ÎRAQ - Agir bi marketê ket, bi dehan kes şewitîn

Hewlêr (Rûdaw) - Li navçeya Kutê yê parêzgeha Wasitê ya Îraqê agir bi marketekê ket û di encamê de bi dehan kes şewitîn.

Birêvebiriya Polîsan a Kutê ragihand ku ji ber sedemeke ku hîn jî nayê zanîn agir bi "Hyper Marketa Kornîşê" ketiye û hemû tîmên parastina sivîlan û ên pêwendîdar hewl didin agir vemirînin.

Li gorî agahiyan bi dehan kes şewitîne.

Parêzgariya Wasitê jî derbarê agir daxuyaniyek da û diyar kir ku parêzgar Mihemed el-Meyahî bi xwe çavdêriya bûyerê dike.

Li gorî daxuyaniyê, tîmên Parastina Sivîl karîn xwe bigihîjin kesên ku li qata jorîn a avahiya ku agir pê ketiye asê mabûn.

Li gorî daxuyaniyê heta niha herî kêm 50 kesan canê xwe ji dest daye.

Hat zanîn ku di nav qurbaniyan de jin û zarok jî hene.

Avahiya ku agir pê ketiye sê qatî ye û di nav de xwaringehek jî heye.

#VÎDEO - Li ser ezîzên xwe digirî

🛑 Li navçeya Kutê yê parêzgeha Wasitê ya Îraqê agir bi marketekê ket

🛑 Li gorî agahiyan herî kêm 50 kes mirine pic.twitter.com/DV8Fh14FXn

— RudawKurdi (@RudawKurdi) July 17, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger