کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Antonio Guterres / Wêne: Reuters

Antonio Guterres / Wêne: Reuters

Cîhan

Guterres: Îhtimala destpêkirina dan û standinên Amerîka û Îranê zêde ye

RÛDAW

RÛDAW

15-04-2026
Guhdarî bike
0:00
0:00
Mezinahiya Nivîsê
RÛDAW
RÛDAW15-04-2026

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Hewlêr (Rûdaw) - Sekreterê Giştî yê Neteweyên Yekbûyî (NY) hişyarî da ku piştguhkirina yasayên navneteweyî li Rojhilata Navîn, cîhanê ber bi alozî û wêraniyê ve dibe.

Sekreterê Giştî yê Neteweyên Yekbûyî Antonio Guterres diyar kir ku nakokiyên niha tenê bi rêya dîplomasiyê çareser dibin.

Guterres eşkere kir ku ji bo destpêkirina ducare ya dan û standinên Washington û Tehranê hêviyeke mezin heye.

"Yasayên navneteweyî tên binpêkirin"

Antonio Guterres di konferanseke rojnamegeriyê de li navenda Neteweyên Yekbûyî ragihand ku di şerê Îran û Îsraîlê de rêzgirtina li yasayên navneteweyî "tê binpêkirin."

Guterres got, “Sivîl rastî ziyanên gelekî mezin tên, heta parastina karmendên Neteweyên Yekbûyî jî nayê liberçavgirtin.”

Wî destnîşan kir ku bêyî hebûna yasayan, nearamî û bêbawerî bi awayekî metirsîdar belav dibe.

Rola Pakistanê ya di dan û standinan de

Sekreterê Giştî yê Neteweyên Yekbûyî piştî civîna li gel Wezîrê Karên Derve yê Pakistanê Îshaq Dar diyar kir ku ew di wê baweriyê de ye ku “îhtimaleke zêde heye” dan û standinên Amerîka û Îranê dîsa dest pê bikin.

Guterres anî zimên, “Ne rast e ku em li bendê bin pirsgirêkeke wisa dûvdirêj di rûniştinekê de çareser bibe.

Loma divê dan û standin berdewam bikin û agirbest were parastin.”

Guterres her wiha pesnê rola Pakistanê ya di navbeynkariya her du welatan de da.

Ev daxuyaniyên Guterres di demekê de ne ku Washington piştî bi dehan salan mazûvaniya yekemîn gotûbêjên rasterast ên di navbera balyozên Îsraîl û Libnanê de dike.

Aliyê Libnanî daxwaza agirbestê dike lê Îsraîl ji bo her peymanê şertê “çekdanîna Hizbulahê” wekî mercê sereke datîne.

Ev yek bûye sedem ku di daxwazên her du aliyan de cudahiyeke mezin çêbibe.

Peyama ji bo Dadgeha Navneteweyî

Sekreterê Giştî yê Neteweyên Yekbûyî diyar kir ku ew dê dawiya vê hefteyê biçe bajarê Laheyê yê Holendayê.

Antonio Guterres dê li wir beşdarî merasîma salvegera 80yî a damezirandina Dadgeha Navneteweyî ya Dadê (ICJ) bibe.

Guterres got ku ev serdan peyamek e ji bo hemû welatên cîhanê ku yasayên navneteweyî ji bo her kesî wekî hev in û rêzgirtina li wan ne bi dilê kesan e.

Guterres di dawiyê de bangî hemû aliyan kir ku rêzê li azadiya geştiyariya deryayî bigirin, bi taybetî li Tengava Hurmizê.

Wî daxuyand ku êdî dema wê hatiye dîplomasî bikeve pêşiya her bijardeyeke leşkerî.

Nûçeyên Têkildar

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir
Cîhan18-11-2026

Nûnerê Îmaratê yê NYyê ji Rûdawê re got: Me ji bo Konferansa Avê ya Cîhanê bangî Îranê kir

Chatham Houseyê li ser pêvajoya çareseriyê raporek belav kir
Cîhan18-11-2026

Chatham Houseyê li ser pêvajoya çareseriyê raporek belav kir

Dîmenên dîrokî: Xi Jinping, Trump û Putin li Çînê hatin ba hev
Cîhan18-11-2026

Dîmenên dîrokî: Xi Jinping, Trump û Putin li Çînê hatin ba hev

Pirsên