Hewlêr (Rûdaw) - Serokê Amerîkayê Donald Trump û Serokê Ukraynayê Volodymyr Zelenskyy li Koşka Spî civiyan.
Serokê Ukraynayê Volodymyr Zelenskyy ji bo beşdariya merasîma cenazeyê Senatorê Komarî Lindsey Graham çûbû Washingtona paytexta Amerîkayê.
Li gorî daxuyaniya Koşka Spî, civîna Trump û Zelenskyy ji çapemeniyê re girtî bû.
Civînê bi dema herêmî saet 09:47an dest pê kir û nêzîkî saetekê berdewam kir.
Serokê Amerîkayê Trump dê piştî hevdîtina bi Zelenskyy re, bi Serokwezîrê Îsraîlê Benjamin Netanyahu re jî bicive.
Netanyahu jî ji bo merasîma cenazeyê Graham çûye Amerîkayê.
Senator Graham bi piştgiriya xwe ya Îsraîl û Ukraynayê dihat nasîn.
Graham rojek beriya mirina xwe ya 11ê Tîrmehê li Kîevê bi Zelenskyy re civiyabû.
Peyama Zelenskyy
Serokê Ukraynayê Volodymyr Zelenskyy li ser hesabê xwe yê Xê daxuyaniyek belav kir û got:
"Me li Ofîsa Ovalê bi Serok Trump re civîneke baş kir. Spas ji bo her tiştê ku em bi hev re dikin ku jiyana Ukrayniyan biparêzin û aştiyê bi pêş bixin.
Beriya her tiştî, min ji ber koça dawî ya Lindsey Graham sersaxî ji Serok Trump xwest.
Ew dostekî rasteqîn ê Ukraynayê bû.
Min û Serok li ser ruxsetên hilberîna sîstema parastinê ya Patriotê û çend ramanên din ên ku dikarin alîkar bin gotûbêj kir.
Me li ser dîplomasiyê jî axivî, girîng e ku pêvajoya dîplomatîk ji nû ve were zindîkirin.
Tîmên me dê hûrgiliyên pêwendiyên xwe yên bê saz bikin.
Ez ji ber piştgiriya wê ya xurt spasiya Amerîkayê dikim."
