Hewlêr (Rûdaw) - Li parêzgeha Dîlokê ya Bakurê Kurdistanê, 3 otomobîlan li hev da.
Di encama qezayê de kesekî canê xwe ji dest da û 6 kes birîndar bûn.
Qeza li ser rêya di navbera çarrêyên Îbrahîmlî û Kilîsê de çêbû.
3 otomobîlan li hev da û otomobîlek ji wan şewitî.
Li ser agahdarkirinê tîmên tenduristiyê, tîmên agirvemirandinê û hêzên ewlehiyê çûn cihê bûyerê.
Di encama bûyerê de şofêra jin a otomobîla ku agir pê ket canê xwe ji dest da û 6 kesên di her du otomobîlên din de birîndar bûn.
Tîmên tenduristiyê birîndar veguhastin nexweşxaneyên cuda yên Dîlokê.