Hewlêr (Rûdaw) - Li navçeya Curnê Reş a Rihayê agir bi malekê ket û di encamê de kesekê canê xwe ji dest da û keseke din birîndar bû.
Li Taxa Dindekê ya Curnê Reş îro ji ber sedemeke nediyar agir bi malekê ket.
Di encama agir de Sebahat Nibaka 48 salî û bûka wê Emine Nibak bi giranî birîndar bûn.
Li ser agahdarkirinê tîmên agir vemirandinê, tîmên tenduristiyê û cendirme çûn cihê bûyerê.
Tîmên tenduristiyê Sebahat Nibak û Emine Nibak veguhastin Nexweşxaneya Dewletê ya Curnê Reş.
Sebahat Nibakê tevî midaxeleya li nexweşxaneyê jî canê xwe ji dest da.
Dermankirina Emine Nibakê jî li nexweşxaneyê berdewam dike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse