Hewlêr (Rûdaw) - Birêvebirê Heyva Sor a parêzgeha Urmiyeyê ragihand ku 14 kes ji ber berfê li ser çiyayên Serdeştê asê mane.
Birêvebirê Heyva Sor a parêzgeha Urmiyeyê ya Rojhilatê Kurdistanê Hemîd Mehbûbî daxuyaniyek da û got:
"14 kes li ser çiyayên Serdeştê asê mane û tîmên hawarçûnê çûne cihê bûyerê."
Hemîd Mehbûbî da zanîn ku ji ber barîna zêde ya berfê di çûnûhatinê de astengî çêbûne û hewldanên rizgarkirinê zehmet bûne.
Doh Şemiyê jî 4 kes li sînorê gundê Alwatanê yê nêzîkî Mîraweyê di bin aşûtê de mabûn û ji wan du kes miribûn.
Ji roja Şemiyê ve pêleke berf û baranê Rojhilatê Kurdistanê daye ber xwe.
Li gorî saziya keşnasiyê, ev pêl dê heta roja Sêşemê berdewam bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse