کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Civîna sêalî ya di navbera Amerîka, Îsraîl û Libnanê de / Wêne: AFP

Civîna sêalî ya di navbera Amerîka, Îsraîl û Libnanê de / Wêne: AFP

Cîhan

Gaveke dîrokî: Libnan û Îsraîl dê rasterast bicivin

RÛDAW

RÛDAW

14-04-2026
Guhdarî bike
0:00
0:00
Mezinahiya Nivîsê
RÛDAW
RÛDAW14-04-2026

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Hewlêr (Rûdaw) - Wezareta Karên Derve ya Amerîkayê civîneke sêalî di navbera Washington, Tel Avîv û Beyrûtê de saz kir.

Armanc destpêkirina dan û standinên rasterast û pêkanîna aştiyê di navbera Îsraîl û Libnanê de bû.

Civîn îro bi beşdariya Wezîrê Karên Derve yê Amerîkayê Marco Rubio, Şêwirmendê Wezaretê Mike Needham, Balyozê Amerîkayê yê Libnanê Michel Issa, Balyozê Îsraîlê yê Amerîkayê Yechiel Leiter û Balyoza Libnanê ya Amerîkayê Nada Mouawad hat lidarxistin.

Ev hevdîtin wekî gotûbêja yekem a asta bilind a di navbera hikûmetên Îsraîl û Libnanê de ji sala 1993ayn û vir ve tê tomarkirin.

Piştgiriya Amerîkayê ji bo bidawîanîna serweriya Îranê

Li gorî daxuyaniyeke hevpar a her sê aliyan, Washingtonê pîrozbahî li her du welatan kiriye.

Amerîkayê piştgiriya xwe ji bo planên hikûmeta Libnanê yên ji bo vegerandina desthilata çekan ji bo destê dewletê û bidawîanîna "serweriya Îranê" ya li wî welatî ragihand.

Washington hêvî dike ku ev gotûbêj bibin sedema îmzekirina peymaneke berfireh a aştiyê ku ji peymana 2024an berfirehtir be.

Amerîkayê her wiha tekez kir ku her peymana ji bo rawestandina "kirdariyên dijminane, divê tenê bi navbeynkariya Washingtonê be."

Mercên Îsraîlê û daxwazên Libnanê

Wekî ku di daxuyaniyê de hatiye, Îsraîlê di civînê de pabendiya xwe ji bo dan û standinên rasterast nîşan da û daxwaza bêçekkirina hemû komên nedewletî û hilweşandina binesaziyên wan ên leşkerî li Libnanê kir, "da ku ewlehiya gelên her du welatan misoger bibe".

Ji aliyekî din ve, dewleta Libnanê tekezî li ser girîngiya parastina serweriya tam a dewletê û yekparçeyiya axa xwe kir.

Beyrûtê daxwaz kir ku gavên berbiçav ji bo çareserkirina krîza mirovî ya welat werin avêtin û tekezî li ser pêwîstiya cîbicîkirina temam a biryara rawestandina êrişan kir.

Destpêkirina dan û standinên rasterast

Di dawiya hevdîtina sêalî de, hemû alî li ser destpêkirina dan û standinên rasterast li hev kir.

Biryar e ku ew di demek û cihekî guncav de ku her kes li serê li hev bike, werin lidarxistin.

Amerîkayê amaje bi wê yekê jî kir ku ev prose dê bibe sedema teşwîqkirina veberhênanê û dabînkirina alîkariyên mezin ji bo avakirina Libnanê.

Daxuyaniya hevpar a sêalî

Di daxuyaniya hevpar a piştî civînê de hat tekezkirin ku Amerîka piştgiriya xwe ji bo mafê Îsraîlê yê parastina xwe ya li hemberî êrişên berdewam ên Hizbulahê ducare dike.

Her wiha hat gotin ku her peymana ji bo rawestandina kirdariyên dijminane divê di navbera her du hikûmetan de û bi navbeynkariya Amerîkayê be, ne bi rêyên din.

Di daxuyaniyê de hat destnîşankirin ku Îsraîl amade ye ji bo çareserkirina hemû pirsgirêkan û pêkanîna aştiyeke mayînde bikeve nav dan û standinên rasterast.

Libnanê jî tekezî li ser pêwîstiya lezgîn a cîbicîkirina temam a ragihandina rawestandina kirdariyên dijminane kir û daxwaza agirbestê û gavên berbiçav ji bo çareserkirina krîza mirovî kir.

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Pirsên