نرخی زیو جێگیرە و چاوەڕوانی داتاکانی ئەمریکایە

 

 

 

هەرچەندە نرخی زیو ئەمڕۆ جێگیرە، بەڵام لە ئێوارەی دوێنێوە نزیکەی دۆلارێک دابەزیوە کاتێک گەیشتبووە 49.10 دۆلار. 

 

بازرگانانی زیو چاوەڕوانی داتاکانی بازاڕی کاری ئەمریکان کە بڕیارە ئێوارەی سبەی چوارشەممە بڵاوببنەوە کە دەکرێت بەرچاوڕوونیی تێدا بێت لەبارەی ئاراستەی داهاتووی سیاسەتی نەختینەیی لە ئەمریکا. 

 

هەفتەی رابردوو، بانکی ناوەندی ئەمریکا رێژەی سووی 0.25٪ کەمکردەوە. جیرۆم پاوڵ، سەرۆکی بانکەکە، جەختی لەوە کردەوە کە کەمکردنەوەیەکی دیکە لە مانگی کانوونی یەکەمدا گەرەنتیکراو نییە.

 

لە لایەکی دیکە، باشتربوونی پەیوەندییە بازرگانییەکان خواستی لەسەر زیو وەک پەناگەیەکی ئارام کەمکردووەتەوە. لە کۆتایی هەفتەی رابردوو، کۆشکی سپی رایگەیاند کە چین سنووردارکردنی زیادکانی هەناردەکردنی کانزا دەگمەنەکان رادەگرێت و لێکۆڵینەوەکان لەسەر کۆمپانیاکانی سێمی کۆندەکتەری ئەمریکا کۆتایی پێدەهێنێت. 

 

بەرامبەردا ئەمریکا هەندێک پێناسی گومرگی کەمدەکاتەوە و گومرگی 100%ـی لەسەر هەناردەکانی چین هەڵدەوەشێنێتەوە کە ترەمپ پێشتر هەڕەشەی دەکرد بیسەپێنێت بەسەر چین.

 

مانگی رابردوو، نرخی زیو بۆ ماوەیەکی کاتی گەیشتە بەرزترین ئاستی مێژوو کە 54.51 دۆلار بوو بۆ هەر ئۆنسەیەک. ئەوەش بەهۆی کەمبوونەوەی زیو لە بۆرسەی زیوی لەندەن. پاشان بەهۆی وەگرتنی قازانج لە لایەن وەبەرهێنەرانەوە کەمبووەوە.