Hewlêr (Rûdaw) – Li xaleke kontrolê ya li derdora Hewlêr a paytexta Herêma Kurdistanê, di navbera du malbatan de şerê bi çek derket û her du aliyan teqe li hev kirin. Di encama teqekirinê de, 2 karmendên Asayişê û 3 welatî ku endamên wna malbatan bûn, birîndar bûn.
Rêvebira Bajarokê Dêgeleyê Tole Mehîd Xoşnaw di daxuyaniyekê de ji Rûdawê re ragihand, “li nêzîkî xala kontrolê ya Dêgeleyê 2 malbat li ser arîşeyeke civakî bûye şerê wan û her du aliyan teqe li hev kirine.”
Tole Mehdî Xoşbaw got: “Ti pêwendiya teqekirinê bi hêzên asayişê yên li xala kontrolê nebûye û tenê kesên ser bi wna her du malbatan ku di navbera wan arîşeyeke civakî hebûye, li nêzîkî xala kontrolê ya Dêgeleyê rastî hev hatine û çek ji hev rakişandine û teqe li hev kirine.”
Rêvebira Bajarokê Dêgeleyê aşkere kir, di encama teqekirinê de 2 karmendên Asayişê yên li xala kontrolê û 3 kesên din ên ji her du malbatan jî birîndar bûne.
Bi gotina Tole Mehdî Xoşnaw birîna her du karmendên asayişê sivik bûye û bo dermankirinê bo nexweşxaneyê hatine veguhastin. Herwiha birîndaran din ên ji wan malbatan jî bo nexweşxaneyê hatine veguhastin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse