Hewlêr (Rûdaw) - Parêzgarê nû yê Kerkûkê Rêbiwar Taha li Dadgeha Kerkûkê sonda yasayî xwar derbasî avahiya parêzgariyê bû.
Piştî hilbijartinan bi 8 mehan Parêzgar û Serokê Encûmena Parêzgeha Kerkûkê hatin hilbijartin.
Encûmena Parêzgeha Kerkûkê şeva 10ê Tebaxê li Bexdayê li Otela Rêşîdê bi beşdariya 9 endamên encûmenê civiya.
5 endamên Yekîtiya Niştimanî ya Kurdistanê (YNK), endamekî Xiristiyanan û 3 endamên Ereb beşdarî civînê bûn.
Di vê civînê de Endamê Encûme Parêzgeriya Kerkûkê yê YNKyê Rêbiwar Taha bû parêzgarê nû yê Kerkûkê.
Serokkomarê Îraqê Letîf Reşîd doh mazbataya Parêzgarê Kerkûkê dabû Rêbiwar Taha.
Sonda yasayî xwar
Rêbiwar Taha îro li li Dadgeha Kerkûkê sonda yasayî xwar û derbasî avahiya Parêzgariya Kerkûkê bû.
Rêbiwar Taha piştî sonda yasayî bi awayê fermî dest bi karê xwe kir.
Bertek hebûn
Eniya Tirkmenan a Îraqê diyar kiribû ku ew hilbijartin ne hiqûqî ye û ew dê gilî bikin.
Parêzgarê berê yê Kerkûkê Rakan Cibûriyê ku hatibû tayînkirin jî bertek nîşanî civîna li Bexdayê dabû û gotibû:
“Civîna li Bexdayê ne hiqûqî ye û xiyanet li Ereban hatiye kirin.”
Partiya Demokrat a Kurdistanê (PDK) jî gotibû ku hilbijartina Parêzgarê Kerkûkê ne yasayî ye.
Parêzgarê nû yê Kerkûkê Rêbiwar Taha li Dadgeha Kerkûkê sonda yasayî xwar derbasî avahiya parêzgariyê bû
— RudawKurdi (@RudawKurdi) August 14, 2024
🛑Parêzgarê Kerkûkê êdî Kurd e#Kerkûk #Kurd pic.twitter.com/nq9n9kp7wO
.webp&w=3840&q=75)
