Nêçîrvan Barzanî û Ednan Elzurfî li hev civiyan

Hewlêr (Rûdaw) - Serokê Herêma Kurdistanê Nêçîrvan Barzanî bi Serokê Hevpeymaniya El-Bedîlê Ednan Elzurfî re civiya.

Nêçîrvan Barzanî bi siyasetmedarê Îraqî û Serokê Hevpeymaniya El-Bedîlê Ednan Elzurfî re civiya.

Li gorî daxuyaniya Serokatiya Herêma Kurdistanê, wan rewşa Îraqê û hilbijartina Encumena Nûneran a Îraqê gotûbêj kirine ku dê 11ê meha pêşiya me were kirin.

Serokatiyê diyar kir ku her du alî li ser girîngiya biserxistina pêvajoya siyasî û hilbijartinê û beşdariya berfireh a dengdanê hevfikir bûne.

Wan her wiha ji bo parastina aramî û ewlehiya welêt û rûbirûbûna astengan teqezî li ser pêwîstiya hevkariya di navbera aliyên siyasî û pêkhateyên Îraqê de kiriye.

Li hêla din “pirsgirêkên Hewlêr-Bexdayê û rewşa giştî ya herêmê” mijarên din ên civînê bûn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger