کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Çand û Huner

Govend û dengê def û zirneyan du rojan Amed xemiland

Abdulselam Akinci

Abdulselam Akinci

02-11-2026
Guhdarî bike
0:00
0:00
Mezinahiya Nivîsê
Abdulselam Akinci
Abdulselam Akinci02-11-2026

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Amed (Rûdaw) - Li Amedê Festîvala 2yemîn a Govendên Kurdan hat lidarxistin.

Festîval ji aliyê Navenda Çand û Hunerê ya Dîcle Firatê, KASED û Sanatçayê ve hat sazkirin.

Dirûşma festîvala îsal "Mil bi mil ber bi aştiyê ve" bû.

Di çarçoveya festîvalê de 17 komên govendê yên ji bajar û herêmên cuda hunera xwe nîşan dan.

Govend û dengê def û zirneyan du rojan bajar xemiland.

Koma Urmiyeyê bal kişand

Koma Dîlanê ya ji Urmiyeya Rojhilatê Kurdistanê jî tevlî festîvalê bû.

Wan li Navenda Çandê ya Amedê lîstikên xwe pêşkêş kirin û dilê beşdaran xweş kirin.

"Zêdetirî 10 salan e em dixebitin"

Berpirsê Koma Dîlanê Şehab Mûsewî li ser beşdarbûna koma xwe axivî û got:

"Em li ser navê Koma Dîlanê ya Urmiyeyê beşdarî vê festîvalê bûn. Zêdetirî 10 salan e koma me dixebite.

Di van salên dawî de me di festîvalên navxweyî û navneteweyî de destkeftiyên baş bi dest xistin.

Em hewl didin ku govendên herêma Urmiyeyê û navçeyên derdorê biparêzin û bi cîhanê bidin naskirin."

Kêfxweşiya endamên komê

Endamên komê yên ku cara yekem e hatine Amedê kêfxweşiya xwe anî zimên.

Endamê Koma Dîlanê Îhsan Sohrabî got, "Li Amedê mêvandariyeke gelekî xweş li me kirin. Dema mirov tê û gelê Kurd dibîne, mirov gelekî kêfxweş dibe."

Endamê komê Cawîd Tebarî jî anî zimên ku her govendeke wan xwedî çîrokekê ye û pê de çû:

"Em bi 10 govendan hatin festîvala Amedê. Her govendek xwedî çîrokekê ye û ti govend ji ber xwe ve nehatiye çêkirin."

Reşîd Îsmaîlî jî diyar kir ku coşa Amedê gelekî zêde ye û got:

"Me ji Urmiyeyê hemû hest, êş û canê xwe aniye Amedê û em nîşanî beşdaran didin.

Ev cara yekem e ku em hatine Amedê. Em gelekî kêfxweş in ku em ji Urmiyeyê hatin Amedê."

Festîvala ku du rojan ajot bi dîmenên rengîn û kêfxweşiyeke mezin bi dawî bû.

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Pirsên