amarên fermî yên nexweşxaneyên Kerkûkê, di her çar rojên Cejna Qurbanê ya îsal de li pênc nexweşxaneyên wê parêzgeha Başûrê Kurdistanê 274 zarok ji dayîk bûn lê tenê 70 ji wan Kurd bûn.

Serokê Desteya Herêmên Kurdistaniyên Derveyî Îdareya Herêma Kurdistanê Fehmî Burhan li ser mijarê ji Rûdawê re axivî.

Fehmî Burhan got, "Geşbûna nifûsa parêzgehê nexwezayî ye."

Li gorî wan amaran ku gihîştine Tora Medyayî ya Rûdawê, dabeşbûna hejmara zarokên ku di çar rojên Cejna Qurbanê de li wan pênc nexweşxaneyan ji dayîk bûne bi vî rengî ye:

- Nexweşxaneya Zarokan û Jidayîkbûnê ya Bajarê Kerkûkê: 81 zarok

- Nexweşxaneya Hewîceyê ya li parêzgeha Kerkûkê: 83 zarok

- Nexweşxaneya Azadiyê ya li bajarê Kerkûkê: 60 zarok

- Nexweşxaneya Giştî ya Kerkûkê ya li bajarê Kerkûkê: 40 zarok

- Nexweşxaneya Daqûqê ya li parêzgeha Kerkûkê: 10 zarok

Amarên van pênc nexweşxaneyan diyar dikin ku di nav 274 zarokên ku li Kerkûkê ji dayîk bûne de, tenê 70 zarok Kurd in.

Ev di demekê de ye ku tenê li navçeya Hewîceyê ku piraniya şêniyên wê Ereb in, 83 zarok ji dayîk bûne.

"Geşbûna nifûsê ne xwezayî ye"

Serokê Desteya Herêmên Kurdistaniyên Derveyî Îdareya Herêma Kurdistanê Fehmî Burhan ji Rûdawê re ragihand ku berawirdiya serjimêriya sala 1957an û rewşa niha, rewşeke tal nîşan dide.

Fehmî Burhan got, "Sala 1957an rûbera Kerkûkê berfirehtir bû û cografyayeke wê ya mezin hebû lê hejmara nifûsa wê tenê 388 hezar kes bû.

Di sala 2024an de ev hejmar gihîşt nêzîkî 2 milyon û 200 hezar kesî, di demekê de ku rûbera wê gelekî kêm bûye."

Burhan bal kişand ser wê yekê ku ev guherîna mezin a di demografiya parêzgehê de "rewşeke xwezayî  nîne."

Burhan her wiha wî got ku hejmara nifûsa navçe û bajarokên li derveyî navendê gelekî zêde bûye.

Wekî mînak, nifûsa navçeya Hewîceyê û bajarokên wekî Zab, Ebasiye û Riyazê gihîştiye nêzîkî 400 hezar kesî.

Fehmî Burhan wiha pê de çû ,"Pişka şêr a vê geşbûnê dikeve ber pêkhateya Ereb ku li gel Kurd û Tirkmenan nayê berawirdkirin.

Heta niha hejmara Tirkmenan ji ya berê kêmtir bûye."

Rêjeya Kurdan di saziyên Kerkûkê de kêm bûye

Di heman demê de lêkolîner û nivîskarê lêkolîna "Kî fermanrewayê Kerkûkê ye: Kurd an neyarên wan" Ehmed Ezîz ji Rûdawê re ragihand:

"Li gorî amar û zanyariyên ku li cem min hatine komkirin, rêjeya Kurdan di saziyên Kerkûkê de jî gelekî kêm bûye."

Li gorî wî lêkolînerî, rêjeya giştî ya Kurdan û neteweyên din di nav saziyan de beriya 16ê Çiriya Pêşîn a 2017an bi vî rengî bû:

Kurd: Ji sedî 30

Ereb: Ji sedî 54

Tirkmen: Ji sedî 16

Niha:

Kurd: Ji sedî 23

Ereb: Ji sedî 51

Tirkmen: Ji sedî 23

Rêjeya birêvebirên fermangehan beriya 16ê Çiriya Pêşîn a 2017an:

Kurd: Ji sedî 53

Ereb: Ji sedî 19

Tirkmen: Ji sedî 23

Niha:

Kurd: Ji sedî 34

Ereb: Ji sedî 39

Tirkmen: Ji sedî 32

Ehmed Ezîz ragihand, "Rêjeya geşbûna nifûsa Kerkûkê hemû pîvanên cîhanî derbas kirine, ku li cîhanê ev rêje ji sedî 1ê kêmtir e.

Wekî mînak, nifûsa navçeya Hewîceyê sala 2003yan nêzîkî 130 hezar kes bû, lê niha gihîştiye nêzîkî 400 hezar kesî.

Ev tê wê wateyê ku nifûsa wê nêzîkî ji sedî 200 zêde bûye."

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên