کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Civîna wezîrên parastinê yên NATOyê / Wêne: AFP

Civîna wezîrên parastinê yên NATOyê / Wêne: AFP

Cîhan

Zextên Amerîkayê yên li ser NATOyê zêde dibin

Maseya Edîtoran a Rûdawê

Maseya Edîtoran a Rûdawê

18-06-2026
Guhdarî bike
0:00
0:00
Mezinahiya Nivîsê
Maseya Edîtoran a Rûdawê

Maseya Edîtoran a Rûdawê

18-06-2026

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Hewlêr (Rûdaw) - Wezîrê Şer ê Amerîkayê bi tundî êrişî hevpeymanên xwe yên di nava NATOyê de kir û ragihand ku dê Washington di 6 mehên pêş de li ser hêzên xwe yên li Ewropayê pêdaçûnê bike.

Ev yek jî wekî bertekekê ye li hemberî "sistbûna" welatên Ewropayê ya di piştgiriya Amerîkayê ya di dem şerê li Îranê de.

Di civîna wezîrên parastinê yên NATOyê ya li Brukselê de, Wezîrê Şer ê Amerîkayê Pete Hegseth peyameke tund da welatên Ewropayê û got:

"Ev dê bibe pêdaçûneke rasteqîn.

Armanc ew e ku NATO ber bi wê yekê ve gavan biavêje ku Ewropa bi xwe berpirsyariya yekem a parastina parzemîna xwe bigire ser xwe."

Hegseth hişyarî da û anî ziman, "Ev ceribandinek e ku dê hinek welat tê de bi ser bikevin û hinekên din jî têk biçin."

Wezîrê Şer ê Amerîkayê hêrsa Washingtonê ya li ser reftarên hinek welatên Ewropî yên di dema şerê li Îranê de venedişart.

Wan welatan rê nedabû ku hêzên Amerîkayê baregehên leşkerî û asmanê welatê wan bi kar bînin.

Wezîrê Şer ê Amerîkayê destnîşan kir:

"Ew karekî şermezarker bû.

Wan hevpeymanan jiyana kur û keçên me xist metirsiyê.

Ti hincetên vê yekê nînin."

Zextên li ser hevpeymanan

Amerîkayê zextên xwe yên li ser hevpeymanên xwe zêde kirine ku xerciyên xwe yên leşkerî derxînin ji sedî 5ê berhema navxwe ya giştî.

Hegseth her wiha diyar kir ku dayîna para Amerîkayê ya di budceya birêvebirina NATOyê de ku ji bo sala 2026an nêzîkî 790 milyon dolarî ye girêdayî wê yekê ye ka dê welatên din xerciyên xwe zêde bikin yan na.

Pete Hegseth anî ziman:

"Li wan cihên ku hevpeyman bi lez pereyan xerc nekin, dê para me jî kêm bibe."

Medyaya Amerîka û Almanyayê eşkere kir ku kêmkirina hêzên Amerîkayê van gavan li xwe digire:

“Vekişandina sêyeka balafirên şer ên cureyê F-16 û F-15 (nêzîkî 50 balafir), vekişandina balafirên dagirtina sotemeniyê, balafirên sîxuriyê û dronan.”

Her wiha Amerîka dê 2 binderyayên hilgirên mûşekên krûzê vekişîne û yek ji keştiyên xwe yên balafirhilgir jî ji herêmê dûr bixe.

"Pêwîstiya me bi demê heye"

Sekreterê Giştî yê NATOyê Mark Rutte hewl da rewşê aram bike û ragihand ku Ewropa û Kanadayê sala 2025an xerciyên xwe yên leşkerî 90 milyar dolarî zêde kirine û da zanîn:

"Eger NATO rûbirûyî êrişekê bibe, ez piştrast im ku dê Amerîka û hemû hevpeyman tiştê ji destê wan bê bikin."

Li aliyê din, Wezîrê Parastinê yê Almanyayê Boris Pistorius dilgiraniya xwe nîşan da û got:

"Em dikarin tazmîna gelek tiştan bikin lê pêwîstiya me bi demê heye.

Eger ew şiyan bi lez werin vekişandin û cîgirên wan nebin, ev yek metirsîdar e."

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Pirsên