Hewlêr (Rûdaw) - Li gorî amarên herî nû yên Saziya Amaran a Fînlandiyayê, zimanê Kurdî di nav 12 zimanên herî sereke de ye ku şêniyên wî welatî wekî zimanê dayîkê pê diaxivin.
Li gorî amaran, hejmara Kurdîaxêvên li wî welatî gihîştiye zêdetirî 18 hezar kesî.
Amarên fermî yên hikûmeta Fînlandiyayê yên sala 2025an nîşan didin ku piştî her du zimanên fermî yên Fînî û Swêdî, zimanên Rûsî, Estonî, Ukraynî û Erebî xwedî herî zêde axêver in.
Zimanê Kurdî jî di rêza 12an de cih digire û ji sedî 0,3yê şêniyên Fînlandiyayê wekî zimanê dayîkê pê diaxivin.
Zarokên Kurd çawa fêrî zimanê dayîkê dibin?
Kurdên ku li Fînlandiyayê dijîn bi piranî ji Rojhilat û Başûrê Kurdistanê ne.
Dersên Kurdî di dibistanên Fînlandiyayê de bi awayekî fermî nayên xwendin lê beşeke ji malbatên Kurd di rojên bêhnvedana dawiya hefteyê de zarokên xwe dişînin qursên hînbûna zimanê Kurdî.
Her wiha li Fînlandiyayê ji ber ku budceya dibistanan ji aliyê şaredariyan ve tê diyarkirin, eger malbatên 7 xwendekaran bixwazin ku zarokên wan bi zimanê dayîkê bixwînin, di rojên asayî de li dibistanê ji bo wan qursa fêrbûna zimanê dayîkê tê vekirin.
Fînlandiya ji bo belavkirina amaran xwedî sîstemeke taybet e û salane amarên bi vî rengî yên sala borî di meha Çiriya Paşîn de belav dike.
Rêzbendiya zimanên dayîkê ya li Fînlandiyayê
Li gorî amarên sala 2025an rêzbendiya zimanên ku şêniyên Fînlandiyayê wekî zimanê dayîkê bi kar tînin wiha ye:
Fînî: 4 milyon û 719 hezar û 802 kes (ji sedî 83,5)
Swêdî: 284 hezar û 611 kes (ji sedî 5)
Rûsî: 102 hezar û 618 kes (ji sedî 1,8)
Estonî: 48 hezar û 495 kes (ji sedî 0,9)
Ukraynî: 46 hezar û 696 kes (ji sedî 0,8)
Erebî: 44 hezar û 696 kes (ji sedî 0,8)
Îngilîzî: 39 hezar û 100 kes (ji sedî 0,7)
Somalî: 28 hezar û 167 kes (ji sedî 0,5)
Farisî: 24 hezar û 47 kes (ji sedî 0,4)
Çînî: 20 hezar û 320 kes (ji sedî 0,4)
Albanî: 19 hezar û 600 kes (ji sedî 0,3)
Kurdî: 18 hezar û 460 kes (ji sedî 0,3)
Zêdebûna hejmara Kurdîaxêvan a di navbera salên 1991-2025an de
Hejmara kesên ku li Fînlandiyayê zimanê wan ê dayîkê Kurdî ye ji sala 1991ê heta sala 2025an sal bi sal bi vî rengî zêde bûye:
Sala 1991ê: 294 kes
Sala 1992yan: 570 kes
Sala 1993yan: 868 kes
Sala 1994an: Hezar û 147 kes
Sala 1995an: Hezar û 381 kes
Sala 1996an: Hezar û 670 kes
Sala 1997an: 2 hezar û 99 kes
Sala 1998an: 2 hezar û 419 kes
Sala 1999an: 2 hezar û 860 kes
Sala 2000î: 3 hezar û 115 kes
Sala 2001ê: 3 hezar û 477 kes
Sala 2002yan: 3 hezar û 926 kes
Sala 2003yan: 4 hezar û 340 kes
Sala 2004an: 4 hezar û 757 kes
Sala 2005an: 5 hezar û 123 kes
Sala 2006an: 5 hezar û 469 kes
Sala 2007an: 5 hezar û 893 kes
Sala 2008an: 6 hezar û 455 kes
Sala 2009an: 7 hezar û 135 kes
Sala 2010an: 8 hezar û 32 kes
Sala 2011ê: 8 hezar û 623 kes
Sala 2012yan: 9 hezar û 280 kes
Sala 2013yan: 10 hezar û 75 kes
Sala 2014an: 10 hezar û 731 kes
Sala 2015an: 11 hezar û 271 kes
Sala 2016an: 12 hezar û 226 kes
Sala 2017an: 13 hezar û 327 kes
Sala 2018an: 14 hezar û 54 kes
Sala 2019an: 14 hezar û 803 kes
Sala 2020î: 15 hezar û 368 kes
Sala 2021ê: 15 hezar û 850 kes
Sala 2022yan: 16 hezar û 603 kes
Sala 2023yan: 17 hezar û 270 kes
Sala 2024an: 17 hezar û 953 kes
Sala 2025an: 18 hezar û 460 kes



