Saziyên sivîl dibistan li Idlibê vekirin

Idlib (Rûdaw) – Zarok di rewşa şer û pevçûnan û koçberiyê de  dibine qurbaniyên sereke.

Li bajarê Idlibê yê li bakurê Sûriyê, hin rêxistin û dezgehên sivîl zêdetir guh didin zarokan, bi taybetî ji aliyê derûnî ve, ku pêwîstiya wan bi vê yekê heye.

Yek ji karên van dezgeh û rêxistinan, vekirina dibistanên taybet e, ku zarok têde li ser nirx û prensîbên mirovî têne  perwerdekirin.

Mamosteyê li Dibistana Beyan Fêsel Mehmûd wiha dibêje: "Dibistana Beyan ji dibistanên nimûneyî ye ku di rewşa şer de, li Sûriyê hene. Ew take dibistan e li vê navçeyê. Li vê dibistanê derfeteke fêrkirinê ya baş ji zarokan re peyda dibe. Herwiha derfeteke alîkariya derûnî jî ji zarokan re heye"

Li gundewarê başûrê Idlibê xwendegeha bi navê (Dibistana Beyan) taybet e ji bo guhdana bi zarokan.

Li vê dibistanê, zarok dixwînin û li ser lîstika hevbeş û pêwendiyên mirovî perwerde dibin.

Fêsel Mehmûd wiha domand: “Li vê dibistanê em guhdanê bi babetên gelekî girîng dikin. Ew jî rahênankirina mamoste û kadroyên hilbijartî ye. Ev kadro li ser guhdana bi zarokan hatine rahênankirin."

Berdewam pêwîstiya zarokan, bi guhdan û alîkairya derûnî heye. Bi taybetî di rewşa şer û koçberiyê de, weke ku li Sûriyê dibe. 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger