100 دۆلار گەیشتە 149 هەزار دینار

 

 

حاجی سابیر باواجی، سەرۆکی ئەنجوومەنی بازاڕی ئاڵوگۆڕی دراو لە هەولێر، ئەمڕۆ دووشەممە بە رووداوی گوت: "100 دۆلاری چاپی نوێ گەیشتووە بە 147 هەزار دینار".

 

لە کاتی ئامادەکردنی ئەم هەواڵەدا، لە بازاڕی دۆلارەکەی سلێمانی 100 دۆلار بە 148 هەزار و 900 دینارە.

 

 

 

باواجی گوتی: "ئاڵۆزییەکانی جیهان و ناوچەکە هۆکاری دابەزینی بەهای دینارن، نرخەکەش لە بەغداوە دیاری دەکرێ نەوەکو هەرێمی کوردستان".

 

پسپۆڕان ئابووری، ئاڵۆزییەکانی ڤەنزوێلا و ئەگەری دابەزینی نرخی نەوت، ئاڵۆزییەکانی سعودیە و ئیمارات، گرژتربوونی پەیوەندییەکانی ئێران و ئەمریکا بە هۆکاری سەرەکیی دابەزینی بەهای دینار دەزانن.