کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

J.D. Vance / Wêne: AFP

J.D. Vance / Wêne: AFP

Cîhan

JD Vance: Dan û standinên Washington û Tehranê berdewam dikin

Maseya Edîtoran

Maseya Edîtoran

01-07-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran01-07-2026

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Hewlêr (Rûdaw) - Alîkarê Serokê Amerîkayê JD Vance got ku dan û standinên teknîk ên di navbera Washington û Tehranê de berdewam dikin.

JD Vance ragihand ku Îran bi zanebûn daxuyaniyên redkirina hevdîtinan dide û ev wekî "rêbazeke Farisî ya dan û standinê" bi nav kir.

JD Vance di hevpeyvîneke "The Michael Knowles Show"ê de diyar kir:

"Hinek civînên plankirî yên teknîk hebûn ku li ser dan û standinên me yên berê hatine avakirin. Ew civîn bê guman sibe pêk tên."

Vance daxuyaniyên rayedarên Tehranê yên li ser pêvajoya aştiyê wekî tiştên "balkêş û bêzarker" pênase kirin.

Vance bi bîr anî ku berpirsên Îranê dan û standinên teknîk qebûl dikin lê "hevdîtinên aştiyê" red dikin.

Rêbaza Îranê

JD Vance li ser vê helwesta Îranê wiha peyivî:

"Ew dibêjin 'Na, dan û standinên aştiyê nînin lê li ser peymana aştiyê di navbera Amerîka û Îranê de dan û standinên teknîk hene.'

Ev rêbazeke Farisî ya dan û standinê û şêwazekî axaftina Farisî ye ku ez jê fêm nakim."

Alîkarê Serokê Amerîkayê her wiha nêzîkatiya Donald Trump a li hemberî Îranê parast.

Vance destnîşan kir ku Serok Trump amade ye ji bo gihîştina armancên diyar hêza leşkerî bi kar bîne.

Tevger girîng e, ne gotin

JD Vance di hevpeyvîneke din a bi FOX Newsê re destnîşan kir ku Washington bêhtir bala xwe dide tevgerên Îranê, ne gotinên wan û anî zimên:

"Ji bo ku di dan û standinan de bipêşketineke rast çêbibe divê Tehran tewîzên rast bide.

Gotinên Îraniyan ji bo me ne ew qasî girîng in. Tiştê ku ew dikin ji bo me girîngtir e.

Em hinek nîşanên erênî dibînin, hinek jî nîşanên neyînî hene.

Serok ji me re gotiye ku em li ser pirsgirêkê bixebitin da ku em bibînin ka dê dan û standin ber bi kû ve herin."

Amerîkayî li Dohayê ne

Şandeyên Koşka Spî Steve Witkoff û Jared Kushner piştî daxuyaniya Donald Trump a duşemê ku gotibû Îranê li Dohayê hevdîtinek xwestiye, çûn paytextê Qeterê.

Lê belê Îranê heta niha hevdîtina rasterast a bi Washingtonê re red kiriye û dibêje bi navbeynkaran re civîn didomin.

Berdevkê Wezareta Karên Derve ya Îranê Îsmaîl Baqayî diyar kir, "Tiştê ku sibe li Dohayê bê kirin, axaftina li ser bicihkirina bendên peymanê ye ku vegerandina darayiyên Îranê yên rawestandî jî tê de ye."

Peyman û Tengava Hurmizê

Rayedarekî Amerîkayê eşkere kir ku Witkoff û Kushner dê bi Serokwezîrê Qeterê Şêx Mihemed bin Ebdulrehman Al Sanî û navbeynkarên din re bicivin.

Peymana di navbera Washington û Tehranê de bi navbeynkariya Pakistanê hatibû amadekirin.

Ev peyman ji aliyê Serokê Îranê Mesûd Pizîşkiyan û Donald Trump ve bi awayê elektronîk hatibû îmzekirin û 18ê Hezîranê ket meriyetê.

Ev peyman ji bo bidawîkirina şerê ku dawiya sibatê dest pê kiribû çarçoveyekê peyda dike.

Di peymanê de çareserkirina pirsgirêkên wekî rawestandina şer, rakirina sizayan, dosyaya nukleerê û vekirina tam a Tengava Hurmizê cih digirin.

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Pirsên