Li Qamişloyê asayîşê rêbendeke hikûmeta Sûriyê dorpêç kir

Hewlêr (Rûdaw) – Li Rojavayê Kurdistanê, Hêzên Antî Terorê yên ser bi Rêveberiya Xweser ve rêbenedeke hêzên hikûmeta Sûriyê li ser Rêya Navdewletî ku diçe Balafirxaneya Qamişlo dorpêç kirin.

Ji ku ber hêzên hikûmeta Sûriyê herdû taxên Kurdnişîn Şêx Meqsûd û Eşrefiye û kampên koçberên Efrînî li navçeya Şehbayê li bakurê Helebê dorpêç kirine, weke bersiv îro Duşemê 5ê Hezîranê Hêzên Antî Terorê ya ser bi Asayîşa Rêveberiya Xweser ve rêbenedeke hêzên hikûmetê li ser rêya diçe Firokexaneya Qamişlo dorpêç kirin.

1ê Hezîranê jî, Asayîşa Rêveberiya Xweser çend xalên kontrolê yên hêzên hikûmetê li derdora balafirxaneya Qamişlo dorpêç kiribûn.

Ev çend roj in ji bo vekirina rakirina gotûbêj di navbera herdû aliyan de berdewam dikin, lê heta niha ti encamek ji civînan derneketiye.

Tê pêşbînîkirin Asayîşa Rêveberiya Xweser çargoşeya ewlekariyê ya hikûmetê li nav Qamişloyê dorpêç bike.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger