Hewlêr (Rûdaw) - Hevseroka Giştî ya DEM Partiyê Tulay Hatîmogullariyê bersiv da Bahçelî û got, “Tecdîrê rakin û bila Birêz Ocalan biaxive.”
Serokê MHPyê Devlet Bahçelî di civîna koma partiya xwe de got, “Bila Abdullah Ocalan li parlamentoyê di komcivîna DEM Partiyê de biaxive.”
“Bila Birêz Ocalan derkeve û biaxive”
Hevseroka Giştî ya DEM Partiyê Tulay Hatîmogullariyê jî di civîna koma DEM Partiyê de bersiv da gotinên Bahçelî û wiha axivî:
“44 sal in ku tecrîd berdewam dike. Bi salan e em têkoşînê dikin da ku tecrîda li ser Birêz Ocalan rabe.
Divê tecrîd rabe. Erê, bihêlin ku tecrîd rabe.
Bila Birêz Ocalan derkeve û biaxive û em bibînin bê ma dê çi bibêje.”
“Divê em ji devê wî bibihîzin”
Hatîmogullariyê piştî civîna koma partiya xwe pirsên rojnamegeran jî bersivandin û li ser heman mijarê got:
“Divê kêliyekê berî kêliyekê gav bên avêtin.
Me ew peyam da ku ji bo pirsa Kurd bi rêyên aştiyane bê çareserkirin divê tecrîda li ser Ocalan rabe û ew derkeve.
Me binê wan tiştan xêz kir ku îro Bahçelî anîn zimên.
Me careke din diyar kir ku divê tecrîd demildest rabe û Ocalan çi bibêje divê em ji devê wî bibihîzin.”
.webp&w=3840&q=75)
