Hewlêr (Rûdaw) - Serokê Amerîkayê Donald Trump dîsa gef li Îranê xwar û got, "Wext diqede, 48 saet man berî ku dojeh bi ser wan de bibare."
Serokê Amerîkayê Donald Trump li ser hesabê xwe yê medyaya civakî hişyariyeke tund a nû ji Îranê re şand.
Donald Trump di peyama xwe de ragihand ku dema Îranê ya ji bo çêkirina peymanekê diqede û got:
"Bînin bîra xwe min 10 roj wext dabû Îranê da ku peymanekê pêk bîne an jî Tengava Hurmizê veke. Wext diqede - 48 saet man berî ku dojeh bi ser wan de bibare."
"Xistina balafiran dê bandorê li dan û standinan neke"
Serokê Amerîkayê Donald Trump berî çend saetan di daxuyaniyekê de gotibû:
“Xistina balafirên şer ên ji aliyê Îranê ve dê bandorê li dan û standinên îhtîmalî yên bi birêvebiriya Tehranê re neke.”
Trump êrişên li dijî Îranê wekî “operasyoneke leşkerî ya gur û hesas” nirxand.
Serokê Amerîkayê her wiha anî zimên ku şêwaza belavkirina nûçeyên derbarê vê bûyerê ya li nav welêt ew dilşikestî kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse