Hewlêr (Rûdaw) - Kabîneya Hikûmeta Tirkiyê, îro li Enqerê bi serokatiya Serokomarê Tirkiyê Recep Tayyip Erdogan dicive.
Kabîneya Hikûmeta Tirkiyê, biryar e îro Çarşemê 31ê Gulana 2023an demjimêr 15:30 li Enqerê bi serokatiya Serokomarê Tirkiyê Recep Tayyip Erdogan bicive. Kabîneya niha civîna xwe ya dawî dê bike û tê çaverêkirin roja 3ê Hezîranê Erdogan li Parlamentoya Tirkiyê sonda yasayî bixwîne kabîneya nû eşkere bike.
Di rojeva kabîneyê de hilbijartinên 14 û 28ê Gulanê hene. Encamên her du hilbijartinan dê bêne nirxandin. Herwiha hilbijartinên xwecihî ku tê çaverêkirin Adara 2024an bêne kirin, dê di rojeve kabîneyê de bin.
Erdogan dê piştî civîna kabîneyê civîneke medyayê saz bike û biryarên kabîneyê ji raya giştî re ragihîne.
