Hewlêr (Rûdaw) – Wezîrê Dadê yê Tirkiyeyê Yilmaz Tunç got, “Kesên ku cezayê wan kêmî 2 salan e jî dê bikevin girtîgehê.”
Wezîrê Dadê yê Tirkiyeyê Yilmaz Tunç da zanîn ku ew “rewşa baş” û “serbestiya bikontrol” ji nû ve dinirxînin û got:
“Em dê li ser têgihiştina bêcezabûnê hinek sererastiyan bikin. Kesên ku cezayên wan kemî 2 salan in nakevin girtîgehê û ev bûye sedema acizbûna raya giştî.
Êdî kesên ku cezayê wan kêmî 2 salan e jî dê bikevin girtîgehê."
Yilmaz Tunç da zanîn ku ew li ser sîstema nû xebatên xwe didomînin û berdewam kir:
"Em rewşa baş û serbestiya bikontrol ji nû ve dinirxînin.
Dê rewşa baş êdî ji bo hemû sûcan nebe. Em xebatên alternatîv dikin.
Dibe ku cureyên sûcên nû li sûcên katalog bên zêdekirin.”
