بەرمیلێک نەوتی برێنت بە نزیکەی 66 دۆلار مامەڵەی پێوەدەکرێت

 

 

نرخی نەوتی برێنتی دەریای باکوور 22 سەنت بەرزبووەوە و بە 66 دۆلار و 15 سەنت مامەڵەی پێوەکرا.

 

نرخی نەوتی سووکی تەکساسی ئەمریکاش بە هەمان رێژە دابەزی بۆ 62 دۆلار و 15 سەنت.

 

رۆژی دووشەممە نرخی نەوتی برێنت 3%ی لە بەهای خۆی لەدەستدا، رۆژی سێشەممەش 1.5%ی دیکەی لێ کەمبووەوە.

 

ئەگەری کەمبوونەوەی قەبارەی نەوتی کۆگاکراو لە ئەمریکا، ئەمڕۆ چوارشەممە نرخەکانی نەوتی بەرز کردووەتەوە.

 

پێشبینی دەکرێت 3.7 ملیۆن بەرمیل نەوت لە قەبارەی نەوتی کۆگاکراو لە ئەمریکا کەمبووبێتەوە، ئەوەش هۆکاری بەرزبوونەوەی ئەمڕۆی نرخی نەوتە.

 

بەپێی ئەو کەسانەی نزیکن لە هاوپەیمانیی ئۆپێک پڵەس، ئەگەری هەیە سعودیە بۆ بەدەستهێنانی پشکی خۆی لە بازاڕی نەوتدا، لە کۆبوونەوەی داهاتووی هاوپەیمانییەکە لە هەفتەی داهاتوو، بەرهەمهێنەرانی دیکەی نەوت رازی بکات بە خستنەڕووی رۆژانە 500 هەزار بەرمیل نەوتی زیاتر لە مانگی 11. ئەوەش لە دوو رۆژی رابردوودا بووە هۆکاری دابەزینی بەرچاوی نرخەکانی نەوت.