Balyoza Amerîkayê ya li Qeterê îstîfa kir

Navenda Nûçeyan – Balyoza Amerîkayê ya li Qeterê Dana Shell Smith, piştî rexneyên Donald Trump ên li dijî Qeterê, îstîfa kir.

Dana Shell Smith li ser hesaba xwe ya Twitterê daxuyaniyek belav kir û got: “Vê mehê, min weke Balyoza Amerîkayê ya li Qeterê sê salên xwe temam kir. Ev dê di jiyana min de bibe rûmeta herî mezin û ezê bêriya vî welatê nuwaze bikim.”

Herwiha rojnamevanê bi navê John Harwood jî li ser hesaba xwe ya Twitterê got: “Piştî ku Trump hewldanên Wezareta Derve ya Amerîkayê yên ji bo kêmkirina aloziyê xera kir û li dijî vî welatî cardin êriş kir, Balyoza Amerîkayê ya li Qeterê îstîfa kir.”

Trump, Qeterê bi piştgiriya terorê tohmetbar dike. Donald Trump li dijî Qeterê gotibû: “Êdî ji bo Qeterê dema rawestandina piştgiriya terorê ye.”

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger