Hewlêr (Rûdaw) - Serok Mesûd Barzanî li ser bombebarankirina Qeladizê got, “Rûpelekî reş yê dirindeyî û bêserûberiya rejîma berê ya Îraqe ya li beramberî gelê Kurdistanê ye.”
Rejîma Beasê 24ê Nîsana 1974an Qeladizê bombebaran kir.
Di vê êrişê de 134 kes şehîd ketin û 150 kes jî birîndar bûn.
Herwiha 200 xanî jî ji binî rûxiyan.
Gelek ji kesên ku şehîd ketin an birîndar bûn mamoste û xwendekarên Zanîngeha Silêmaniyê bûn.
Mamoste û xwendekarên Zanîngeha Silêmaniyê wê dema ji ber êrişên Beasê çûbûn Qeladizê.
“Rûpelekî reş yê dirindeyî û bêserûberiya rejîma berê ya Îraqe ye”
Serok Barzanî di salvegera 50î a vê êrişa Beasê de peyamek belav kir û got:
“Bombebarankirina Qeladizê û Zanîngeha Silêmaniyê rûpelekî reş yê dirindeyî û bêserûberiya rejîma berê ya Îraqe ya li beramberî gelê Kurdistanê ye.
Di salvegera 50î ya bombebarana zalimane ya Qeladizê û Zanîngeha Silêmaniyê de silav ji bo giyanê şehîdên wê karesatê û hemû şehîdên Kurdistanê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse