Baba Çawîş: Em dixwazin Nêçîrvan Barzanî master plana Lalişê bicîh bike

Hewlêr (Rûdaw) - Baba Çawîş ku kesayetekî Kurdê Êzdî ye li Lalişê, di derbarê dest bikarbûna Nêçîrvan Barzanî de weke Serokê Herêma Kurdistanê, ragihand ku ew dixwazin Nêçîrvan Barzanî master plana Lalişê bicîh bike ku beriya şerê DAIŞê ji aliyê wî bixwe ve hatibû danîn.

Baba Çawîş bi rêya Rûdawê pîrozbahî li Nêçîrvan Barzanî kir wekî Serokê Herêma Kurdistanê hatiye hilbijartin.

Baba Çawîş diyar jî kir ku ew li bendê ne Serokê Herêma Kurdistanê di mijara avadankirin û master plana Lalişê de karê pêwîst encam bide û got: “Em pîrozbahiyê Ii Nêçîrvan Barzanî dikin. Em bawer dikin ku dê serkeftî. Hinek daxwazên me ji wî hene. Piştî ku wek Serok dest bi kar em dixwazin master plana Lalişê bicîh bike ku beriya şerê DAIŞê ji aliyê wî bixwe ve hatibû danîn. Laliş hewceyê avakirnê ye.”

Kesayetê Kurdê Êzdî yê Lalişê herwiha da zanîn ku Nêçîrvan Barzanî hêj roja despêkê de ji bo rizgarkirina revandiyên ji aliyê DAIŞê ve ofîs vekiriye û di wî warî de gelek bûye alîkar.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger