Wezareta Rewşenbîrî li ser rêzefîlma ATVê: Em ê bersivê bidin

Hewlêr (Rûdaw) - Cîgirê Wezareta Rewşenbîrî û Ciwanan ê Hikûmeta Herêma Kurdistanê Salar Osman îro Yekşemê li ser rêzefîlma "Yalniz Kurt (Gurê Bitenê)" kanala ATVê ya ku heqaret li Herêma Kurdistanê û Kurdan kiribû ji Rûdawê re axivî û got, “Tiştekî xerab e, em ê mijarê lêkolîn bikin û bersivê bidin.”

Cîgirê Wezareta Rewşenbîrî û Ciwanan ê Hikûmeta Herêma Kurdistanê Salar Osman roja Yekşemê 5ê Gulana 2022an li ser rêzefîlma "Yalniz Kurt (Gurê Bitenê)" ji Rûdawê re axivî.

Her wiha endamê Tirkmen yê Komîteya Rewşenbîrî, Civaka Sivîl, Werziş û Ciwanan a Parlamentoya Kurdistanê Azad Ekrem îro Yekşemê ji Rûdawê re got, “Dadgehên Hikûmeta Herêma Kurdistanê dezgehên yasayî ne û fîlm bandorê li pêwendiyên Herêma Kurdistanê û Tirkiyê nake.”

Heta niha RTUKê ti bersivek nedaye li ser rêzefîlmê lê ev rêzefîlm bûye sedema nerazîbûna hejmarek rojnamevanên Bakurê Kurdistanê û Tirkiyê.

Rêzefîlma "Gurê Bitenê" ji aliyê kompanyaya medyayî Turkuvaz ku nêzîkî Hikûmeta Tirkiyeyê ye ve tê çêkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger