Kurdekî Rojavayê Kurdistanê kandîdê parlamentoya Norwêcê ye

Hewlêr (Rûdaw) - Ciwanekî Kurd ê ji Rojavayê Kurdistanê yê bi navê Manî Ebdulbaqî Huseynî dibe kandîdê hilbijartinên parlementoya Norwêcê.

Çalakvan û siyasetmedarê Kurd ê ji Rojavayê Kurdistanê Manî Ebdulbaqî Huseynî, di hilbijartinên giştî yên parlementoya Norwêcê de beşdar bû.

Manî Ebdulbaqî Huseynî kandîdê Partiya Karkeran a Çepgir e, ku li hemberî Partiya Rastgir a deshilatdar rikeberiyê dike.

Herwiha Manî Huseynî serokê mezintirîn rêxistina ciwanên çepgir li Norwêcê bû û piştre bû endamê mezintirîn partiya çepgir a li vî welatî.

Huseynî di sala 2000 a zayînî de ligel malbata xwe ji bajarê Qamişlo yê Rojavayê Kurdistanê koçberî Norwêcê bû.

Ew kurê nivîskar û rojnamevanê Kurd, Ebdulbaqî Huseynî ye, ku yek ji damezrênerên kovara Zanîn bû li Rojavayê Kurdistanê.

Hilbijartinên parlementoya Norwêcê îro 11ê Îlonê birêve çû.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger