Hewlêr (Rûdaw) - Li parêzgeha Rihayê ya Bakurê Kurdistanê kesekî ku bi çeka pêlîstok ji zêrîngerekî zêr dizîn û xwest bireve ji aliyê xwediyê dikanê ve ji lingê xwe hat birîndarkirin û girtin.
Li gor agahiyan li taxa Silêmaniyê ser bi navçeya Xelîliyê kesek ket dikane zêringerekî, çek arasteyî xwediyê dikanê kiriye û piştî ku hinek zêr wergirtine xwestiye bireve.
Lê xwediyê dikanê ew şopandiye, bi çekê ji lingê wî birîndar kiriye û bi alîkariya welatiyên derdorê hatiye girtin.
Polîsên ku hatine cihê bûyerê tedbîrên ewlekariyê wergirtine û dizê bi navê N.A ji aliyê tîmên tendirûstiyê ve bo nexweşxaneyê hatiye veguhestin. Li gor polîsan, wî kesî bo diziyê çeka pêlîstok bikar aniye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse