کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Cîhan

LÛTKEYA MUNICHÊ - Ewropa li dijî koçberan tedbîran tûjtir dike

Ala Şalî

Ala Şalî

26-09-2026
Guhdarî bike
0:00
0:00
Mezinahiya Nivîsê
Ala Şalî, peyamnêra Tora Medyayî ya Rûdawê ye li ofîsa Ewropayê. Ji roja 13ê Gulana 2013an ve li gel Rûdawê kar dike.
Ala Şalî
Ala Şalî 26-09-2026
Ala Şalî, peyamnêra Tora Medyayî ya Rûdawê ye li ofîsa Ewropayê. Ji roja 13ê Gulana 2013an ve li gel Rûdawê kar dike.

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Munîh (Rûdaw) - Li bajarê Munîhê yê Almanyayê, wezîrên navxwe yên 17 welatên Ewropayê û berpirsên pilebilind ên Yekîtiya Ewropayê kom bûn.

Wan ji bo dijwarkirina polîtîkayên sînoran û bicihanîna pergala hevbeş a koçberiyê civînek pêk anî.

Mijara koçberiyê ya li Ewropayê derbasî qonaxeke nû bûye.

Munîhê mazûvaniya duyemîn lûtkeya taybet a li ser pirsgirêka koçberiyê kir.

Armanca sereke ya vê lûtkeyê ew e ku gavên bicihanîna "Peymana Nû ya Koç û Penaberiyê" ya Yekîtiya Ewropayê leztir bikin.

Di vê peymanê de li ser sê xalên hestiyar tê rawestîn: Hişkkirina kontrola sînoran, lezkirina dersînorkirinê û hêsankirina rêbazên vegerandina bilez a wan kesên ku şertên mafê penaberiyê pêk nayînin.

"Ji bo parastina sînoran pêbendbûneke rasteqîn heye"

Nûnerê Serkirdayetiya Encumena Yekîtiya Ewropayê Jim O'Callaghan li ser lûtkeyê axivî û got:

"Civîneke gelekî balkêş bû. Ez dixwazim ji bo organîzekirina vê civînê destxweşiyê li Wezîr Dobrindt bikim.

Veguherîna nêrînan gelekî bikêr bû. Ez gelekî dilxweş bûm ku ez li vê derê bûm, ji ber ku niha Îrlanda serokatiya Encumena Yekîtiya Ewropayê bi rê ve dibe."

Jim O'Callaghan destnîşan kir ku wan li ser çendîn babetên girîng ên peywendîdarî koçberiyê nêrînên gelekî baş gotûbêj kirine û wiha pê de çû:

"Bi dîtina min di nav Yekîtiya Ewropayê de ji bo parastina sînorên me yên derve pêbendbûneke rasteqîn heye. Ev yek di wan guftûgoyên îro hatin kirin de bi zelalî diyar bû.

Di nav beşdaran de yekdengiyek hebû li ser wê yekê ku em dixwazin sînorên me parastî bin.

Ez jî wekî serokê Encumena Dadperwerî û Karûbarên Navxwe ya Yekîtiya Ewropayê, dixwazim di civînên me de tekezî li ser vê yekê bê kirin."

Koçberiya neyasayî ji sedî 55 ketiye

Komîserê Yekîtiya Ewropayê yê ji bo Pirsa Koç û Karûbarên Navxwe Magnus Brunner jî da zanîn ku guhertina polîtîkayan encam daye û got:

"Bi awayekî eşkere diyar e ku guhertina polîtîkaya koçberiyê ya li Ewropayê bandora xwe kiriye û amar ber bi daketinê ve diçin.

Koçberiya neyasayî ji sedî 55 kêm bûye. Pêvajoya vegerandina penaberan bi awayekî gelekî baştir bi rê ve diçe."

Brunner bal kişand ser wê yekê ku welatên endam hemû li ser xetekê dixebitin û yekdeng in. Brunner her wiha wiha lê zêde kir:

"Divê em bi hemû hêza xwe koçberiya neyasayî, bazirganiya bi mirovan û karê qaçaxçiyan rawestînin.

Di heman demê de divê em derfet û rêyên yasayî çêbikin da ku xelk karibin bi awayekî yasayî werin Ewropayê ji bo bazarên me yên karî.

Helbet ev yek di heman demê de ji bo parastina wan kesan e ku bi rastî pêwîstiya wan pê heye."

Plana şandina welatên sêyem

Welatên wekî Almanya, Holenda, Yunanistan, Awisturya û Danîmarka daxwaza bicihanîna projeya "Navendên Vegerandinê" (Return Hubs) dikin da ku koçberan dersînorî welatên sêyem bikin.

Yek ji wan welatên ku Yekîtiya Ewropayê li gel wan guftûgoyan dike Ruwanda ye.

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Pirsên