کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Çand û Huner

Tabloyên Kurdî li Enqereyê: Çîrokên dayîkan bûn huner

Maseya Edîtoran a Rûdawê

Maseya Edîtoran a Rûdawê

29-03-2026
Guhdarî bike
0:00
0:00
Mezinahiya Nivîsê
Maseya Edîtoran a Rûdawê

Maseya Edîtoran a Rûdawê

29-03-2026

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Enqere (Rûdaw) - Pêşangeha 12emîn a Hunerî ya Navneteweyî ya Enqereyê ku wekî ArtAnkara tê naskirin tê lidarxistin.

Salên borî hejmareke zêde ya hunermendên Îranî beşdarî vê pêşangehê dibûn lê îsal ji ber rewşa welatê xwe nekarî beşdar bibin.

Wekî her sal îsal jî hunermendên Kurd bi tabloyên xwe di pêşangehê de amade bûn.

Çîrokên Kurdî di tabloyên Kemal Ulutaş de

Kemal Ulutaş Kurdekî ji Serhedê ye. Ew bi çîrokên Kurdî û bi dengê kilamên Radyoya Êrîvanê mezin bûye.

Yek ji çîrokên ku bandoreke mezin li wî kiriye, çîroka evîna Tamaraya keça keşîşê Dêra Axtamarê ya Wanê û ciwanekî Kurd e.

Kemal Ulutaş niha wan çîrokan dinexşîne û herî dawî jî beşdarî pêşangeha hunerî ya navneteweyî ya Enqereyê bû.

Wênesaz Kemal Ulutaş got, “Bi giştî li pişt resmên min çîrokên Kurdan hene.

Di dema zarokatiyê de dayîka min û dapîra min ji min re çîrokên Kurdî digotin.

Ew hemû di bîra min de ne. Dema ez karekî hunerî dikim ev yek bandorê lê dike.

Li pişt karê min ê hunerî wêje û dîroka Kurdan heye. Min ev tablo bi 250 hezar lîreyî firot. Wate bihayê wê 250 hezar lîre ye.”

Konsept: Bi hêza hunerê aştî

Zêdetirî 1500 hunermend û galeriyên hunerî beşdarî pêşangehê bûn.

Konsepta pêşangeha îsal jî “bi hêza hunerê aştî” bû.

Hunermend Yetkîn Yagcî li ser giringiya hunerê got:

“Mixabin li cîhanê şer heye û zarok dimirin. Em ji ber rewşa heyî gelekî aciz in

Em hewl didin bi hunera xwe cîhanê aram bikin. Wekî hunermend tiştê ji destê me tê ev e.”

Mêvanên ji El Salvadorê

Di pêşangehê de hunermendên ji 45 welatên biyanî beşdar bûn.

Yek ji mêvanên rûmetê jî welatê El Salvadorê bû.

Balyozê El Salvadorê û berpirsên balyozxaneyê jî di pêşangehê de amade bûn.

Balyozê El Salvadorê Hector Enrique Jaime Calderon diyar kir ku ew cara ewil e beşdarî vê pêşangehê dibin û kêfxweşiya xwe anî zimên.

Şêwirmenda Karên Hunerî ya Hikûmeta El Salvadorê Irma Elizabethê jî got:

“Hûn bi xêr hatin standa Balyozxaneya El Salvadorê. Em çand û hunera welatê xwe didin nasandin.

Derfeta xelkê heye ku her du hunermendên me Fernando York û Miguel Angel Ramirez nas bikin.”

8 hezar berhem tên nîşandan

ArtAnkara îsal cara 12emîn hat vekirin û beşdariya xelkê li gorî salên borî zêdetir bû.

Mêvana pêşangehê Perîhan Ayderê got, “Eleqeyeke gelekî zêde heye.

Li Enqereyê hunerhezên gelekî taybet hene. Berhemên ku beşdar bûne gelekî hêja ne.”

Nêzîkî 8 hezar berhem di pêşangehê de hatin nîşandan.

Pêşbînî tê kirin ku îsal bi giştî 85 hezar kesî serdana pêşangehê bikin.

Nûçeyên Têkildar

Polîsan bi ser Weşanxaneya Belkiyê de girt
Çand û Huner18-11-2026

Polîsan bi ser Weşanxaneya Belkiyê de girt

Paix klîpa strana xwe ya nû ya bi hişê çêkirî li Amedê girt
Çand û Huner17-11-2026

Paix klîpa strana xwe ya nû ya bi hişê çêkirî li Amedê girt

Weşanên Avestayê çapa nû ya pirtûka Fatma Savciyê 'Bîra Birînê' belav kir
Çand û Huner16-11-2026

Weşanên Avestayê çapa nû ya pirtûka Fatma Savciyê 'Bîra Birînê' belav kir

Pirsên