Feleknas Uca ‘Xelata Rûmetê ya Jinan’ werdigre

Navenda Nûçeyan – Parlementera HDPê ya Amedê Feleknas Uca, 7emîn Xelata Rûmetê ya Jinan a Clara Zetkin werdigre.

Bi boneya 8ê Adarê Roja Kedkarên Jin ên Cîhanê, ji bo rûmetdayîna jinên serkevtî li Almanyayê, Xelata Rûmetê ya Jinan a Clara Zetkin tê pêşkêşkirin.

Îsal 3ê Adarê roja înê li Berlînê bi merasîmekê ji Feleknas Uca re ev xelat dê were dayîn.

Xelata Clara Zetkin ji aliyê Partiya Çep a Almanyayê (Die Linke) ve pêşkêşî wan jinan dikin ku ew ji bo mafên jinan bûne mînak.

Herwiha Clara Zetkin ew jin e ku li Almanyayê mafên jinan parastiye û ew yekem jin e ku ramana pêkanîna rojekê ya bi navê Roja Jinên Kedkar a Cîhanê pêşniyar kiriye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger