کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Wêne: Rûdaw Grafîk

Wêne: Rûdaw Grafîk

Çand û Huner

STENBOL - Rastak dê Şeva Yeldayê konserekê li dar bixe: ‘Dê di bîra xelkê de bimîne’

Serif Ozberk

Serif Ozberk

06-12-2023
Guhdarî bike
0:00
0:00
Mezinahiya Nivîsê
Serif Ozberk
Serif Ozberk06-12-2023

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Hewlêr (Rûdaw) – Koma muzîkê ya Rastakê bi beşdariya hunermenda Azerî Çinare Melîkzadeyê dê Şeva Yeldayê li bajarê Stenbolê yê Tirkiyeyê konserekê li dar bixe.

Koma muzîkê ya Rastakê, komeke ji hunermendên jin û mêr ên Îranê pêk tê ku solîstên wê ji Rojhilatê Kurdistanê ne.

Menajerê koma muzîkê ya Rastakê Behzad Pûrnaxî ji Tora Medyayî ya Rûdawê re li ser konsera Rastakê ya Stenbolê axivî.

Behzad Pûrnaxî destnîşan kir ku konser dê 21ê Kanûna Pêşînê demjimêr 20:00ê li Salona MKM Attîla Îlhanê were sazkirin.

Behzad Pûrnaxî herwiha diyar kir ku dê konsera Stenbolê bi beşdariya hunermenda Azerî Çinare Melîkzadeyê bi rê ve biçe.

“Konser dê bi muzîk û dîlanê dagirtî be”

Menajerê koma muzîkê ya Rastakê Behzad Pûrnaxî li ser konserê got:

“Em we vedixwînin konsera pîrozkirina Şeva Yeldayê ya kevnar. Em dixwazin hûn rêwîtiyeke muzîkê ya ku dewlemendiya çandî ya vê şevê nîşan dide tam bikin.

Konsera ku dê bi muzîk û dîlanê dagirtî be, dê bibe şeveke ku di bîra xelkê de bimîne.”

Rastak stranên folklorî û resen ên hemû neteweyên ku li Îranê û Rojhilatê Kurdistanê dijîn bi şêwazeke nû dijene.

Menajerê koma muzîkê ya Rastakê Behzad Pûrnaxî diyar kir ku dê Çinare Melîkzade jî di konserê de cih bigire û anî ziman:

“Çinare stranbêjeke Azerî ya ku li Îranê xwedî komeke hezkiriyan a mezin e.

Ew dê di beşa duyemîn a konserê de 5 stranên Rastakê bêje û Rastak jî dê straneke wê bi şêwaza xwe pêşkêş bike.”

Behzad Pûrnaxî da zanîn ku hezkiriyên Rastakê dikarin li ser biletix.comê biletan bi dest bixin.

Koma muzîkê ya Rastakê sala 1997an hatiye damezrandin û beşdarî gelek festîvalên cîhanî jî bûye.

Rastak yek ji komên muzîkê yên navdar e û gelek caran li Herêma Kurdistanê jî konser dane.

Şeva Çile yan jî Şeva Yeldayê yek ji cejnên herî kevn e ku Kurd û neteweyên din pîroz dikin û ev cejn dikeve şeva herî dirêj a salê.

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Pirsên