Hewlêr (Rûdaw) - Li parêzgeha Meletiyê ya Bakurê Kurdistanê Abdullah Berk Karadagê ku ji daweta wî re çend roj mabûn û winda bûbû li zeviyeke vala kuştî hat dîtin.
Li gorî nûçeya Ajansa Nûçeyan a Îhlasê (ÎHA), li taxa Tecdeyê ya Çirmikê welatiyan li zeviyeke vala kesek dît ku bêliv bû û wan agahî da tîmên tenduristiyê.
Li ser agahdarkirinê polîs û tîmên tenduristiyê çûn cihê bûyerê.
Di kontrola tîmên tenduristiyê de derket holê ku gule li singa wî ketine û ew kes jî Abdullah Berk Karadagê 34 salî ye ku ev 4 roj bûn winda bû.
Hat tesbîtkirin ku Karadag miriye û di lêkolînên li cihê bûyerê de demançeyek û 2 fîşekên vala hatin dîtin.
Her wiha hat zanîn ku otomobîla Abdullah Berk Karadag jî 25ê Îlonê saet derdora 03:30î li taxa Aydinlarê ya Çirmikê terkkirî hatiye dîtin.
Li ser bûyerê dest bi lêpirsînê hat kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse