سەرۆکی یەکێتیی هاوردە و ناردنکاران دەڵێ، ئاڵوگۆڕی بازرگانیی لەنێوان ئێران و هەرێمی کوردستان ساڵانە نزیکەی 4 ملیار دۆلارە و ئێستا بەهۆی جەنگەوە زیاتر لە 50% کەمیکردووە. ئاماژە بەوە دەکات، رێگەی جێگرەوە بۆ هاوردەکردن هەیە و مەترسی نییە.

نرخی بەنزین لە هەرێمی کوردستان بەرزتر بووە و لیتری نزیکەی 50 دیناری خرایە سەر. قایمقامی سلێمانی دەڵێ، بەهۆی دۆخەکەوە لە سەرچاوەکەیەوە گران بووە. سەرۆکی ئەنجوومەنی بەنزینخانەکانی هەولێر رایدەگەیێنێت، لە 47 بەنزینخانە بەنزینی حکومی دابەش بە 750 دینار دابەش دەکەن.

بە چەند درۆنێک چیای زمناکۆ لە سنووری ناحیەی مەیدان لە سنووری پارێزگای سلێمانی کرایە ئامانج. بەرپرسێک دەڵێت، درۆنەکان لە ئاسن و کەرەستەکانی بورجەکانی سەر چیاکەیان داوە.

لە عەفرین و دەوروبەری هێزە ئەمنییەکانی حکومەتی سووریا هەڵکردنی ئاڵای کوردستان و فرۆشتنی لە دووکانەکان قەدەخە دەکەن.

وەزارەتی خوێندنی باڵا و توێژینەوەی زانستیی هەرێمی کوردستان رایگەیاند، بڕیاری ئارەزومەندانەی هەژمارکردنی نمرەی وانەکانی کوردی و عەرەبی بۆ پۆلی 12 هەڵوەشاوەتەوە و لە ئەم ساڵەوە هەژمار دەکرێت. گوتەبێژی وەزارەتەکە دەڵێ، ئامانج لە بڕیارەکە بایەخدانە بە زمانی کوردی.

بەگوێرەی بەدواداچوونی تۆڕی میدیایی رووداو، لە چوار رۆژی جەنگی ئەمریکا و ئیسرائیل دژی ئێران، هەرێمی کوردستان 20 جار هێرشی کراوەتەسەر، کە سەرجەمیان لە سنووری پارێزگای هەولێر بوونە، تەنیا یەک هێرشیان لە سنووری پارێزگای دهۆک بووە. پارێزگاری هەولێر دەڵێت: "لە هێرشەکاندا نزیکەی 100 درۆن و مووشەک بەکارهێندراون".

هاوپەیمانی هێزە سیاسییەکانی کوردستانی ئێران، کە لە پێنج حیزبی رۆژهەڵاتی کوردستان پێکهاتوون، لە راگەیێندراوێکدا داوا لە هاونیشتمانیانی ئەو پارچەیەی کوردستان دەکەن، بە "ژیرییەوە" بەرەو رووی گۆڕانکارییەکان بچن.

قایمقامی کۆیە بە رووداوی رایگەیاند، بەیانی ئەمڕۆ بە سێ درۆن هێرشكراوەتە سەر کەمپی ئازادی لە کۆیە. زیاتر لە سەرچاوەیەکیش بە رووداوی راگەیاند، لە هێرشەکەدا مووشەکیش بەکارهاتووە.

دوای ئەوەی بەهۆی جەنگی ئیسرائیل و ئەمریکا دژی ئێران کارەبای نیشتمانیی لە هەرێمی کوردستان کەمبووەوە، لە هەولێر جارێکی دیکە موەلیدەکان دەخرێنەوە کار و لە سلێمانی و دهۆکیش بڕیار دەدرێت.

رووداوێکی سەختی هاتووچۆ لە شەقامی 150 مەتری هەولێر روویدا و بەهۆیەوە کەسێک گیانی لەدەستدا.

وەزارەتی ناوخۆی هەرێمی کوردستان رایگەیاند، رەزامەندی تورکیایان وەرگرتووە بۆ وەرگرتنی ڤیزەی پێنج رۆژ بۆ گەڕانەوەی ئەوانەی لە وڵاتانی دەرەوەوە بەهۆی نەبوونی گەشتی ئاسمانی گیریان خواردووە.

بەهۆی جەنگی ئەمریکا و ئیسرائیل دژی ئێران، لە 28ـی شوباتەوە بەرهەمهێنانی گاز لە کێڵگەی کۆرمۆر لە هەرێمی کوردستان راگیراوە و بەهۆیەوە پێدانی کاژێرەکانی کارەبا کەمبووەتەوە. ئەندازیارێکی وەزارەتی کارەبا دەڵێت، "لە هیچ شوێنێک ناتوانین لە پێنج کاژێر زیاتر کارەبا بدەین".

میدیای عەرەبیی نزیک لە ئێران هەواڵێکی بڵاوکردووەتەوە، گوایە هێزە کوردییەکانی رۆژهەڵاتی کوردستان لە چیای کۆڕەک لە ئیدارەی سەربەخۆی سۆران کراونەتە ئامانج، بەڵام سەرپەرشتیاری ئیدارەکە رەتیدەکاتەوە.

کۆمپانیای فلای ئەربیل دەڵێ، هەرکەسێک لە وڵاتانی ئەورووپاوە دەیەوێ بگەڕێتەوە کوردستان، یان لە کورستانەوە گەشتی ئەو وڵاتانە بکات و بەهۆی داخرانی ئاسمانەوە نەیتوانیوە، گەشتیان بۆ رێکدەخەن و لە سبەیەوە دەتوانن گەشتەکانیان بکەن

نیوەڕۆی ئەمڕۆ یەکشەممە، دوو درۆنی دیکە لە نزیک فڕۆکەخانەی نێودەوڵەتیی هەولێر خرانە خوارەوە

دوای ئەوەی سوپای کۆماری ئیسلامیی ئێران رایگەیاند، هێزی ئاسمانییان بنکەی ئەمریکایان لە هەرێمی کوردستان بۆردوومان کردووە، بەرپرسێک لە هەولێر دەڵێت، "هیچ بۆردوومانێکی فڕۆکەی جەنگی نەبووە."

بەهۆی کوژرانی عەلی خامنەیی، رێبەری کۆماری ئیسلامیی ئێران، سەرۆککۆماری ئەو وڵاتە پەیامێکی بڵاوکردەوە و دەڵێت، تۆڵەسەندنەوە لە ئەنجامدەرانی هێرشەکە "ئەرک و مافی رەوای" وڵاتەکەیەتی

شەوی رابردوو لە شارەکانی هەولێر و سلێمانی، قەرەباڵخی لە بەنزینخانەکان دروستبوو. لایەنی پەیوەندیدار دەڵێن، "سووتەمەنی زۆرە و رێگە نادرێت نرخ بەرز بکرێتەوە و قەرەباڵخیی ناوێ."

بەراورد بە دوێنێ، ئەمڕۆ بەهای دینار بەرزبووەوە و 100 دۆلار بووە 154 هەزار دینار

لە رۆژی دووەمی جەنگی ئەمریکا و ئیسرائیل لەگەڵ ئێران، ئەمڕۆ دووجار هێرشکرایە سەر فڕۆکەخانەی قەزای هەریر لە پارێزگای هەولێر. قایمقامی قەزاکە دەڵێت، "هێرشەکە بەراورد بە پێشتر بەهێزتر بووە."

سەرچاوەیەکی باڵا لە هەولێر بە رووداوی گوت، "هێرش" کراوەتە سەر هەولێر. ئاژانسی هەواڵیی رۆیتەرزی بەریتانیاش رایگەیاند، "هێرشەکە بە مووشەک بووە."

دەنگۆی بۆردوومان لە سنووری قەزای هەریر لە پارێزگای هەولێر بڵاوبووەتەوە، بەڵام قایمقامی قەزاکە رەتی دەکاتەوە

جەنگی ئەمریکا و ئیسرائیل لەگەڵ ئێران دەستیپێکردووە. سەرۆکی یەکێتیی هاوردە و ناردنکارانی هەرێمی کوردستان داوا لە هاونیشتمانییانی هەرێمی کوردستان دەکات، نەچن خۆراک بە کۆ بکڕن و دەڵێت، "بەشی چوار مانگ خۆراک کۆگە کراوە و کەمترینیش لە ئێرانەوە هاوردە دەکەین."

بەهۆی جەنگی نێوان ئیسرائیل و ئەمریکا لەگەڵ ئێران، دەروازەی نێودەوڵەتیی حاجی ئۆمەران لە سنووری پارێزگای هەولێر داخرا و لە دەروازەکانی پارێزگای سلێمانی هاتووچۆ ئاساییە.

ئەمڕۆ ئیسرائیل جەنگی دژی ئێران بە فەرمی راگەیاند و بەهۆیەوە بەهای دیناری عێراق دابەزی. لە سلێمانی 100 دۆلار گەیشتە 156 هەزار دینار.

سەرۆکی یەکێتیی مامۆستایانی کوردستان دەڵێت، هەموو مامۆستایانی گرێبەست لە کارەکانیان بەردەوام دەبن و گرێبەستیان نوێ دەکرێتەوە. بەڕێوەبەری پەروەردەی سلێمانییش دەڵێت، نوێکردنەوەی گرێبەستی مامۆستایانیان تەواو کردووە.

کەشناسیی هەرێمی کوردستان ئاماری 24 کاژێری بارانبارینی بڵاوکردەوە و رایگەیاند، زۆرترین باران لە شێلادزێ باریوە لە پارێزگای دهۆک کە 56 ملیمەترە. بە گوێرەی کەشناسی ئەمڕۆ و سبەی بارانبارین بەردەوام دەبێت.

دوای ئەوەی نێچیرڤان بارزانی، سەرۆکی هەرێمی کوردستان و فەرماندەی گشتیی هێزە چەکدارەکان، دەسەڵاتی ئۆپەراسیۆنی فەرماندەیی دەڤەرەکانی واژۆکرد و مەسرور بارزانی، سەرۆکوەزیرانیش واژۆی لەسەر دەسەڵاتەکانی کارگێڕی، یاسایی و دارایی فەرماندەیی دەڤەرەکان کرد، ئەمینداری گشتیی وەزارەتی پێشمەرگە دەڵێت، لەمپەرەکانی بەردەم یەکخستنی پێشمەرگە لابراون و هەنگاوی ئەرێنی نراوە.

عەبدوڵڵا ئۆجەلان، رێبەری زیندانیکراوی پەکەکە پەیامێکی نوێی بڵاوکردەوە و رایگەیاند، پەکەکە تەنیا چەک نا، بیری چەکداریی رەتکردووەتەوە و پرۆسەی ئاشتی بەقەد سەرەتای دروستبوونی کۆماری تورکیا گرنگە.

ماڵپەڕی شەفافیەت رایگەیاند، داهاتی مانگانەی پارێزگاکانی سلێمانی و هەڵەبجە، 21% بەرزبووەتەوە و 60 ملیار دیناری تێپەڕاندووە.

پەروەردەی کەلار لە نووسراوێکدا رایگەیاند، مامۆستایانی دامەزراو بۆیان نییە وانەی تایبەت بەو قوتابیانە بڵێنەوە، کە تێیدا دامەزراون. بەڕێوەبەری گشتیی پەروەردەی سلێمانی دەڵێت، بڕیارەکە گشتگیرە و بۆ هەموو هەرێمی کوردستانە.

تەرمی ژنێک لە سنووری قەزای خەبات لە پارێزگای هەولێر لە ئاودا دەرهێندرا. بەرگریی شارستانی دەڵێت، ژنەکە دانیشتووی هەولێر بووە.

قایمقامی قەزای خانەقین دەڵێت، بە قەزاکردنی ناحیەی گوڵاڵە کاریگەریی نەرێنی کردووەتە سەر قەزاکەیان و پێچەوانەی مادەی 140ـی دەستووری عێراقە. ئاماژە بەوەش دەکات، بە نووسراوی فەرمی داوای راگرتنی بڕیارەکەیان کردووە.

سەرچاوەیەک لە وەزارەتی پێشمەرگە رایگەیاند، هاوکاریی دارایی هاوپەیمانان بۆ وەزارەتی پێشمەرگە گەیشتووەتە هەرێمی کوردستان.

شەپۆلێکی بارانبارین باشووری کوردستان دەگرێتەوە. کەشناسیی هەرێمی کوردستان رایگەیاندووە، بارانەکە ئەمڕۆ و سبەی بەردەوام دەبێت. کەشناسێک پێشبینی دەکات، لەو ناوچانەی هەزار مەتر لە رووی دەریاوە بەرزن، بەفر ببارێت.

لایەنی ئێرانی دەروازەی شوشمێی لە سنووری هەورامان داخست. پارێزگاری هەڵەبجە دەڵێت، ئاساییە و پێدەچێ کێشەی تەکنیکی بێت.

بەراورد بە دوێنێ، بەهای دینار بەرامبەر دۆلار کەمێک بەرزبووەوە. سەرۆکی ئەنجوومەنی ئاڵۆگۆڕی دراو لە هەولێر دەڵێت، "خواست لەسەر دۆلار کەمبووەتەوە."

کەشناسیی هەرێمی کوردستان دەڵێت، سبەی شەپۆلێکی بارانبارین شارە جیاوازەکان دەگرێتەوە. کەشناسێک پێشبینی دەکات، 26ی مانگ "شەپۆلێکی بەفر و باران"ی نوێ هەرێمی کوردستان بگرێتەوە

لە سنووری قەزای کفری چەندین داری تەڕ بڕاونەتەوە کە تەمەنی بەشێکیان زیاترە لە 20 ساڵ. سەرۆکی شارەوانیی قەزاکە دەڵێ، سکاڵای یاسایی لەسەر داربڕەکان تۆمار دەکەن.

ئەنجوومەنی دادوەریی هەرێمی کورستان ئاماری هاوسەرگیری و جیابوونەوەی ساڵی رابردووی لە هەرێمی کوردستان بڵاوکردەوە و رایگەیاند، زیاتر لە 61 هەزار مامەڵەی هاوسەرگیری و زیاتر لە 15 هەزار مامەڵەی جیابوونەوە تۆمارکراون. لە هاوسەرگیریدا سلێمانی پلەی یەکەمی گرتووە و لە جیابوونەوەش هەولێر لە پلەی یەکەم دایە.

‎دوای سێ جار لە دواخستنی دادگاییەکەی و یەک جار بینینی دادوەری لێکۆڵینەوەی دادگەی سلێمانی، ئەمڕۆ ئارام قادر، ‎سەرۆکی پێشووی هاوپەیمانیی نیشتمانی ئازاد کرا. پارێزەرەکەی دەڵێت، "رۆژی دادگایی نەبوو و نازانین چۆن ئازاد کراوە".

وەکو دەستپێکی بەرهەمی بەهارە، کەنگر کەوتووەتە بازاڕەکانی هەرێمی کوردستانەوە، هەروەها هەڵووژە لە تورکیاوە هاوردە کراوە و کیلۆی بە 125 دۆلار دەفرۆشرێت.

گوتەبێژی هاتووچۆی هەولێر هەموو ئەو هەواڵ و ڤیدیۆیانە رەتدەکاتەوە، کە باس لەوە دەکەن کامێرای تۆمارکردنی سەرپێچیی هەڵگرتنی مۆبایل و نەبەستی پشتێنی سەلامەتی تۆمار دەکەن

بەڕێوەبەرایەتیى گشتیى کار و دەستەبەرى کۆمەڵایەتی داوا لە خاوەنکاران دەکات، زانیاریی ساڵانە لەبارەی کارمەند و کرێکارەکانیان بە شێوەی ئەلیکترۆنی تۆمار بکەن، بە پێچەوانەوە لێپێچینەوەی یاساییان لەگەڵدا دەکەن. بەڕێوەبەرەکەیان دەڵێت، دەستەبەرکردنی کرێکاران بۆ مووچەی خانەنشینبوونیانە

بڕیارە شاندێکی دەستەبژێرانی عەفرین سەردانی پارێزگاری حەلەب بکەن و داوای لێ بکەن ئەو عەرەبانەی لە دوای 2018وە هێندراونەتەوە شارەکە، دەربکرێن

لە رۆژی جیهانیی زمانی دایکدا گوتەبێژی وەزارەتی پەروەردەی هەرێمی کوردستان دەڵێ، خوێندن بە حەوت زمان لە هەرێمی کوردستان هەیە و لەنێویاندا جگە لە کوردی، تورکمانی و سریانی وەک زمانی دایک بە فەرمی دەخوێندرێن

فەرمانگەی میدیا و زانیاری کۆمەڵێک داتا و زانیاری لەبارەی ناوچە کوردستانییەکانی دەرەوەی ئیدارەی هەرێمی کوردستان بڵاوکردوەتەوە و حکومەتی عێراق بە "گۆڕینی دیمۆگرافیا و بەعەرەبکردن" تۆمەتبار دەکات. سەرۆکی دەستەی ناوچە کوردستانییەکان دەڵێ: "لەو ناوچەیە رێژەی کورد بەشێوەی مەترسیدار دابەزیوە".

وێڕای رێککەوتنی بەڕێوەبەرایەتیی خۆسەر و حکومەتی سووریا و بڕیاردان بۆ گەڕانەوەی ئاوارەکانی عەفرین، ئەندامێکی ئەنەکەسە لە عەفرین دەڵێ، تاوەکو ئێستا رێگەخۆشنەکراوە بۆ گەڕانەوەی هەموو هاونیشتمانییان بۆ زێدی خۆیان

بوومەلەرزەیەک بە گوڕی 4.5 پلەی رێکخەر لە سنووری پارێزگای دیالە روویدا. کەشناسی و بوومەلەرزەزانیی عێراق رایگەیاند، خەڵکی ناوچە بوومەلەرزەلێدراوەکە هەستیان پێکردووە.

زمانی ئینگلیزی پلەی یەکەم و کوردی پلەی سێیەمن لە تابلۆ بازرگانییەکانی سلێمانی

کەشناسیی هەرێمی کوردستان رایگەیاند، ئەمڕۆ و سبەی بەراورد بە دوێنێ پلەی گەرما بەرز دەبێتەوە. کەشناسێک پێشبینی دەکات، کۆتایی هەفتەی داهاتوو شەپۆلێکی بارانبارین ناوچەکە بگرێتەوە.

ئەم هاوینەش بێ ئاوی یەخەی دانیشتووانی قەزای چەمچەماڵ دەگرێتەوە، بەڕێوەبەری بەڕێوەبەرایەتیی ئاوی قەزاکە دەڵێت، 30%ـی پڕۆژەی ئاوی قەزاکەیان تەواو کراوە و پێویستیان بە خەرجکردنی پارەیە.

گوتەبێژی هاتووچۆی هەولێر رایدەگەیێنێت، سەرەڕای کارانەکردنی سەکۆی ئەلیکترۆنیی هاوبەش لەگەڵ بەغدا، بەڵام هیچ ئۆتۆمبێلێکی پارێزگاکانی دیکەی عێراق لە سزای سەرپێچییەکانیان لە سنووری هەولێر دەربازیان نابێت.

کۆمەڵێک نووسەر و رۆشنبیر داوایان کردووە پارێزگاری هەولێر رەزامەندی بدات لەسەر دروستکردن و دانانی پەیکەرێک بۆ لیندزی گراهام. پارێزگاری هەولێر دەڵێ، رەزامەندی دەدەن و لارییان نییە.

کەشناسیی هەرێمی کوردستان رایگەیاند، ئەمڕۆ لە زۆربەی ناوچەکانی هەرێمی کوردستان "نمەباران و بارانی مامناوەند" دەبارێت. کەشناسێکیش پێشبینی دەکات، سبەی دۆخی کەشوهەوا سەقامگیر بێتەوە.

ئەمڕۆ چاودێریی بینی مانگ دەکرێت بۆ دیاریکردنی یەکەم رۆژی مانگی رەمەزان. وەزارەتی ئەوقاف و کاروباری ئایینیی هەرێمی کوردستان لە راگەیێندراوێکدا ژمارەیەک رێنمایی بڵاوکردەوە و رایگەیاند، "دەبێت گوتاری عەسران بە بڵندگۆی نێوخۆیی مزگەوت بێت و دەنگەکەی نەدرێتە دەرەوە".

بەرەبەیانی ئەمڕۆ سێشەممە، ئاگر لە کەمپێکی کوردانی ئیزدی لە سنووری زاخۆ کەوتەوە. بەڕێوەبەری بەرگریی شارستانی شارەکە دەڵێ، لە رووداوەکەدا کەسێک سووتاوە.

کۆمەڵەی پێشمەرگە کەمئەندامەکانی سەنگەر داوای بایکۆتکردنی وەرگرتنی مووچەی مانگی یەک دەکەن، جێگری سکرتێری کۆمەڵەکە دەڵێت، بەڵێنی چارەسەرکردنی کێشەکانیان دراوە و ئەمڕۆ مووچە وەردەگرن.

بۆ زانینی دۆخی مرۆیی لە کۆبانی، شاندێکی نەتەوە یەکگرتووەکان سەردانی شارەکەیان کرد. بەرپرسێکی کانتۆنی فورات دەڵێت، لەگەڵ شاندەکەدا دۆخی ئاوارەکانیان تاوتوێ کردووە

ئەمڕۆ لە شاری کەرکووک، کۆنفرانسی گشتیی بزووتنەوەی گۆڕان بەڕێوەچوو، تێیدا رێکخەری گشتیی و 55 ئەندامی جڤاتی نیشتمانی هەڵبژێردران و ئاراستەی گردی زەرگەتەی بزووتنەوەکە لە هۆڵی کۆنگرە چوونە دەرەوە.

وەزارەتی پەروەردەی هەرێمی کوردستان رایگەیاند، بۆ مانگی رەمەزان هەموو وانەیەک پێنج خولەک لە کاتی خۆی کەم دەکرێتەوە.

لە هەرێمی کوردستان، نرخی گۆشتی سوور بەرزبووەتەوە. بەگوتەی گۆشتفرۆشان و بازرگانانی ئاژەڵ، هۆکارەکەی داخستنی رێگەی سووریایە بەڕووی هاوردەکردنی ئاژەڵدا.

پۆلیسی پارێزگای سلێمانی دەڵێ، لە قەزای سەیدسادق کچێکیان رزگارکردووە کە تەمەنی 26 ساڵە و ناتوانێ لەسەر قاچەکانی بڕوات و باوکی لە هەورەبان رایگرتبوو. بەرپرسێکی ئەمنی دەڵێ: "کچەکە دایکی لەگەڵ ناژی و باوەژنی هەیە".

هاونیشتمانییەک کە بۆ رێوڕەسمەکانی عومرە لە وڵاتی سعودیە بوو، لە شاری مەدینە گیانی لەدەستداوە.

گوتەبێژی یەکێتیی زانایانی ئایینیی هەرێمی کوردستان دەڵێت، سبەی لە چەند ناوچەیەکی هەرێمی کوردستان بۆ دیاریکردنی یەکەم رۆژی مانگی رەمەزان چاودێریی بینینی مانگ دەکرێ.

ژمارەیەک لە مامۆستایانی گرێبەستی خوێندنی باڵا دەڵێن، گرێبەستیان نوێ نەکراوەتەوە. نوێنەرێکی ئەو مامۆستایانە و وەزارەتی خوێندنی باڵا دەڵنیایی دەدەن، گرێبەستی هەمووان نوێ دەکرێتەوە.

دواجار بڕیاری کۆمیسیۆنی باڵای سەربەخۆی هەڵبژاردنەکانی عێراق هەردوو ئاراستەکەی بزووتنەوەی گۆڕانی ناچار کرد کۆنفرانسی گشتیی پێکەوە بکەن. ئەندامێکی جڤاتی نیشتمانیی حیزبەکە دەڵێت، ئەمڕۆ دوو پەیڕەوی نێوخۆی جیای حیزب دەنگیان لەسەر دەدرێت.

بەهۆی بڕینەوەی 70 داری بەڕوو کە تەمەنی بەشێکیان دەگاتە نزیکەی 20 ساڵ لە سنووری قەزای دووکان لە پارێزگای سلێمانی کەسێک دەستگیرکرا. پۆلیسی داراستان و ژینگە دەڵێ، بەگوێرەی تەمەنی دارەکان و ژمارەیان سزا دەدرێ.

مەزڵووم عەبدی، فەرماندەی گشتیی هەسەدە بە تۆڕی میدیایی رووداوی گوت، دەیانەوێ کورد هەرێمێکی خۆبەڕێوەبەری هەبێ و خۆیان ناوچە کوردییەکان بەڕێوەببەن.

دوای ئەوەی ئاراستەی گەڕەکی کوردساتی بزووتنەوەی گۆڕان رایگەیاند، سبەی کۆنفرانسی گشتیی بە ئامادەبوونی کۆمیسیۆن لە شاری کەرکووک بەڕێوە دەبەن، بەرپرسێکی بزووتنەوەکە لە گردی زەرگەتە دەڵێت، ئەوانیش بڕیاریانداوە سبەی بەشداریی بکەن.

بەڕێوەبەرایەتی پەروەردەی دەوروبەری هەولێر رایگەیاند، لە ئەمڕۆوە مامۆستایانی گرێبەست دەتوانن مووچەکانیان وەربگرن. نوێنەرێکی مامۆستایانی گرێبەستیش دەڵێ، لە پارێزگاکانی دیکە دابەشکراوە

کارکردن لە پڕۆژەی دووسایدکردنی رێگەی دووکان بۆ رانیە لە ئیدارەی سەربەخۆی راپەڕین بەردەوامە و کۆمپانیای جێبەجێکار دەڵێت، سەرەڕای وەرزی زستان کارەکانیان نەوەستاوە و 15%ی پڕۆژەکە تەواو بووە

یەکێتیی نیشتمانیی کوردستان بە نووسراوی فەرمی بەرپرسی لێپرسراوی حیزبەکەی گۆڕی و رێباز بێرکۆتی بووە بەرپرسی نوێی مەڵبەندەکە

بڕیاری دابەشکردنی یەکەم سەبەتەی خۆراک بە هەرێمی کوردستان دراوە. بەڕێوەبەری دابەشکردنی خۆراک لە سلێمانی دەڵێت، لە چەند رۆژی داهاتوودا دەستپێدەکات

بەرپرسێکی بزووتنەوەی گۆڕان کە بارەگایان لە گەڕەکی کوردساتی سلێمانییە رایگەیاند، ئامادەکارییەکانیان تەواوکراون و سبەی کۆنفرانسی گشتی بە ئامادەبوونی کۆمیسیۆن لە شاری کەرکووک بەڕێوەدەبەن. بڕیارە ئەمڕۆ ئاراستەی گردی زەرگەتەی بزووتنەوەکەش هەڵوێستی خۆیان بخەنەڕوو

کەشناسیی هەرێمی کوردستان رایگەیاند، ئەمڕۆ لە زۆرینەی ناوچەکانی هەرێمی کوردستان باران دەبارێ و لە بەشێکی پارێزگای هەولێر و ئیدارەی گەرمیان خۆڵبارین دەبێت. کەشناسێک پێشبینی دەکات، خۆڵبارین لاواز بێ و سبەی کەشوهەوا سەقامگیربێتەوە.

ئەنجوومەنی باڵای فەتوا دەڵێ، "فرۆشتنی زێڕ و زیو به‌ قه‌رز به‌ دیناری عیراقی دروست نییه". گوتەبێژی یەکێتی زانایان دەڵێ: "خەڵک زێڕ و زیوی کڕیوە لە دەرەوە و هێشتا نەهێندراوەتە هەرێمی کوردستان و ئەوەش حەرامە".

بەڕێوەبەری پڕۆژەی دووسایدکردنی رێگەی هەولێر – کۆیە دەڵێ، بەهۆی بارانەوە نزیکەی مانگێک بەشێکی کارەکانیان راگرت و ئەمڕۆ دەستپێدەکەنەوە؛ ئاماژە بەوەش دەکات، زیاتر لە 40%ی بەشی یەکەمی رێگەکە تەواوکراوە

دوای نزیکەی سێ ساڵ لە راگرتنی زیاکردنی ناوی منداڵ بۆ فۆرمی خۆراک، زیادکردنی ناوی منداڵ لە هەڵەبجە و دهۆک دەستیپێکردەوە. بەڕێوەبەری رێکخستنی پسووڵەی خۆراک لە سلێمانی دەڵێت، لە هەولێر و سلێمانی منداڵ زیادناکرێ، بەڵام سیستمەکە کراوەتەوە

گوتەبێژی وەزارەتی ئەوقاف و کاروباری ئایینیی هەرێمی کوردستان رایگەیاند، بۆ دیاریکردنی یەکەم رۆژی رەمەزان، سێشەممە لیژنەکانیان چاودێری بینینی مانگ دەکەن.

کەشناسیی هەرێمی کوردستان رایگەیاند، لە ئەمڕۆ و سبەی لە زۆربەی ناوچەکان باران دەبارێت. کەشناسێک پێشبینی دەکات، لە شەپۆلەکەدا 7 بۆ 40 ملیمەتر باران ببارێت.

لە چەند پەیجێکی کەسایەتییە ئیسلامییەکان، بەتایبەت ئەوانەی لە دەرەوەی هەرێمی کوردستان دەژین بانگەوازیی بۆ خۆپێشاندان دەکرێ بۆ ئەمڕۆ هەینی لە شاری هەولێر، بەڵام پارێزگاری هەولێر دەڵێت، رێگە بە خۆپێشاندانی بێ مۆڵەت نادەن.

ماڵپەڕی شەفافیەت رایگەیاند، داهاتی هەفتەیەکی پارێزگاکانی سلێمانی و هەڵەبجە بەراورد بە هەفتەیەک پێشتر زیاتر لە 52% کەمیکردووە و کەمترە لە حەوت ملیار دینار.

ئێوارەی دوێنێ لە پڕۆژەیەکی نیشتەجێبوون لە سلێمانی ئافرەتێک بە گولـلە کوژرا. ئاسایش رایگەیاند، ئەمڕۆ "تاوانباری بکوژ"یان دەستگیرکردووە.

لە قەزای دەربەندیخان لە پارێزگای سلێمانی کە دانیشتوانەکەی زیاترە لە 56 هەزار کەس، یەک پزیشکی پسپۆڕی چاو هەبووە گوێزراوەتەوە ناوچەیەکی دیکە و ناڕەزایی خەڵکی لێکەوتووەتەوە. بەڕێوەبەری تەندروستی قەزاکە دەڵێت، بەڵێن دراوە پزیکشیان بۆ بنێرن.

کەمئەندامانی سەنگەر چاوەڕوانی مووچەی مانگی یەکی ئەم ساڵ بوون، کە لەگەڵ ئەوەدا مووچەی مانگەکانی 9 و 10ـی پار وەربگرن، بەڵام جێگری بەڕێوەبەری گشتیی خانەنشینی پێشمەرگە دەڵێ: "مووچەی دوو مانگی پاریان بۆ نەنێردراوە".

پارێزگای هەولێر چەند بڕیارێکی تایبەت بە مانگی رەمەزان دەرکردووە و دەڵێت، کاژێرێک دەوامی فەرمانبەران لە دامودەزگاکانی سنووری پارێزگاکە کەم دەکرێتەوە و لە کاژێر 09:00ـی بەیانی دەستپێدەکات.

ئاراستەی گەڕەکی کوردساتی بزووتنەوەی گۆڕان جەخت دەکاتەوە، دووشەممە 16ـی ئەم مانگە کۆنفرانسی گشتیی لە شاری کەرکووک دەکەن. بەرپرسێکی ئاراستەی گردی زەرگەتەی گۆڕان دەڵێت، سکاڵایان دژی دیاریکردنی رۆژی کۆنفرانس کردووە.

بەگوێرەی پێشبینی کەشناسان، ئەم وەرزەی بارین وشکەساڵی نەهێشتووە. بەرپرسێکی وەزارەتی کشتوکاڵ دەڵێ، 3 ملیۆن و 300 هەزار دۆنم زەوی بە گەنم چێندراوە و چاوەڕێی دوو بۆ سێ هێندەی بەرهەمی گەنمن بەراورد بە پار

کەشناسیی هەرێمی کوردستان رایگەیاند، ئەمڕۆ و سبەی بارانبارین بەردەوام دەبێت و لە ناوچە سنوورییەکانیش بەفر دەبارێت. کەشناسێک پێشبینی دەکات، لە یەکشەممەوە کەش سەقامگیر بێتەوە و پلەی گەرما بەرز بێتەوە.

ڤیدیۆیەک لە تۆڕە کۆمەڵایەتییەکان بڵاوبووەتەوە، کە چەند کەسێک لە نزیک ئامێرێکی راکێشانی پارە (ATM) سەرقاڵی کۆکردنەوەی پارەن کە رەشەبا بڵاوەی پێکردووە. بەرپرسێکی سنوورەکە دەڵێ، "پارەکە 50 ملیۆن دینار بووە". قایمقامی شارەکەش دەڵێت، هیچ کەس و بانکێک سکاڵای تۆمار نەکردووە.

دادگەی سلێمانی دادگەییکردنی لاهوور شێخ جەنگی و هاوڕێکانی دواخست. پارێزەرێکی دەستگیرکراوانی لالەزار دەڵێت: "دۆسیەکە لە تەمیزە لە هەولێر، بۆیە دانیشتنەکە دواخراوە".

بەگوێرەی بەدواداچوونێکی تۆڕی میدیایی رووداو، تاوەکو ئەمڕۆ زۆرترین پارچە زەوی لە سنووری پارێزگای هەولێر دابەشکراوە، کە 67 هەزار پارچەیە، لە سلێمانی 20 هەزار، دهۆک نزیکەی 4 هەزار و لە هەڵەبجە تەنیا 60 پارچە زەوی دابەشکراوە.

فەرماندەی گشتیی هێزەکانی سووریای دیموکرات رایگەیاند، فەرمانبەران و بەڕێوەبەرە کارگێڕییەکانی بەڕێوەبەرایەتی خۆسەر وەکو خۆیان لەسەر کارەکانیان دەمێننەوە و لانادرێن، هەروەها دەڵێت، دەروازەی سێمالکا وەکو خۆی دەمێنێتەوە.

دوای ئەوەی بەرهەمهێنەرانی مریشک لە تورکیا بڕیاریان دا پێش مانگی رەمەزان نرخەکان بە رێژەی 15% بەرزبکەنەوە، وەزارەتی بازرگانیی ئەو وڵاتە بڕیاری دا هەناردەی مریشک رابگرێت. بەرپرسێک لە هەرێمی کوردستان دەڵێت: "راگرتنەکە خزمەت بە بەرهەمی نێوخۆ دەکات".

لە کەلار بەهۆی رووداوی هاتووچۆوە گەنجێک گیانی لەدەستدا، کە ماتۆرسوار بووە.

وەزارەتی کارەبای هەرێمی کوردستان وەڵامی ناڕەزایەتیی هاووڵاتییان لەبارەی نرخی کارەبا دەداتەوە و رایدەگەیێنێت، هیچ گۆڕانکارییەک لە نرخەکاندا نەکراوە؛ دەشڵێت: "پسوولەی ئەم جارە هی 46 رۆژە و بەهۆی سەرماوە بەکارهێنان زیادیکردووە."

فراکسیۆنی پارتی دیموکراتی کوردستان لە پەرلەمانی عێراق، رێبوار هادی، وەکو جێگری سەرۆکی فراکسیۆن و دانەر عەبدولغەفاری وەکو گوتەبێژی فراکسیۆنەکە دیاریکرد.

لە گوندی کوچینە حەسەن لە نزیک سەنتەری قەزای ئاکرێ لە پارێزگای دهۆک، تەقە لە هاونیشتمانییەک کرا و گیانی لە دەستدا.

بەرپرسێکی ئەنجوومەنی باڵای دادوەریی عێراق دەڵێت، لەنێو ئەو چەکدارانەی پێشووی داعش کە لە سووریاوە هێندراونەتە نێو زیندانەکانی عێراق، کەسانێک هەن کە تۆمەتبارن بە ئەنجامدانی تاوان بەرامبەر کوردانی ئێزدی. نوێنەرانی ئێزدی لە هەرێمی کوردستان دەڵێن، سکاڵای یاسایی دژی ئەو داعشانە تۆمار دەکەن و هەزاران بەڵگە دژیان ئامادەیە

‎دوای سێ جار لە دواخستنی دادگەییەکەی، ئەمڕۆ ‎سەرۆکی پێشووی هاوپەیمانیی نیشتمانی برایە بەردەم دادوەری دادگەی سلێمانی و دادوەری بینی.

بەڕێوەبەرایەتیی هاتووچۆی هەولێر لە راگەیێندراوێکدا داوا لە شۆفێرانی تاکسی دەکات، لۆگۆی رووناکیی تاکسی لەسەر ئۆتۆمبێلەکانیان جێگیر بکەن و کە گڵۆپی زەردی لەنێودا بێت.

هەرچەندە پێشتر رێککەوتن کرا و بڕیار بوو مریشک لە هەرێمی کوردستانەوە هەناردەی نێوەڕاست و خوارووی عێراق بکرێت، بەڵام تاوەکو ئەمڕۆ هەناردەکردنەکە دەستی پێنەکردووە. راوێژکارێکی وەزارەتی کشتوکاڵ دەڵێ: "هەندێک کێشەی ورد هەن و سەرقاڵی چارەسەرکردنین".

لە 24 کاژێری رابردوودا 62 ملیمەتر باران لە قەزای خەلیفان باریوە. خاوەن یەکێک لە پڕۆژە گەشتیارییەکان دەڵێت، بەهۆی بارانەکەوە زیانیان بەرکەوتووە و پردی پەڕینەوەش ئاو بردوویەتی. بە گوتەی قایمقامی قەزاکە کەپرەکان لەسەر رێڕەوی ئاو دروستکراون

دوای ئەوەی جارێکی دیکە هەواڵی تۆمارکردنی ئۆتۆمبێلە بێ سەرەتاکان بڵاوکرایەوە، سەرچاوەیەکی باڵا لە ئاسایشی سلێمانی رەتیدەکاتەوە و دەڵێت، "بارکۆدیان پێ دەدرێت و ئەوەی وەری نەگرێت دەست بەسەر ئۆتۆمبێلەکەیدا دەگیرێت."

بەڕێوەبەری گشتیی بەنداو و کۆگەکانی ئاو رایگەیاند، لەم وەرزەی بارانباریندا 1.5 ملیار مەتر سێجا ئاو لە بەنداوەکانی هەرێمی کوردستان گلدراوەتەوە. هەروەها بەهۆی زۆریی بارانەوە، زۆربەی بەنداوە بچووکەکان سەرڕێژیان کردووە

لە بەشێکی بەنزینخانەکانی هەولێر نرخی بەنزینی نۆرماڵی کۆمپانیای کار لیتری دابەزیوە بۆ 800 دینار. سەرۆکی ئەنجوومەنی بەنزینخانەکانی شارەکە دەڵێت: "ئەگەر بەنزینخانەیەک نرخەکەی ئێستا زیاتر بێ ئەوە بەنزینی کۆنی ماوە و دواتر ئەویش نرخ دادەبەزێنێت".

دەنگۆی بۆردوومان و هەڵدانی بۆمبی دەنگی لە سنووری قەزای ئامێدی لە پارێزگای دهۆک بڵاوبووەتەوە، بەڵام دوو سەرچاوەی باڵا لە ناوچەکە رەتیدەکەنەوە شتی لەو جۆرە روویدابێت.

بەرپرسانی عەلوەکانی سلێمانی و هەولێر دەڵێن، کێشەکانی نێوان ئێران و ئەمریکا کاریگەرییان لەسەر دەروازەکان نەبووە و ئێستاش زۆرینەی سەوزەی هەرێمی کوردستان لە ئێرانەوە هاوردە دەکرێ. بەرپرسێکی عەلوەی سلێمانی دەڵێ: "بەهۆی ئەوەی هەرێمی کوردستان خۆی هاوردەی تەماتەی قەدەخەکردووە نرخەکەی بەرزبووەتەوە".

رێکارەکانی دانانی کامێرای خاڵ بۆ خاڵ بۆ رێگری لە تیژڕۆیی لەنێوان قەزاکانی کەلار و کفری لە ئیدارەی سەربەخۆی گەرمیان لە پارێزگای سلێمانی لە کۆتاییدان. گوتەبێژی هاتووچۆ دەڵێ، هەر پێنج کیلۆمەترێک و کامێرایەک جێگیر دەکرێت

شارەوانیی هەولێر رایگەیاند، قیرکردنی هەردوو سایدی رێگەی هەولێر – گوێڕ دەستیپێکردووە. سەرۆکی شارەوانی دەڵێت، هەموو ئەو شوێنانە چاک دەکەن کە پێویستیان بە قیرتاوکردنەوەیە

دوو کچی تەمەن 13 ساڵ و 16 ساڵی دانیشتووی قەزای شارەزوور، ماڵیان جێهێشتووە و هیچ هەواڵێک لەبارەیانەوە نییە. خاڵۆیەکیان داوا دەکات هەرکەس زانیاریی لەبارەی کچەکانەوە هەیە، ئاگاداریان بکاتەوە

هەرچەندە ئاراستەی گەڕەکی کوردساتی بزووتنەوەی گۆڕان دەڵێت، 16ی ئەم مانگە کۆنفرانسی گشتی دەکەن، بەڵام ئاراستەکەی دیکە لە گردی زەرگەتە رەتی دەکاتەوە. ئەندامێکی جڤاتی نیشتمانیی گردی زەرگەتە دەڵێت، ئەمڕۆ پرسی کۆنفرانس تاوتوێ دەکەن

کەشناسیی هەرێمی کوردستان راگەیێندراوێکی بە ناونیشانی "هۆشداری" بڵاوکردەوە و رایگەیاند، لە ئەمشەوەوە بارانبارین هەرێمی کوردستان دەگرێتەوە و لە هەندێک ناوچە لێزمەباران دەبارێت.

لە رووداوێکی سەختی هاتووچۆدا لە شەقامی سالم لە شاری سلێمانی کە بە "سەهۆڵەکە" ناسراوە، کەسێک گیانی لەدەستدا و دووانی دیکەش بریندار بوون.

دەزگای خێرخوازیی بارزانی رایگەیاند، 380 بارهەڵگر پێداویستی و خۆراک گەیێندراوەتە رۆژئاوای کوردستان و بەشێکیان لە کەمپەینی (رەنجی رووداو) بوون لە تۆڕی میدیایی رووداو.

دوای ئەوەی مانگی رابردوو دادگەی سلێمانی بڕیاری دا دۆسیەی دەستگیرکراوانی لالەزار بۆ وردبینی رەوانەی هەولێر بکرێت، یەکێک لە پارێزەرانی دۆسیەکە دەڵێت، دۆسیەی 12 کەسیان گەیشتووەتە هەولێر.

بەڕێوەبەرایەتیی رێکخستنی پسووڵەی خۆراک لە هەولێر رایگەیاند، کارکردنی ئەپلیکەیشنی فۆڕمی ئەلیکترۆنی خۆراک راگیراوە. بەڕێوەبەری رێکخستنی پسوولەی خۆراک لە سلێمانی دەڵێت: "ئەوانەی پارەیان داوە و ناویان زیاد نەکراوە پارەکەیان نافەوتێت".

چەند کەسێکی دیکە لە دەستگیرکراوانی لالەزار لەلایەن ئاسایشی سلێمانییەوە ئازاد کران، لەنێویاندا ئەفسەری پلە باڵا هەن.

تەرمی ژنێک کە دانیشتووی شاری سلێمانی بووە، لە رووباری سیروان لە قەزای دەربەندیخان دۆزرایەوە.

نرخی گەشتی عومرە لە هەرێمی کوردستانەوە بۆ سعودیە لە رێگەی وشکانی و ئاسمانییەوە بۆ مانگی رەمەزان بەرزبووەوە. گوتەبێژی بەڕێوەبەرایەتیی حەج و عومرە دەڵێت، لە رەمەزاندا لە سعودیەش نرخی هۆتێل و خواردن بەرز دەبێتەوە.

هاوپەیمانیی 19 رایگەیاند، مانگی رابردوو 113 چالاکی لە هەرێمی کوردستان بەڕێوەچوون 98یان یان بۆ پشگیریی لە رۆژئاوای کوردستان بوون و هیچ تووندوتیژییەک رووینەداوە. رێکخەری سەنتەری میترۆ دەڵێت: "گوتاری خەڵک و سیاسییەکان هاوتەریب بوون لە خۆپیشاندانەکاندا".

ئێوارەی دوێنێ بۆ ماوەیەک هاتووچۆی بازرگانی لە نێوان ئێران و هەرێمی کوردستان لە سنووری دەروازەی نێودەوڵەتی پەروێزخان راگیرا، بەڵام سەرپەرشتیاری دەروازەکە لە دیوی هەرێمی کوردستانەوە دەڵێت: "دۆخەکە ئاسایی بووەتەوە".

ئاراستەی گەڕەکی کوردساتی بزووتنەوەی گۆڕان رایگەیاند، کۆمیسیۆن 16ی ئەم مانگەی دیاریکردووە بۆ کۆنفرانسی گشتییان لە شاری کەرکووک. ئەندامێکی جڤاتی نیشتمانیی گۆڕان لە ئاراستەی گردی زەرگەتە دەڵێت، "ئاگادار نەکراوینەتەوە."

بەڕێوەبەرایەتی حەج و عومرەی هەرێمی کوردستان لە راگەیێندراوێکدا داوا لە کۆمپانیاکانی حەج و عومرە دەکات، پابەندی چەند خاڵێک بن بۆ خزمەتی ئەو کەسانەی لە هەرێمی کوردستانەوە دەچنە سعودیە بۆ عومرە. گوتەبێژی بەڕێوەبەرایەتییەکە دەڵێت، داواکەیان ئەنجامی رەخنەی خەڵکە لە کۆمپانیاکان.

نوێنەرێکی مامۆستایانی گرێبەست لە خوێندنی باڵا دەڵێت، وەزارەتی خوێندنی باڵا لاری نییە ئەوان خوێندنی باڵا بخوێنن بەگوێرەی رێکاری زانکۆکان، لە بەرامبەردا بەڕێوەبەرێکی گشتیی لە وەزارەتی خوێندنی باڵا دەڵێت: "رێنمایی حکومەت هەیە، کە رێگرە لە خوێندنی گریبەستەکان".

لە بازاڕەکانی هەرێمی کوردستان نرخی بەشێک لە مادە خۆراکییەکان بەرزبووەتەوە، بەتایبەتی رۆنی شل و برنج. سەرۆکی یەکێتیی هاوردە و ناردنکارانیش دەڵێت، "وەستانی حەواڵەی دۆلار و بەرزبوونەوەی 400٪ـی گومرگ لە عێراق هۆکاری سەرەکین."

کۆمەڵی دادگەریی کوردستان رایگەیاند، سکاڵای یاساییان دژی ئەو کەسانە تۆمار کردووە، کە "بێڕێزی" بە ئیسلام دەکەن. بەرپرسێکی یاسایی حیزبەکە دەڵێت، بە ڤیدیۆ بەڵگەکانیان داوەتە داواکاری گشتی

بەهای دینار بەرزبووەوە و 100 دۆلار بە نزیکەی 149 هەزار دینار مامەڵەی پێوە دەکرێت. هەروەها دراوی ئێران بەردەوامە لە دابەزین

حکومەتی عێراق 50 ملیۆن لیتر نەوتی بۆ هەرێمی کوردستان دابین کردووە و پرۆسەی دابەشکردنی لە سەنتەری شارەکان دەستیپێکردووە. بۆ هەر خێزانێک 100 لیتر نەوت تەرخانکراوە و نرخەکەشی 31 هەزار دینارە.

دوایین کاروانی هاوکارییەکانی کەمپەینی (رەنجی رووداو) لە تۆڕی میدیایی رووداو بۆ هاونیشتمانیانی ئاوارەبووی رۆژئاوای کوردستان، گەیشتە ئەو پارچەیەی کوردستان.

سەرۆکی دەزگای خێرخوازیی بارزانی دەڵێت، رۆژانە هاوکارییەکانی تۆڕی میدیایی رووداو بەسەر هاونیشتمانییانی رۆژئاوای کوردستان دابەش دەکرێت و تاوەکو ئەمڕۆ لە قامشلۆ، دێرک، عاموودا و حەسەکە هاوکارییان لێ دابەشکردووە

دەزگای خێرخوازیی بارزانی دەڵێ، تاوەکو کاژێر 12:00ـی شەوی رابردوو، هاوکارییان گەیاندووەتە زیاتر 15 هەزار خێزان لە رۆژئاوای کوردستان، جگە لە پێشکێشکردنی زیاتر لە 35 هەزار ژەمەخۆراکی گەرم

ناجێگریی بەهای زێڕ لە بازاڕدا بەردەوامە و ئەمڕۆ بەراورد بە دوێنێ نرخەکەی بەشێوەیەکی بەرچاو دابەزی.

قاوەخانەیەک لە شاری سلێمانی رایگەیاند، بێبەرامبەر تاوەکو یەک ملیۆن قاوە بۆ ئەو هاونیشتمانیانە دابین دەکەن، کە ئەمڕۆ بۆ پشتیوانی رۆژئاوای کوردستان خۆپشاندان دەکەن.

لە نزیکەی چوار هەزار مزگەوتی هەرێمی کوردستان کە رۆژانی هەینی نوێژی بەکۆمەڵ و گوتاریان تێدا پێشکێش دەکرێت، بڕیارە ئەمڕۆ باسی یەکڕیزی کورد بکرێت. گوتەبێژی یەکێتی زانایان دەڵێت، "زۆر گرنگە ئێستا باسی یەکڕیزی و پشتیوانی خۆپیشاندانەکان بۆ رۆژئاوای کوردستان بکرێت".

چەند چەکدارێک لە ناوچەکانی نێوان قەزای کفری لە ئیدارەی گەرمیان و قەزای خوورماتوو لە ناوچە دابڕاوەکان بیندراون. فەرماندەیەکی پێشمەرگە لە سنوورەکە دەڵێ: "چەکدارەکان داعش بوون و چەکی گەرمیبینی پێشکەوتوویان پێیە".

دەزگای خێرخوازی بارزانی: هاوکارییەکانی کەمپەینەکەی رووداو گەورەن و بابەتی جیاوازیان تێدایە

لە دوێنێوە بەڕێوەبەری گشتیی کشتوکاڵی گەرمیان دەستگیرکراوە. بەرپرسێک لە بەڕێوەبەرایەتییەکە دەڵێت: "رێکارێکی یاساییە و پەیوەندی بە گەندەڵییەوە نییە".

بەڕێوەبەرایەتیی کەشناسیی هەرێمی کوردستان رایدەگەیێنێت، لە سبەی نیوەڕۆوە شەپۆلێکی بارانبارین روو لە ناوچەکان دەکات و لە ناوچە شاخاوییەکان بەفر دەبارێت. شارەزایەکی کەشناسیش دەڵێت: "لە خانەقینەوە تاوەکو زاخۆ باران دەبارێت و لە هەندێک شوێن تاوەباران دەبێت."

بەڕێوەبەری ئەوقافی سلێمانی رایدەگەیێنێت، ئەو دوو مەلایەی چەند رۆژێک لەمەوبەر دەستگیر کران، هێشتا ئازاد نەکراون. بەگوێرەی زانیارییەکانی رووداویش، هۆکاری دەستگیرکردنەکە پەیوەندیی بە "سووکایەتیکردن بە رۆژئاوای کوردستان"ـەوە هەیە.

زیاتر لە 140 بارهەڵگر خۆراک، سووتەمەنی و پێداویستی رۆژانە لەلایەن دەزگای خێرخوازی بارزانییەوە لە هەرێمی کوردستانەوە گەیێندراونەتە رۆژئاوای کوردستان، بەڵام هیچ هاوکارییەک رەوانەی حەسەکە نەکراوە. بەرپرسێکی دەزگاکە دەڵێت، بۆ بردنی هاوکاری بۆ حەسەکە چاوەڕێی وەڵامی ئیدارەی خۆجێی ناوچەکەن.

بەهای دینار زیاتر دابەزی و ئەمڕۆ لەگەڵ کردنەوەی بازاڕدا، 100 دۆلار لە هەولێر گەیشتە 154 هەزار دینار و لە سلێمانی 155 هەزار دینار.

لە گوندی خەراب ئەشکی سەر بە کۆبانی، بەهۆی تۆپبارانەوە پێنج ئەندامی یەک خێزان شەهید بوون و شەشی دیکەش بریندار بوون. هاوسەرۆکی کۆنفیدراسیۆنی رێکخستنی کۆمەڵگەی دیموکراتیکیش رایگەیاند، دیمەشق ئاگربەستی پێشێل کردووە و درۆنەکانی تورکیاش هاوکاریی سوپای سووریا دەکەن.

لە سۆشیاڵ میدیا دەنگۆیەک بڵاوکراوەتەوە، گوایە لە زانکۆی ئەمریکی – سلێمانی، ئاڵای کوردستان قەدەخە کراوە و رێگە نادرێت ببرێتە ژوورەوە. بەرپرسی پەیوەندییەکانی زانکۆکە رەتیدەکاتەوە

سەرۆکی دەزگای خێرخوازیی بارزانی دەڵێت، تاوەکو ئەمڕۆ هاوکارییان گەیاندووەتە زیاتر لە 46 هەزار هاونیشتمانی لە رۆژئاوای کوردستان و هەنگاوی داهاتوویان گەیاندنی هاوکارییە بە حەسەکە

دوای چوار رۆژ لە هەڵمەتی کۆکردنەوەی هاوکاری کەمپەینی (رەنجی رووداو) لە تۆڕی میدیایی رووداو، کە زیاتر لە ملیارێک و 300 ملیۆن دینار و چەندین بارهەڵگر دەرمان و پێداویستی رۆژانە کۆکرایەوە، بڕیارە هاوکارییەکان رەوانەی رۆژئاوای کوردستان بکرێن

لە سنووری پارێزگای سلێمانی گۆڕانکاری لە پۆستی قایمقامی قەزاکانی دەربەندیخان و بازیان کرا. هەرچەندە بەرپرسێکی پێشوو دەڵێت، "گۆڕانکارییەکە کارگێڕییە،" بەڵام ئەو دوو پۆستە لە پشکی بزووتنەوەی گۆڕانەوە گەڕانەوە بۆ یەکێتیی نیشتمانیی کوردستان

بەهۆی تووندبوونی گەمارۆی سەر شاری کۆبانێ، خۆراک و دەرمان و سووتەمەنی بەرەو تەواوبوون دەچن. هاوسەرۆکی مانگی سووری کورد دەڵێت، بەهۆی نەبوونی ئۆکسجین و سەرماوە شەش منداڵ گیانیان لەدەستداوە و "ئارد دەست ناکەوێت."

بەهای دیناری عێراقی زیاتر دابەزی و 100 دۆلار لە هەولێر گەیشتە 149 هەزار دینار و لە سلێمانی 149 هەزار دیناری تێپەڕاند.

بەڕێوەبەرایەتی پاسپۆرتی سلێمانی رایگەیاند، نوێکردنەوەی پاسپۆرت پێش کاتی یاسایی و لەسەر خواستی خاوەنەکەی، رسوماتەکەی لە 200 هەزار دینارەوە کراوەتە 50 هەزار دینار. بەڕێوەبەری پاسپۆرتی هەولێر دەڵێت، بڕیارەکە چووەتە واری جێبەجێکردنەوە

نووسینگەی رزگارکردنی رفێندراوانی دەستی داعش لە راگەیێندراوێکدا داوا لەو کوردە ئێزدییانە دەکات لە کەمپی هۆل رزگاریان بووە پەیوەندییان پێوە بکەن. بەرپرسی نووسینگەکە دەڵێت: "لە هەرکوێ بن خێرا بە هانایانەوە دەچین".

لە سلێمانی دوو مامۆستای ئایینی بە ناوەکانی مەلا هەڵۆ و مەلا کامەران دەستگیر کران. بەڕێوەبەری ئەوقافی سلێمانی رایگەیاند، دەستگیرکردنەکە لەسەر سکاڵای خەڵک بووە و پەیوەستە بە "خراپ بەکارهێنانی ئامێرەکانی پەیوەندی" و "سووکایەتیکردن." بەگوێرەی زانیارییەکانی رووداویش، دۆسیەکەیان پەیوەندیی بە رووداوەکانی رۆژئاوای کوردستانەوە هەیە

هاوسەرۆکی فەرمانگەی پەیوەندییەکانی دەرەوەی بەڕێوەبەرایەتیی خۆسەر رایگەیاند، ئەوان و ئەمریکییەکانیش دەیانەوێ شەڕ رابگیرێت و ئاگربەست درێژ بکرێتەوە.

مانگی سووری کورد لە رۆژئاوای کوردستان رایگەیاند، بەهۆی گەمارۆدان و سەرماوە، منداڵێکی دیکەی دانیشتووی کۆبانی گیانی لەدەستدا و بەو جۆرەش ژمارەی ئەو منداڵانەی لە شارەکەی رۆژئاوای کوردستان بەو هۆیەوە گیانیان لەدەستدا بووە 5 کەس. هاوسەرۆکی مانگی سوور دەڵێ، تەمەنییان دوو مانگ بۆ چوار ساڵن.

بەربژێرێکی پۆستی سەرۆککۆمار لە پارتی دیموکراتی کوردستان دەڵێ، لە بەرژەوەندی بەربژێرێکی دیکەی حیزبەکەی لە کێبڕکێکە کشاوەتەوە.

نرخی بەرمیلێک نەوتی سپی لە هەولێر زیاتر لە 10 هەزار دینار دابەزی و لە سلێمانی جێگیرە

زیاتر لە 50 هەزار هاونیشتمانی لەم مانگەدا ئاوارەی شاری عەفرین و دەوروبەری بوون. بەرپرسێکی کورد لە سنوورەکە دەڵێ، زۆرینەی ئاوارەکان جێگەیان بۆ دابینکراوە، بەڵام پێویستیان بە هاوکاری مرۆییە.

10 رۆژە شاری کۆبانێ لە رۆژئاوای کوردستان لە چوار لاوە گەمارۆ دراوە و رێگە نەدراوە هیچ رێکخراوێکی مرۆیی هاوکاریی بگەیێنێتە شارەکە. سەرۆکی دەزگای خێرخوازی بارزانی دەڵێ، هەوڵەکانیان بۆ گەیاندنی هاوکاری بەو شارەی رۆژئاوای کوردستان چڕ کردوونەتەوە.

گەمارۆی تووندی سەر کۆبانی لە رۆژئاوای کوردستان بەردەوامە و هاوسەرۆکی مانگی سووری کورد لە رۆژئاوای کوردستان دەڵێت، بەهۆی گەمارۆ و سەرماوە "چوار منداڵ گیانیان لەدەستداوە."

دوای ئەوەی سەرۆکوەزیرانی هەرێمی کوردستان فەرمانی ناردنی سووتەمەنیی بۆ رۆژئاوای کوردستان لە رێگەی دەزگای خێرخوازیی بارزانی-یەوە دا، بەرپرسێکی دەزگاکە دەڵێت، "دابەشکردن دەستیپێکردووە و ئەوانەی پێویستیان پێیەتی، نەوتیان پێدەدرێت."

هاوسەرۆکی نووسینگەی کاروباری کۆچبەران و پەنابەرانی بەڕێوەبەرایەتی خۆسەر دەڵێت، بەشێکی راگیراوانی کەمپی هۆل کەسوکاری بەرپرسانی باڵای حکومەتی کاتیی دیمەشقن. هاوکات هەواڵی میدیای عەرەبی بە دژی دەستکەوتەکانی کورد دەزانێت و دەڵێت، "هەواڵی ناڕاست بڵاو دەکەنەوە."

هاونیشتمانییەک لە شاری کۆبانێ دەڵێت، لە هەموو لایەکەوە گەمارۆی شارەکە دراوە و کارەبا، ئاو، سووتەمەنی و نان نەماوە. داوا دەکات رێڕەوی مرۆیی بۆ شارەکە بکرێتەوە و هاوکاری پێ بگەیێندرێت.

بەگوێرەی پێشبینی کەشناسیی هەرێمی کوردستان و کەشناسان، لە درەنگی ئەمشەوەوە تاوەکو سبەی نیوەڕۆ لە زۆرینەی ناوچەکانی باشووری کوردستان بەفر ببارێت، لەنێویاندا لە شارەکانی هەولێر، سلێمانی، دهۆک، هەڵەبجە و کەرکووک.

کێڵگە پەلەوەرییەکان: هەناردەی مریشک بۆ ئێمە گرنگە

هاوسەرۆکی مانگی سووری کورد لە رۆژئاوای کوردستان دەڵێت، نزیکەی 550 خێزانی ئاوارەی شەڕی دوو رۆژی رابردوو لە ناوچەکانی رەققە و تەبقەوە گەیشتوونەتە رۆژئاوای کوردستان. سەرۆکی رێکخراوێک دەڵێت، لە مزگەوت و قوتابخانەکاندا جێگەی ئاوارەکان دەکەنەوە و دۆخیان خراپە.

هاوسەرۆکی کاروباری ئاوارە و پەنابەرانی بەڕێوەبەرایەتیی خۆسەر نوێترین ئاماری ماڵباتی چەکدارانی داعش لە کەمپەکانی هۆل و رۆژ بۆ رووداو دەخاتەڕوو و دەڵێت، زیاتر لە 7500 خێزانیان لە کەمپەکانی هۆل و رۆژدا دەژین.

هاوسەرۆکی کاروباری ئاوارە و پەنابەرانی بەڕێوەبەرایەتیی خۆسەر بە رووداوی راگەیاند، بەهۆی هێرشی سووپای عەرەبیی سووریاوە، مەترسی لەسەر کەمپەکانی هۆل و رۆژ و زیندانەکانی داعش لە رۆژئاوای کوردستان دروستبووە. هۆکاری هەر رووداوێکیش دەخاتە ئەستۆی هاوپەیمانی نێودەوڵەتی

چالاکڤانێکی کورد لە رۆژئاوای کوردستان دەڵێت، بەهۆی هێرشەکانی سوپای عەرەبیی سووریاوە نزیکەی 40 هەزار کەس لە هەردوو ناوچەی تەبقە و رەققە ئاوارەبوون و چوونەتە حەسەکە

کەشناسیی هەرێمی کوردستان رایگەیاند، لە نیوەڕۆی یەکشەممەوە شەپۆلێکی بەفر و باران هەرێمی کوردستان دەگرێتەوە، سێشەممە و چوارشەممەش بەهۆی سەرماوە بەستنی شەقام دروست دەبێت. کەشناسێک پێشبینی دەکات، نزمترین پلەی گەرما لەم هەفتەیەدا تۆمار بکرێت، کە پێشبینی دەکرێت 15 پلە ژێر سفر بێت

ئەمینداری گشتیی یەکگرتووی ئیسلامیی کوردستان رایگەیاند، پێشوازی لە بڕیاری "کشانەوە"ی هێزەکانی سووریای دیموکرات - هەسەدە لە چەند ناوچەیەکی باکوور و رۆژهەڵاتی سووریا و مەرسوومی ئەحمەد شەرع بۆ "ماف"ەکانی کورد دەکات

سوپای عەرەبیی سووریا رایگەیاند، چوونەتە ناو شاری تەبقەوە. هەسەدە رایگەیاند، زیندانییەکانی شارەکەیان گواستووەتەوە. سەرچاوە خۆجێیەکان دەڵێن، "لەنێو شاری تەبقەدا شەڕە."

دوو گوتاربێژی ئایینی لە سلێمانی و کەلار دوێنێ بە تۆمەتی هێرش دژی شەڕڤانان و پەسندانی سوپای عەرەبیی سووریا دەستگیرکران. بەگوتەی بەرپرسانی ئەوقاف، هەردوو مامۆستاکە لە ئاسایشی سلێمانی راگیراون

هونەرمەندی گۆرانیبێژ نادیە یاسین، یەکێک لە گۆرانییە کۆنەکانی بە سوود وەرگرتن لە ژیریی دەستکرد نوێ دەکاتەوە و دەڵێت، هۆکاری دروستکردنی کلپیەکە ئەو ستەمەیە لە کورد و کوردستان دەکرێت

دوای ئەوەی نەوەی نوێ رایگەیاند، پێشوازی لە هەموو لایەنەکانی دەرەوەی پارتی دەکەن بۆ پێکهێنانی کابینەی نوێی حکومەتی هەرێمی کوردستان. شاندی یەکێتی سەردانی ئەو حیزبە و پارتی سۆسیال دیموکراتی کرد بۆ تاوتوێکردنی پێکهێنانی کابینەی نوێی حکومەت. پەرلەمانتاران و فراکسیۆنەکانی لایەنەکانی دەرەوەی پارتی، یەکێتی و نەوەی نوێ، هەڵوێستی خۆیان دەخەنەڕوو

نزیکەی ساڵێک بەسەر پەسندکردنی یاسای گەڕاندنەوەی زەوییە داگیرکراوەکان لە پەرلەمانی عێراق تێپەڕ دەبێت، بەڵام هێشتا لە کەرکووک جێبەجێ نەکراوە. نوێنەرێکی جووتیاران ئاشکرای دەکات، زیاتر لە 23 هەزار دۆنم زەویی کورد لەدەستی عەرەبی هاوردە ماوەتەوە و بەرپرسێکیش هۆکارەکەی بۆ "حکومەتی کاربەڕێکەر" دەگەڕێنێتەوە

کەشناسیی هەرێمی کوردستان کەشوهەوای هەفتەیەکی راگەیاند و ئاماژەی بەوە کرد: "شەپۆلێکی باران و بەفربارین و بارستە هەوایەکی سارد ناوچەکەمان دەگرێتەوە".

‎یەکێک لە پارێزەرانی دۆسیەی لاهوور شێخ جەنگی و تۆمەتبارانی دیکەی لالەزار لە سلێمانی دەڵێت، چوار کەسی دیكە لە دەستگیرکراوانی لالەزار ئازاد کراون

بەگوێرەی نووسراوێکی فەرمانگەیەکی کۆمیسیۆن، ویلایەتی رێکخەری گشتیی گۆڕان لەلایەن دانا ئەحمەد مەجیدەوە کۆتایی هاتووە. کەسێکی نزیکیش لە 'رێکخەری گۆڕان' رەتیدەکاتەوە و دەڵێت، "تەنیا بۆچوونێکە."

بەگوێرەی کەشناسیی هەرێمی کوردستان، ئەمڕۆ نزمترین پلەی گەرما لە حاجی ئۆمەران تۆمارکراوە کە 11 پلە ژێر سفرە. هاوکات لە قەزای چۆمان شەش پلە ژێر سفر تۆمار کراوە. کەشناسێک پێشبینی دەکات، شەپۆلێکی نوێی بەفر و باران لە دووشەممەوە ناوچە جیاوازەکان بگرێتەوە.

حکومەتی هەرێمی کوردستان رایگەیاند، بۆ خوێندنی ساڵی 2025-2026، نزیکەی 9 هەزار قوتابی گەڕێندراونەتەوە بۆ قوتابخانەکان. هاوکات 30 قوتابخانەی نوێ دروستکراون و کار لە 30 قوتابخانەی دیکەشدا دەکرێت، لەگەڵ چاپکردنی زیاتر لە 22 ملیۆن کتێب بۆ نزیکەی ملیۆنێک و 900 هەزار قوتابی.

بەڕێوەبەرایەتیی گشتیی بەنداو و کۆگەکانی ئاو لە هەرێمی کوردستان رایگەیاند، ئەم وەرزەی بارین تاوەکو ئەمڕۆ نزیکەی یەک ملیار مەتر سێجا ئاو لە بەنداوەکانی هەرێمی کوردستان گلدراوەتەوە.

هاونیشتمانییەکی رۆژهەڵاتی کوردستان دوای 17 ساڵ مانەوەی لە نەرویج، دەستبەسەر کراوە. هاوژینەکەی دەڵێت، بڕیاردراوە بە زۆر بنێردرێتەوە بۆ ئێران، لەکاتێکدا "پەیوەندی لەگەڵ حیزبی دیموکراتی کوردستان هەبووە و ناردنەوەی مەترسییە لەسەر ژیانی".

بە گوتەی بەرپرسانی عەلوەکان بۆ رووداو، 85%ـی بەرهەمی عەلوەی سلێمانی و 60%ـی بەرهەمی عەلوەی هەولێر لە ئێران و رۆژهەڵاتی کوردستانەوە هاوردە دەکرێن. ئاماژە بەوەش دەکەن: "هاوردە رانەگیراوە، رابگیرێت نرخ لە هەرێمی کوردستان بەرز دەبێتەوە".

دوای ماوەیەک راگرتنی، رەزامەندی درا بە دابەشکردنی هەشتەم بەشەخۆراکی ساڵی رابردوو لەم مانگەدا. بەرپرسێکی دابەشکردنی خۆراک دەڵێت: "بە یەک نووسراوی هاوبەش تەواوی هەرێمی کوردستان لە دابەشکردنەکە ئاگادار کراوەتەوە".

دۆناڵد ترەمپ، سەرۆکی ئەمریکا بڕیارێکی "یەکلاکەرەوە"ی دەرکرد و رایگەیاند، هەر وڵاتێک بازرگانی لەگەڵ ئێران بکات، رووبەڕووی باجی گومرگیی 25% دەبێتەوە؛ یەکێک لەو وڵاتانەی بڕیارەکە دەیگرێتەوە عێراقە. سەرۆکی هاوردە و ناردنکارانی هەرێمی کوردستان دەڵێت، "ناتوانین هاوردە لە ئێران رابگرین".

دەزگای خێرخوازیی بارزانی رایدەگەیێنێت، تیمەکانیان بەردەوامن لە هاوکاریکردنی ئەو کەسانەی لە گەڕەکەکانی شێخ مەقسوود و ئەشرەفییەی حەلەبەوە ئاوارەی عەفرین و دەوروبەری بوون، لە چوار رۆژی رابردووشدا هاوکاریی زیاتر لە 11 هەزار کەسیان کردووە

کەشناسیی هەرێمی کوردستان پێشبینی دەکات، ئەمڕۆ لە "تەواوی هەرێمی کوردستان" باران ببارێت و سبەی لە شارەکانی سلێمانی، دهۆک و ئیدارە سەربەخۆکانی زاخۆ، سۆران و راپەڕین بەفر ببارێت. کەشناسێکیش دەڵێت، شەپۆلەکە پێنجشەممە کۆتایی دێت

دوای ئاگربەست و هێوربوونەوەی دۆخی گەڕەکەکانیان، نزیکەی 1000 خێزانی گەڕەکە کوردنشینەکانی حەلەب کە 750 خێزانیان ئاوارەی عەفرین ببوون، دەگەڕێنەوە شێخ مەقسوود و ئەشرەفییە

دوای ئەوەی بۆ پۆستی سەرۆککۆماری عێراق خۆی بەربژێر کرد، بەربژێربوونی مەلا بەختیار بۆ پۆستەکە رەتکرایەوە، رووداو هۆکارەکەی دەخاتەڕوو. نووسینگەکەشی دەڵێت، تانەی لێ دەدەن

دوای دوو جار دواخستن، بڕیاربوو ئەمڕۆ سەرۆکی پێشووی هاوپەیمانیی نیشتمانی لە سلێمانی ببرێتە دادگەی سلێمانی و دادوەر لێکۆڵینەوەی لەگەڵدا بکات، بەڵام کوڕێکی تۆمەتبار دەڵێ، جارێکی دیکە دانیشتنەکە دواخراوە.

یەکێک لە پارێزەرانی دۆسیەی لاهوور شێخ جەنگی و تۆمەتبارانی دیکەی لالەزار لە سلێمانی دەڵێت، 17 کەس لە دەستگیرکراوانی لالەزار ئازاد کراون.

بەهۆی دۆخی ئاڵۆزیی نێوخۆی ئێرانەوە، گەشتە ئاسمانییەکانی نێوان سلێمانی و تاران هەڵوەشانەوە، لە هەولێر گەشت بەفەرمی هەڵنەوەشاوەتەوە، بەڵام سەرچاوەیەک دەڵێت: "چاوەڕێی فەرمانین و پێدەچێت هەڵوەشێتەوە".

دوای دوو جار دواخستن، بڕیارە ئەمڕۆ سەرۆکی پێشووی هاوپەیمانیی نیشتمانی لە سلێمانی ببرێتە دادگەی سلێمانی و دادوەر لێکۆڵینەوەی لەگەڵدا بکات.

بڕی ئەو بارانەی ئەم وەرزە لە زۆرینەی ناوچەکانی باشووری کوردستان باریوە، دوو هێندەی ساڵی رابردووە؛ بەوهۆیەوە ئاستی ئاوی بەنداوەکان بەرزبووەتەوە و بەڕێوەبەری گشتیی بەنداوەکانیش دەڵێت: "جگە لە بەنداوە گەورەکان، زۆرینەی بەنداوە بچووکەکان سەرڕێژیان کردووە."

شاسوار عەبدولواحید برایە بەردەم دادوەر لە دادگەی سلێمانی، بەگوێرەی زانیارییەکانی پەیامنێری رووداو، دادوەر رەتیکردووەتەوە سەرۆکی جووڵانەوەی نەوەی نوێ بە دانانی بارمتە ئازاد بکات.

دەزگاری خێرخوازیی بارزانی رایدەگەیێنێت، تیمەکانیان هاوکاریی ئەو کەسانە دەکەن، کە لە حەلەبەوە ئاوارەی عەفرین بوون و لە سێ رۆژی رابردوودا ژەمە خۆراک و پێداویستی دیکەیان بەسەردا دابەشکردوون.

شاسوار عەبدولواحید برایە بەردەم دادوەر لە دادگەی سلێمانی، بەگوێرەی زانیارییەکانی پەیامنێری رووداو، دادوەر رەتیکردووەتەوە سەرۆکی جووڵانەوەی نەوەی نوێ بە دانانی دەستبەر ئازاد بکات.

ئەمڕۆ نرخی زێڕ بەرزترین ئاستی مێژوویی تۆمار کرد و بەراورد بە دوێنێش هەر مسقاڵێک 18 هەزار دیناری دیکە بەرزبووەوە

شارەوانی هەولێر رایگەیاند، داشکاندنی 20%ی کرێی کۆکردنەوەی زبڵ و هەڵواسینی تابلۆ لەم مانگەدا کۆتایی دێت، ئەوانەی دەیانەوێت سوودمەند بن سەردانی شارەوانی بکەن

ئەمڕۆ لاهوور شێخ جەنگی برایە بەردەم دادوەر لە دادگەی سلێمانی. پارێزەرکەی دەڵێت، بڕیاری دادوەر ناردنی دۆسیەکەی بوو بۆ هەولێر.

کەشناسیی هەرێمی کوردستان رایگەیاند، شەپۆلێکی نوێی بەفر و باران هەرێمی کوردستان دەگرێتەوە. کەشناسێکیش ئەو ناوچانە دیاری دەکات، کە پێشبینی دەکرێت بەفری لێ ببارێت.

کەشناسیی هەرێمی کوردستان ئاماری ئەم وەرزەی بارینی لە پارێزگاکانی باشووری کوردستان رایگەیاند، کە لە هەولێر، سلێمانی، دهۆک و کەرکووک زیاتر لە دوو هێندەی وەرزی بارینی پێشوو باران باریوە، لە هەڵەبجەش نزیک بووەتەوە لە دوو هێندە باران بارین

ئەندامێکی دەستەی کارگێڕیی دەزگاری خێرخوازیی بارزانی دەڵێت، لە دوو رۆژدا نزیکەی 5000 ژەمەخۆراکیان داوەتە کوردی حەلەب کە ئاوارەی عەفرین بوون، رۆژانەش بەردەوام دەبن. ئاماژە بەوەش دەکات، 110 هەزار کورد چوونەتە گوند و ناحیەکانی عەفرین

دوای ئەوەی بەهۆی شەڕی پێنج رۆژەی گەڕەکەکانی ئەشرەفییە و شێخ مەقسوود لە حەلەب دەیان هەزار کوردی ئەو گەڕەکانە ئاوارەی عەفرین بوون، ژمارەیەکی زۆر گەنجی کورد دەستگیر کران. سەرچاوەیەکی ئاگادار دەڵێت، "بەڵێن دراوە ئازاد بکرێن."

بۆریی ئاوی ئیفراز سێی هەولێر لەنزیک پڕۆژەکە و سەرچاوەی ئاوەکەی شکا. بەڕێوەبەری ئاوی هەولێر دەڵێت، "هەر ئەمڕۆ چاکی دەکەینەوە."

دوای راگەیاندنی ئاگربەست لە گەڕەکە کوردنشینەکانی حەلەب، بەرەبەیانی ئەمڕۆ کاروانی تەرمی شەهیدان و بریندارانی شەڕی پێنج رۆژەی ئەو دوو گەڕەکە گەیێندرانە ناوچە ئارامەکانی ژێر دەسەڵاتی هێزەکانی سووریای دیموکرات (هەسەدە)

کەشناسیی هەرێمی کوردستان رایگەیاند، سبەی پلەی گەرما بەرز دەبێتەوە. کەشناسێکیش پێشبینی دەکات، لە سێشەممەوە شەپۆلێکی نوێی باران و بەفر هەرێمی کوردستان بگرێتەوە.

ئەندامێکی دەزگای خێرخوازیی بارزانی دەڵێت، هاوکارییەکانیان بۆ ئاوارەکانی گەڕەکەکانی شێخ مەقسوود و ئەشرەفییەی حەلەب کە چوونەتە عەفرین، فراوان دەکەن و بەتانی، خواردن و پێداویستیی پزیشیکییان پێدەگەیێنن

سەرۆکی ئەنجوومەنی ئەنەکەسە لە عەفرین دەڵێت، زیاتر لە 150 هەزار کەس ئاوارەی ئەو شارە و دەوروبەری بوون و پێویستیان بە هاوکاریی مرۆییە، بەتایبەت لەڕووی دەرمان و خۆراکەوە

دوای ئەوەی ئەمڕۆ بەهۆی بەفر بارینی شەوی رابردووەوە لە سنووری ئیدارەی سەربەخۆی سۆران لە پارێزگای هەولێر، ئاستەنگی هاتووچۆ بۆ رێگەی سەنتەری سۆران بۆ قەزاکانی سنوورەکە دروستبوو؛ جێگری سەرپەرشتیاری ئیدارەکە دەڵێت، هاتووچۆ ئاسایی بووەتەوە

دوای ئەوەی سوپای عەرەبیی سووریا بانگەشەی ئەوەی کرد، کە گوایە گەڕەکە کوردنشینەکانی حەلەب (ئەشرەفییە و شێخ مەقسوود)یان بە تەواوی کۆنترۆڵکردووە، فەرماندەیەکی ئاسایشی خۆسەر لەو گەڕەکانو دەڵێت، "ناڕاستە و بەرخۆدانمان بەردەوامە."

شاندێکی مرۆیی کە پێکهاتوون لە دانیشتووانی شارە جیاوازەکانی رۆژئاوای کوردستان، بۆ پشتگیریکردن هێزەکانی ئاسایشی نێوخۆی گەڕەکە کوردییەکانی حەلەب دەچنە ئەو شارە

سەنتەری میترۆ رایگەیاند، دیار كوردە، تەنیا پەیامنێری رووداو نەبووە و دەنگی ملیۆنان کوردی گەیاندووەتە کۆشکی سپی. ئاماژەی بەوەش کردووە، سەرنجڕاكێشانی سەرۆكی ئەمریكا بۆ گەمارۆدانی کورد لە حەلەب "بۆ دیار كوردە و رووداو ئەركن، بۆ ئێمەش جێگەی شانازی." رێکخەری سەنتەرەکە دەڵێت، "دیار وەکو دیپلۆماتکارێکی گەورەی کوردە لە وڵاتێکی گەورەدا."

شەوی رابردوو بەشێکی شارە جیاکانی پارێزگاکانی هەرێمی کوردستان کارەبایان بڕا. وەزارەتی کارەبا رایگەیاند، ئەمڕۆ دۆخەکە ئاسایی بووەتەوە

بەهۆی بەفر بارینی شەوی رابردووەوە لە سنووری ئیدارەی سەربەخۆی سۆران لە پارێزگای هەولێر، ئاستەنگی هاتووچۆ بۆ رێگەی سەنتەری سۆران بۆ قەزاکانی سنوورەکە دروستبووە و رێگەی زینی وەرتێش بە تەواوی داخراوە. بەرگریی شارستانی داوا دەکات، هاتووچۆی بەو رێگەیانەدا نەکرێت

لە چیای پیرەمەگروون لە سنووری سلێمانی، دوو شاخەوان کە لەگەڵ گرووپێکی گەشتیاریدا بوون هەڵدێراون، دەنگۆی گیانلەدەستدانی یەکێکیان هەیە، بەڵام قایمقام دەڵێت، "هۆشی نەماوە و تیمەکانمان لە رێگەدان بۆ لایان".

هاوسەرۆکی ماڵی ئێزدییان لە حەلەب دەڵێت، مەترسیی کۆمەڵکوژیی کوردانی ئێزدی و کورد بەگشتی لە گەڕەکەکانی ئەشرەفییە و شێخ مەقسوود هەیە. دەشڵێت، "ئێستا لە پشتی کامێراوا خەڵک دەکوژن و ئەشکەنجەیان دەدەن."

یەکێتیی زانایانی ئایینیی ئیسلامیی کوردستان لە راگەیێندراوێکدا دەڵێت: "بە ئامانجگرتنی کورد و خەڵکی سڤیلی هەردوو گەڕەکی شێخ مەقسوود و ئەشرەفییە لە حەلەب، بە هەموو پێوەرێک پێچەوانەی بنەماکانی ئایینی پیرۆزی ئیسلامە".

ئەندامێکی دەستەی کارگێڕیی دەزگای خێرخوازیی بارزانی دەڵێت، زیاتر لە 138 هەزار هاونیشتمانیی لە گەڕەکە کوردنشینەکانی شێخ مەقسوود و ئەشرەفییەی حەلەبەوە ئاوارەی عەفرین بوون، لە ئەمڕۆوە پێشوازییان لێدەکەن و خزمەتگوزاریی سەرەتاییان پێشکێش دەکەن.

کەشناسیی هەرێمی کوردستان رایگەیاند، لە ئەمڕۆوە شەپۆلێکی بەفر و باران باشووری کوردستان دەگرێتەوە. کەشناسێک دەڵێت، پێشبینی دەکرێت شەپۆلەکە سبەی دوای نیوەڕۆ کۆتایی بێت.

چالاکڤانێکی عەفرینی دەڵێت، لە نزیکەی 500 هەزار کەس کەمتر لە 30 هەزار کەس گەڕەکەکانی ئەشرەفییە و شێخ مەقسوودیان لە حەلەب چۆڵ کردووە. دەشڵێت، هێرشی سوپای عەرەبیی سووریا بەردەوام بێت، "کارەساتی مرۆیی" روودەدات. داواش لە کۆمەڵگەی نێودەوڵەتی و سەرۆک بارزانی دەکات، دەستوەردان بکەن

لەگەڵ هاتنی وەرزی سەرمادا، نرخی قاز لە هەرێمی کوردستان بەرزبووەوە و کیلۆی دەگاتە 15 هەزار دینار. کیلۆیەک مریشکیش بە 3 هەزار و 250 دینارە

هاوسەرۆکی نووسینگەی کاروباری کۆچبەران و پەنابەرانی خۆبەڕێوەبەری دەڵێت، سوپای عەرەبیی سووریا رێگەی نێوان ناوچەکانی ئەوان و حەلەبی داخستووە. دەشڵێت، "هیچ کۆچبەرێک لە حەلەبەوە نەگەیشتووەتە باکوور و رۆژهەڵاتی سووریا."

دوای ئەوەی پێشمەرگەیەکی لیوای 5ی پیادەی شارەزوور بە رووداوی گوت، دوو رۆژە لەسەر شەقامێکی هەولێر مانی گرتووە، چونکە وێڕای کەمئەندامبوونی لە شەڕی داعش، مامەڵەی خانەنشینیی سەنگەری بۆ ناکەن؛ وەزیری پێشمەرگە پەیوەندیی پێوە کرد و رایگەیاند، کێشەکە چارەسەر دەکەن

سەرۆکی ئەنجوومەنی ئەنەکەسە لە عەفرین دەڵێت، لە رێگەی خێرخوازانەوە هاوکاریی ئەو کوردانە دەکرێت کە بەهۆی شەڕەوە گەڕەکەکانی شێخ مەقسوود و ئەشرەفییەیان لە حەلەب جێهێشتووە. ئاماژە بەوەش دەکات، چەند گەنجێک لەوانە دەستگیر کراون کە گەڕاونەتەوە

بەڕێوەبەری گشتیی چاکسازییەکانی هەرێمی کوردستان، ئاماری ساڵی 2025ی سزادراوانی لە چاکسازییەکانی گەوران، ژنان و منداڵان لە هەرسێ پارێزگای هەولێر، سلێمانی و دهۆک خستەڕوو و رایگەیاند، لەو ساڵەدا 8566 سزادراو براونەتە چاکسازییەکان. ئاماژەی بەوەش کردووە، نزیکەی 10 هەزار ژوان بۆ حوکمدراوان رێکخراوە

بڕیارە سبەی هاوکاریی ئەو کەسانە بکرێت، کە بەهۆی لافاوەکەی چەمچەماڵەوە زیانیان بەرکەوتبوو، بڕی هاوکارییەکە کەمترینی 100 هەزارە دینارە و زۆرترینی 15 ملیۆن دینار. کۆمیسیۆنی بووژانەوەی چەمچەماڵ دەڵێت، دووبارە سەردانی ئەو ماڵانەیان کردووەتەوە لە کەمی یان نەبوونی هاوکاری سکاڵایان هەبووە

ساڵی 2025 تەنیا حەوت بەشەخۆراکی مانگانە دابەشکرا و بڕیاربوو بەشی هەشتەم دابەش بکرێت، بەڵام داواکارییەکی حکومەتی عێراق دابەشكردنەکەی دواخستووە. بەرپرسێکی دابەشکردنی خۆراک دەڵێت، "کێشەکە گەورە نییە تاوەکو چارەسەر نەکرێت."

کەشناسیی هەرێمی کوردستان رایگەیاند، شەپۆلێکی بەفر و باران و سەرما لە هەینییەوە تەواوی باشووری کوردستان دەگرێتەوە، لە بەشێکی ناوچەکان باران و بەشەکەی دیکەش بەفر دەبارێت

پچڕانی ناو بەناوی کارەبای 24 کاژێری لە ناوچە جیاجیاکانی هەرێمی کوردستانە بەردەوامە، سەرپەرشتیارانی پڕۆژەی رووناکیش دەڵێن، سەرقاڵی چارەسەرکردنی گرفتەکەن.

دوو پەرلەمانتاری فراکسیۆنی پارتی دیموکراتی کوردستان لە پەرلەمانی عێراق دەڵێن، د. ئەشواق جاف، بەربژێری سەرکەوتوو بۆ پەرلەمانی عێراق، پۆستی باڵیۆزی وەرگرتووە بۆیە ناچێتە پەرلەمان.

کۆمپانیای ئاسیاسێڵ لە راگەیێندراوێکدا رایگەیاند، پابەندن بە رێنماییە یاسایی و داراییەکانی حکومەتی عێراق و لەو چوارچێوەیەدا هەموو پابەندییەکانیان لە ساڵی 2025دا جێبەجێ کردووە.

ناجێگریی بەهای دینار لە بازاڕەکانی عێراق و هەرێمی کوردستان بەردەوامە؛ بەراورد بە نیوەڕۆی دوێنێ، ئەمڕۆ بەهای دینار بەرزبووە و 100 دۆلار بە 147 هەزار دینارە.

دوای چوار کاژێر لە کەوتنەوەی ئاگرەکەی هەولێر، تاوەکو ئێستا بە تەواوی کۆنترۆڵ نەکراوە، گوتەبێژی بەرگریی شارستانی دەڵێت، "هیچ مەرجێکی سەلامەتی لە کارگەکەدا نەبووە".

ئەمڕۆ دوایین رۆژی تۆماری ناوی بەربژێرانی وەرگرتنی پۆستی سەرۆککۆماری عێراق بوو، بەگوێرەی راگەیێندراوی پەرلەمانی عێراق 81 کەس خۆیان بەربژێر کردووە، بەگوێرەی بەدواچوونی تۆڕی میدیایی رووداو، 33 لە بەربژێرەکان کوردن.

حکومەتی هەرێمی کوردستان رایگەیاند، لە سێ ساڵی رابردوودا "لە کۆی 58.3 تریلیۆن دینار لە پشکی هەرێمی کوردستان، حکومەتی فیدراڵ 24.3 تریلیۆن دیناری ناردووە، کە دەکاتە 41%ی مافە داراییەکان و 3.9%ی کۆی بودجەی عێراق". راشیگەیاند: "پار هەرێمی کوردستان 19.5 ملیۆن بەرمیل نەوتی لە رێگەی سۆمۆوە هەناردە کردووە و 919 ملیار دیناریشی لە داهاتی نانەوتی رادەستی گەنجینەی فیدراڵی کردووە".

مەلا بەختیار، سیاسەتمەداری ناسراوی هەرێمی کوردستان خۆی بۆ پۆستی سەرۆککۆماری عێراق بەربژێر کرد. نووسینگەکەی دەڵێت، "دژایەتیی بەربژێرانی پارتی و یەکێتی ناکەن، دەیانەوێت چارەسەربن نەوەکو کێشە."

دوای ئەوەی یەکێتیی نیشتمانیی کوردستان رایگەیاند، تەنیا یەک بەربژێریان بۆ پۆستی سەرۆککۆماری عێراق هەیە کە نزار ئامێدییە؛ سەرۆکی فراکسیۆنی پارتی دیموکراتی کوردستان لە پەرلەمانی عێراق رایگەیاند، ئەوانیش فوئاد حوسێن دەکەنە بەربژێر بۆ ئەو پۆستە

گوتەبێژی یەکێتیی نیشتمانیی کوردستان دەڵێ، نزار ئامێدی بەربژێری حیزبەکەیانە بۆ وەرگرتنی پۆستی سەرۆککۆماری عێراق.

بەهای دینار لە بازاڕەکانی هەرێمی کوردستان بەردەوامە لە دابەزین و 100 دۆلار 149 هەزار دیناری تێپەڕاند.

دوای چەند رۆژێک بەفر و باران و سەرمای زۆر، کەشناسیی هەرێمی کوردستان دەڵێت، سبەی پلەی گەرما دوو بۆ چوار پلەی سیلیزی بەرز دەبێتەوە. کەشناسێک پێشبینی دەکات، لە سبەینێوە "سەرمای تووند" نامێنێت و دەکرێت لە 10ی ئەم مانگەوە شەپۆلێکی نوێی بارانبارین ناوچەکە بگرێتەوە

هەردوو فراکسیۆنی پارتی دیموکراتی کوردستان و یەکێتیی نیشتمانیی کوردستان لە بەغدا کۆبوونەوە. بەشداربوویەکی کۆبوونەوەکە دەڵێت، باسی یەکدەنگیی کوردیان لە بەغدا کردووە

ئەمڕۆ لە قوتابخانەیەکی سنووری قەزای ئاکرێ ئاگر کەوتەوە، بەڕێوەبەری بەرگریی شارستانیی قەزاکە دەڵێت، زیانی گیانی نەبووە.

دوو سەرچاوە بە رووداویان گوت، یەکێک لە بژاردەکان ئەوەیە پارتی بەربژێری نابێت، بەڵام داوا لە یەکێتیی نیشتمانیی کوردستان دەکات چەند ناوێک بخاتە بەردەستی و ئەویش رەزامەندی لەسەر یەکێکیان بدات. لە هەمان کاتدا پارتی داوا دەکات هەنگاوەکانی پێکهێنانی حکومەتی هەرێمی کوردستان خێرا بکرێن.

شاخەوان عەبدوڵڵا، وەکو سەرۆکی فراکسیۆنی پارتی دیموکراتی کوردستان لە پەرلەمانی عێراق دیاریکرا.

بەهای دینار لە بازاڕەکانی هەرێمی کوردستان زیاتر دابەزی. سەرۆکی ئەنجوومەنی بازاڕی ئاڵوگۆڕی دراو لە هەولێر و پسۆڕێکی دارایی دەڵێن: "ئاڵۆزییەکانی ڤەنزوێلا و ئەوەی لە نێوان ئەمریکا و ئێران روودەدات، هۆکارە".

دڵشاد میرانی، یەکێک لە مامۆستایانی ناڕازی لە شاری سلێمانی، لەلایەن هێزە ئەمنییەکانەوە دەستگیرکرا. سەنتەری میترۆ داوای ئازادکردنی دەکات و جێگری سەرۆکی یەکێتی مامۆستایانیش دەڵێت: "ئەمڕۆ یان سبەی ئازاد دەکرێت."

وەزارەتی كشتوکاڵ و سەرچاوەکانی ئاوی هەرێمی کوردستان دەڵێ، ئاستی ئاوی بەنداوەکانی سلێمانی، هەولێر و دهۆک بەرزبووەتەوە. بەڕێوەبەری گشتیی کشتوکاڵی هەولێر دەڵێ، بەنداوەکان بوونەتە سەرچاوەیەکی بەرهەمهێنانی ماسی و ئاودانی باخەکان

لیژنەی دەروازە سنوورییەکان لە پارێزگای ورمێ رایگەیاند، هاتووچۆی کۆڵبەری لە دەروازەی حاجی ئۆمەرانەوە ئەمڕۆ و سبەی دادەخرێت. جێگری سەرپەرشتیاری ئیدارەی سۆران دەڵێت، هاتووچۆ بۆ گەشتیاری و بازرگانی ئاساییە

شەپۆلی ئەم دواییەی بەفر و بارانبارین، کاریگەریی ئەرێنیی لەسەر ئاستی ئاوی بەنداوەکان لە هەر چوارپارچەی کوردستان هەبووە.

بۆ تاوتوێکردنی کارکردنی فراکسیۆنەکە لە پەرلەمانی عێراق، سەرۆک بارزانی لەگەڵ پەرلەمانتارانی فراکسیۆنی پارتی کۆبووەوە.

لە پشووەکانی سەری ساڵدا زیاتر لە 88 هەزار گەشتیار سەردانی سنووری پارێزگای هەولێریان کردووە، هەروەها نزیکەی 70 هەزار گەشتیار سەردانی ناوچەکانی سلێمانی و زیاتر لە 50 هەزار گەشتیار سەردانی پارێزگای دهۆکیان کردووە، 30 هەزار گەشتیاریش سەردانی پارێزگای هەڵەبجەیان کردووە.

دوای نزیکەی هەفتەیەک لە داخرانی رێگەکانی زینی وەرتێ لەنێوان ئیدارە سەربەخۆکانی سۆران و راپەڕین و رێگەی دەروازەی کێلێ لە سنووری ئیدارەی راپەڕین لە پارێزگای سلێمانی، رێگەکان کرانەوە، بەڵام هێشتا ئاستەنگی ماوە. هەروەها هاتووچۆی گەشتیاری لە دەروازەکانی نێودەوڵەتیی حاجی ئۆمەران و باشماخ ئاساییە. چاوەڕوان دەکرێت لە دەروازەی زێتیش هاتووچۆ ئاسایی ببێتەوە

بەگوێرەی ئاماری کەشناسیی کە دراوە بە تۆڕی میدیایی رووداو، لەم وەرزەی باریندا لە پارێزگای دهۆک، بارانی زیاتر لە وەرزی پێشوو باریوە. هەروەها زۆرترین بەفریش لە پارێزگاکە لە کانی ماسێ بووە.

دوای هەفتەیەک بارینی بەفر و باران، کەشناسیی هەرێمی کوردستان پێشبینی دەکات، ئەمشەو شەپۆلەکە کۆتایی بێت. کەشناسێک دەڵێ، پێشبینی دەکرێ تاوەکو 09ـی ئەم مانگە کەش سەقامگیر بێت.

بەهۆی شەپۆلی بەفربارینەوە کە لە سەرەتای هەفتەی رابردووەوە بەشێکی هەرێمی کوردستانی گرتووەتەوە، رێگەکانی نێوان ئیدارەی سەربەخۆی سۆران و شاری هەولێر داخرابوون، بەرگریی شارستانی دەڵێ: "زۆرینەی رێگەکان کراونەتەوە".

قایمقامی پێنجوێن دەڵێت، بەهۆی بەفربارینەوە ئاستەنگی هاتووچۆ بۆ رێگەکانی قەزاکەیان دروستبووە و داوا دەکات، کاری "زۆر گرنگ" نەبێ کەس رێگەی شارەکە بۆ سلێمانی بەکارنەهێنێت.

بەشێکی هاونیشتمانییانی خەڵکی رۆژهەڵاتی کوردستان کە لە هەرێمی کوردستانن، بە هۆکاری گەشتیاری بێ یان کارکردن و لە کاتی خۆیدا نەگەڕاونەتەوە و کاتی مانەوەیان بەسەرچووە، لە کاتی گەڕانەوەدا بە پێبژاردنی مادی سزا دەدرێن.

کەشناسیی هەرێمی کوردستان پێشبینی دەکات، ئەمڕۆ لە زۆرینەی ناوچەکانی هەرێمی کوردستان باران ببارێ و لە بەشێکیشی بەفر ببارێ.

بەگوێرەی ئاماری بەنداوەکانی هەرێمی کوردستان، لە یەک مانگی رابردوودا بەهۆی شەپۆلەکانی بارانبارینەوە نزیکەی 500 ملیۆن مەتر سێجا ئاو لە بەنداوە گەورەکان گلدراوەتەوە.

کەشناسیی هەرێمی کوردستان ئاماری 24 کاژیری رابردووی بارینی بەفر و بارانی بڵاوکردەوە و راشیگەیاند، سبەی شەپۆلێکی بەفربارین بەشێکی هەرێمی کوردستان دەگرێتەوە.

سەندیکای رۆژنامەنووسانی کوردستان داوا لەو رۆژنامەنووسانە دەکات، کە ئەندامی کارای سەندیکاکەن فۆڕمی وەرگرتنی زەوی پڕبکەنەوە.

بەڕێوەبەرایەتیی بەرگریی شارستانیی هەولێر رایگەیاند، ئەم ساڵ 157 ماڵ، 98 ئۆتۆمبێل، 14 باڵەخانە و هۆتێل، 8 موەلیدە، 41 مارکێت و پێشانگە، 12 کارگە، 11 کافتریا و چێشتخانە، 29 کەمپ و خێمە و 14 کۆگە سووتاون. گوتەبێژەکەیان دەڵێ: "بەراورد بە پار هەموو ئامارەکان بە رێژەی بەرچاو کەمیان کردووە".

رێبەری زیندانیکراوی پارتی کرێکارانی کوردستان دەڵێت، "زۆر گرنگە تورکیا لە سووریا رۆڵێکی بنیاتنەر بگێڕێت و رێگاکانی دیتالۆگ بکاتەوە".

کەشناسیی هەرێمی کوردستان ئاماری بەفر و بارانی 12 کاژێری رابردووی بڵاوکردەوە و رایگەیاند، زۆرترین بڕی بەفر لە ناحیەی هەڵشۆ لە پارێزگای سلێمانی باریوە کە 58 سانتیمەتر بووە. لە زاخۆش زۆرترین بڕی باران باریوە کە زیاتر لە 17 ملیمەتر بووە. کەشناسێک پێشبینی دەکات، سبەی کەشەکە ئاسایی بێتەوە و رۆژی دواتر شەپۆلێکی نوێی بەفر و باران هەرێمی کوردستان بگرێتەوە.

دوای ئەوەی پێنج هاونیشتمانی سنووری شاری شنۆ لە رۆژهەڵاتی کوردستان بێسەروشوێن بوون، کەسوکاریان دەڵێن، چارەنووسیان ئاشکرا بووە و زیندوون.

بەڕێوەبەرایەتیی ئاسایشی هەولێر دەڵێ، کەسێکیان بە تۆمەتی دزینی 400 هەزار دۆلار و 27 مسقاڵ زێڕ لە ماڵێک دەستگیر کردووە.

بەهۆی بەفربارینەوە، هاتووچۆی گەشتیاری لە دەروازەی نێودەوڵەتیی حاجی ئۆمەران راگیرا. بەرپرسانی دەروازەکانی باشماخ و پەروێزخان دەڵێن، هاتووچۆ لای ئەوانەوە ئاساییە.

بەڕێوەبەری بەرگریی شارستانیی سۆران دەڵێ، 3 پاسی گەشتیاریی هاووڵاتییانی عەرەب و 50 ئۆتۆمبێل لەنێو بەفردا گیریانخواردووە و پێویستیان بە رزگارکردنی بەپەلەیە. قایمقامی سیدەکان دەڵێ، تەواوی رێگەکانی سنوورەکە داخراون.

دوای دوو شەو مانەوەی 19 هاونیشتمانی لە ناوچە شاخاوییەکانی قەزای سیدەکان لە پارێزگای هەولێر لەنێو بەفر، ئەمڕۆ رزگار کران. قایمقامی سیدەکان دەڵێ: "هەموویان سەلامەتن".

سەرپەرشتیاری ئیدارەی سەربەخۆی سۆران لە پارێزگای هەولێر دەڵێ، ئاستەنگ لە زۆرینەی رێگەکانی سنوورەکە دروستبووە و داوای هاوکاری لە هاونیشتمانییان دەکات.

بۆ رێوڕەسمەکانی حەجی ساڵی 2025، هەر هاونیشتمانییەک بە ئاسمانی گەشتی کردبێ 7 ملیۆن دیناری لێوەرگیراوە و ئەوانەشی بە وشکانی گەشتیان کرد 5 ملیۆن و 500 هەزار دینار، ئێستا هەریەکەیان بە تەنیا 80 هەزار دینار قەرەبوو دەکرێنەوە لەبەرامبەر گۆڕینی یەک سەری گەشتەکەیان بۆ وشکانی.

کەشناسی: زۆرترین بڕی باران لە باشووری کوردستان لە ناوچەی یاخسەمەر باریوە لە پارێزگای سلێمانی کە 132 ملیمەترە، بەڵام لە سەنتەری شارەکان لە هەولێر زۆرترین باریوە

عەلی مەحموود، ئەندامی حیزبی تەقەدووم، ئەمڕۆ یەکشەممە بە تۆڕی میدیایی رووداوی گوت، سوننەکان 72 پەرلەمانتاریان هەیە و تەقەدووم خاوەنی 35 پەرلەمانتارە. "تاکە بەربژێری ئێمە محەممەد حەلبووسییە و هیچ ناوێکی دیکە لەئارادا نییە".

ئەمڕۆ یەکشەممە، کاروان میروادەلی، بەڕێوەبەری بەرگریی شارستانی سۆران بە رووداوی گوت: "لە ناوچە شاخاوییەکانی سیدەکان هەشت کەس کە مەڕوماڵاتیان هەبووە چارەنووسیان نادیارە و لەسەرهێڵین بۆ زانینی چارەنووسیان و گەڕاندنەوەیان".

موقەدەم کاروان میراودەلی، بەڕێوەبەری بەرگریی شارستانیی سۆران، رۆژی یەکشەممە بە تۆڕی میدیایی رووداوی گوت: "لە شەوی رابردووەوە هەشت کەسی سنووری سیدەکان کە مەڕوماڵاتیان هەیە و چوونەتە چیاکانی سنوورەکە، چارەنووسیان نادیارە".

تاریق حەیدەری، قایمقامی قەزای کۆیە، ئەمڕۆ یەکشەممە بە تۆڕی میدیایی رووداوی گوت: "بەهۆی داڕووخانی بەشێکی چیاکەوە بۆ سەر شەقامەکە، هاتووچۆ بە تەواوی وەستاوە".

هەڵگورد شێخ نەجیب داوای لە هەموو هاونیشتمانیان کرد، "هیچ کەسێک بۆ نیو بەفر سەردانی ناوچە شاخاوییەکان نەکات و ژیانی خۆی نەخاتە مەترسییەوە، تیمەکان سەرقاڵی خاوێنکردنەوەی رێگەکەن و ئەگەر گەشتیاران بچن تووشی ئاستەنگی دەبن و تیمەکانیش بەخۆیانەوە سەرقاڵ دەکەن".

شەپۆلێکی بەفر و بارانبارین ناوچە جیاوازەکانی هەرێمی کوردستانی گرتووەتەوە و پێشبینی دەکرێت لە چەند رۆژی داهاتوودا کاریگەرییەکەی زیاتر بێت و لە سەنتەری شارەکانیش بەفر ببارێت.

بەهۆی بەفربارینەوە، رێگەی زینی وەرتێ لە سنووری ناحیەی وەرتێ لە پارێزگای هەولێر داخرا کە ئیدارە سەربەخۆکانی سۆران و راپەڕین پێکەوە دەبەستێتەوە. بەڕێوەبەری ناحیەکە دەڵێ: "تکایە هیچ کەسێک رێگەکە بەکارنەهێنێت".

کەشناسیی هەرێمی کوردستان دەڵێ، ئەمڕۆ و سبەی باران و بەفر بە گوێرەی ناوچەکان دەبارێت. کەشناسانیش پێشبینی دەکەن، دووشەممە بەفر لە بەشێكی ناوچەکان و سەنتەری شارەکانی سلێمانی، هەڵەبجە، دهۆک و دەوروبەری هەولێر ببارێ.

بەرەبەیانی ئەمڕۆ شەممە، عومرەکارێکی کورد لە شاری مەدینەی سعودیە، دوای 11 رۆژ مانەوە لە نەخۆشخانە، کۆچی دوایی کرد.

لیژنەی هاوئاهەنگی کاروباری سنووری لە پارێزگاری ورمێی رۆژهەڵاتی کوردستان لە راگەیێندراوێکدا دەڵێ، هاتووچۆی کۆڵبەران لە دەروازەی سنووریی تەمەرچیان - حاجی ئۆمەران لەمڕۆوە بۆ سێ رۆژ رادەگیرێ. گوتەبێژی دەروازەکە لە دیوی هەرێمی کوردستانەوە دەڵێ، هاتووچۆی گەشتیاری و بازرگانی ئاسایی دەبێت.

ئەمڕۆ بۆ یەکەم جار نرخی مسقاڵێک زێڕ لە بازاڕەکانی نێوخۆ و جیهاندا بەرزترین ئاستی تۆمارکرد و یەک مسقاڵ عەیار 21 بە 905 هەزار دینار دەفرۆشرێ.

ئاگرێکی گەورە لە بازاڕی کەمپێکی کوردانی ئێزدی لە سنووری ئیدارەی سەربەخۆی زاخۆ لە پارێزگای دهۆک کەوتەوە. بەرگریی شارستانی دەڵێ، نزیکەی 35 دووکان سووتان.

تەنیا دوای چوار رۆژ لە ئاگربەستی حکومەتی دیمەشق و ئاسایشی گەڕەکە کوردنشینەکانی حەلەب کە لەژێر دەسەڵاتی بەڕێوەبەریی خۆرسەدان، هەینی گرژی لە سنوورەکە دروستبوو. هاوسەرۆکی دوو گەڕەکەکە و مەسەدە لەو گەڕەکانە حکومەت تۆمەتباردەکەن و حکومەتی سووریاش دەڵێ، "هەسەدە پێشێلکاری" لە رێککەوتنەکان کردووە.

هەرچەندە کۆمیسیۆنی باڵای سەربەخۆی هەڵبژاردنەکانی عێراق ئەمڕۆی وەکو دواکات بۆ بزووتنەوەی گۆڕان دیاریکردبوو کۆنفرانسی گشتیی بکات، بەڵام بزووتنەوەکە کۆنفرانس ناکات. بەرپرسێکیان دەڵێت: "سەرەتای ساڵی نوێ کۆنفرانسی یەکلاکەرەوە دەکرێ".

ماڵپەڕی شەفافیەت رایگەیاند، داهاتی ئەم ساڵی سلێمانی و هەڵەبجە زیاتر لە 894 ملیار دینار بووە، لە کاتێکدا داهاتەکە پار زیاتر لە 900 ملیار دینار بووە. بەمەش ئەم ساڵ بەراورد بە پار، داهاتی ئەو سنوورە زیاتر لە 5.5 ملیار دینار کەمی کردووە.

بەرپرسانی دەروازە نێودەوڵەتییەکانی باشماخ و حاجی ئۆمەران دەڵێن، هاتووچۆی گەشتیاری و بازرگانی لەنێوان هەرێمی کوردستان لەگەڵ ئێران و رۆژهەڵاتی کوردستان بەردەوام دەبێت و بەهۆی پشووی سەری ساڵەوە راناگیرێت.

نووسراوێک بەناوی حکومەتی عێراقەوە بڵاوکراوەتەوە، گوایە رێژەی 20% وەکو باج دەخاتە سەر نرخی کارتەکانی مۆبایل و ئینتەرنێت. سەرۆکی رێکخراوێکی گەیاندن دەڵێت، ئەگەر جێبەجێ بکرێت کارتێکی 10 هەزار دیناری دەبێتە 12 هەزار و 500 دینار. گوتەبێژی ئاسیاسێڵ و بەرپرسێک لە کۆڕەک تیلیکۆم دەڵێن: "هیچ بڕیارێکی فەرمیمان بۆ نەهاتووە".

ئاڵۆزیی لە هەردوو گەڕەکە کوردنیشینەکەی حەلەب بەردەوامە و ئەمڕۆ درۆنێک لە ناوچەکە کەوتە خوارەوە. بەرپرسی پەیوەندییەکانی مەسەدە لە سنوورەکە دەڵێت، "گەڕەکەکان گەمارۆ دراون و تاوەکو ئەمڕۆ کارەبا نییە".

دوای ئەوەی زیاتر لە چوار هەزار وانەبێژی خوێندنی باڵا لەلایەن حکومەتی هەرێمی کوردستانەوە کرانە گرێبەست، نزیکەی 1600 وانەبێژ ماون و هەوڵەکان بۆ بەگرێبەستکردنیان دەستیپێکردووە و ناوەکانیان رەوانەی ئەنجوومەنی وەزیرانی هەرێمی کوردستان کراوە.

ئەمڕۆ بەراورد بە دوێنێ کاتی داخستنی بازاڕ، یەک مسقاڵ زێڕی عەیار 21 نزیکەی 25 هەزار دینار بەرزبووەوە.

وەزارەتی کشتوکاڵی عێراق رایگەیاند، قەدەخەکردنی هاوردەکردنی مریشکی بەستوو و پارچەکانی دەخاتە بواری جێبەجێکردنەوە. بەرپرسی سامانی ئاژەڵ لە هەرێمی کوردستان دەڵێت، "هەرێمی کوردستان ساڵانە دەتوانێت 75 هەزار تۆن مریشکی بەستوو بۆ عێراق بنێرێت".

پەرستارێکی نەخۆشخانەی گشتیی خانەقین دەڵێت، کوڕی یەکێک لە بەرپرس و کەسایەتییەکانی خانەقین شەوی رابردوو ئەشکەنجەی سێ کارمەندیان داوە، کە یەکێکیان ئافرەتە. قایمقامی قەزاکەش رەتیدەکاتەوە.

دوو شارەزای کەشناسی پێشبینی دەکەن، لە 26ـی ئەم مانگەوە ناسەقامگیری لە کەشوهەوای باشووری کوردستان دروستبێت و لە رۆژانی دواتریدا لە بەشێکی ناوچەکان باران و لە هەندێک ناوچەش بەفر ببارێ.

دوو کوردی دەرچوو بۆ خولی شەشەمی پەرلەمانی عێراق، کە لە خولی پێشووش پەرلەمانتار بوون، لە دوو راگەیێندراوی جیادا دەڵێن، سەرۆکوەزیرانی عێراق رەزامەندی داوە بە ناردنی سێ ملیار دینار و دابینکردنی 100 لیتر نەوت بۆ خێزانە زیانلێکەوتووەکانی لافاوەکەی چەمچەماڵ.

پارێزگاری هەولێر دەڵێ، كاركردن لە پڕۆژەی دووسایدی هەولێر - گۆمەسپان تەواو بووە و هێڵکارییەکانی ماون و ساڵی داهاتوو دەکرێتەوە.

ئەمڕۆ نرخی ئۆنسەی زێڕ گەیشتە بەرزترین ئاستی مێژوو، مسقاڵێک زێڕی عەیار 21 بە 880 هەزار دینار دەفرۆشرێت.

دوای ئەوەی دابەشکردنی پارەی گەنم لە هەولێر و دهۆک دەستیپێکرد، تاوەکو ئەمڕۆ لە سلێمانی و هەڵەبجە پارەکە دابەش نەکراوە، بەڕێوەبەری سایلۆکانی سنوورەکە دەڵێ، کێشەیەک لە چەکی پارەکەیان هەیە بۆیە دابەشکردنیان دەستپێنەکردووە.

بەگوێرەی ئەو سزایەی دراوە، دەبێ شاسوار عەبدولواحید سەرەتای مانگی داهاتوو ئازاد بکرێ. دادوەرێکی ئاگادار باس لە رێکارەکانی ئازادکردن یان هێشتنەوەی سەرۆکی نەوەی نوێ لە زیندان دەکات.

ساڵێک و 8 مانگە بڕیاری دابەشکردنی زەوی بە فەرمانبەران و خانەنشینی هەرێمی کوردستان دراوە، بەڵام ژمارەیەک کەس ناویان بۆ وەرگرتنی زەوی دەرنەچووە. بەڕێوەبەری بەشی یاسایی لە وەزارەتی شارەوانی دەڵێ، 480 هەزار کەس مامەڵەیان تەواو کراوە و ئەوانەی ماون ناویان بۆمان نێردراوە.

ئێوارەی هەینی لە گوندی خاڵەبەگ لە سنووری قەزای رزگاری لە ئیدارەی گەرمیان، شەڕە تەقە لەنێوان دوو بنەماڵە روویدا و چوار کەس کوژران و 7 کەس دیکەش بریندار بوون. پۆلیسی گەرمیان دەڵێت، پێنج کەس دەستگیرکراون و دۆسیەکە ئەمڕۆ دەبرێتە دادگە.

ئەمڕۆ مووچەی مانگی 12ـی کرێکارانی خانەنشینکراو لە هەولێر دابەش دەکرێت. بەڕێوەبەری گشتیی کار و دەستەبەرى کۆمەڵایەتى دەڵێت، رۆژانی دواتر لە هەموو شارەکان مووچەکە دابەش دەکرێت و کەمترین بڕی مووچەکەش 500 هەزار دینارە و زۆرترین دوو ملیۆن دینارە.

سامان سیوەیلی، گوتەبێژی وەزارەتی پەروەردەی هەرێمی کوردستان بە تۆڕی میدیایی رووداوی راگەیاند، بۆ خوێندنی ئەم ساڵ گۆڕانکاری کراوە؛ پار هەموو تاقیکردنەوەکان هەڵبژاردن بوو، بەڵام ئەم ساڵ نیوە بە نووسینە و نیوەش هەڵبژاردنە.

گوتەبێژی یەکێتیی زانایانی ئایینی ئیسلامیی کوردستان، هاوکاریی خێرخوازان بۆ لێقەوماوانی لافاوەکەی چەمچەماڵ بە گرنگ ناودەبات، بەڵام دەڵێت، هەرکەسێک زیانی بەرنەکەوتبێت و قەرەبوو وەربگرێ، "پارەکەی حەرامە".

فۆرمی ئەلیکترۆنی خۆراک بۆ ئەو کەسانەی بەهەر هۆکارێک ناویان تۆمارنەکردووە و بەشەخۆراکیان بڕدراوە، کارا کرایەوە. بەڕێوەبەری پسووڵەی خۆراک لە سلێمانی دەڵێ، هەر زیادکردنێکی ناو شەش هەزار دیناری پێویستە.

ئەمڕۆ دوایین رۆژی وەرزی پاییزە و سبەی یەکەم رۆژی زستان دەستپێدەکات. کەشناسێک دەڵێ، وەرزەکە 88 رۆژ و 23 کاژێر دەبێ. کەشناسیی هەرێمی کوردستانیش رایگەیاند، سبەی پلەی گەرما هاوشێوەی ئەمڕۆ دەبێت و ئاسمان دەبێتە هەوری تەواو.

بەردی بناخەی دوو شەقامی 30 مەتری و 10 شەقامی نێوخۆیی دیکە لە گەڕەکی فەرمانبەرانی هەولێر لە دوو پڕۆژەی جیادا دانرا. پارێزگاری هەولێر دەڵێ، زیاتر لە 750 ملیۆن دینار بۆ دروستکردنیان تەرخان دەکرێ.

لە گوندی مێرگەپان لە سنووری قەزای دووکان لە پارێزگای سلێمانی، تەرمی دوو کەس لە خانوویەک دۆزرایەوە.

میران بەکر، سکرتێری وەزیری پێشمەرگەی هەرێمی کوردستان دەڵێت، "هێزێکی ئۆپەراسیۆنی ئاسایشی یەکێتی" لە شاری هەولێر دەستبەسەریان کردووە و ئەشکەنجەیان داوە و سووکایەتییان پێکردووە و دواتر گوتوویانە هەڵەبوون. پارێزگاری هەولێر دەڵێ، بەدواداچوون بۆ رووداوەکە دەکەن.

رێکخراوێکی ئەڵمانیی داوا لە باخەوانان و جووتیارانی هەرێمی کوردستان دەکات، فۆڕمێک پڕبکەنەوە بۆ ئەوەی سوودمەندبن لە پێدانی 3 هەزار یۆرۆ. بەڕێوەبەری پڕۆژەکە دەڵێت: "50 جووتیار و باخەوان و 20 رێکخراوی پشتیوانی لە جووتیاران پارەکەیان پێدەدرێت".

وەزارەتی ناوخۆ مەرجەکانی هاوردەکردنی ئۆتۆمبێلی راگەیاند، کە لەمەودوا قەدەخەکردنی مۆدێلی ساڵانە لە 1ـی مانگی 11ـەوە دوو مانگ پێش دەخرێت. راشیگەیاندووە، هاوردەکردنی ماتۆڕسکیلی دوو تایە و سێ تایە بۆ چوار ساڵی داهاتوو قەدەخەیە و "هاوردەکردنی توک تۆک بە هەموو شێوەیەک قەدەخەیە".

ماڵپەڕی شەفافیەت رایگەیاند، داهاتی هەفتەیەکی پارێزگاکانی سلێمانی و هەڵەبجە، گەیشتووەتە زیاتر لە 15 ملیار دینار و بەراورد بە هەفتەی پێشتر نزیکەی دوو ملیار دینار زیادیکردووە.

بەگوێرەی ئاماری بەنداوەکانی هەرێمی کوردستان بۆ رووداو، ئاستی ئاوی بەنداوەکان بەرزبووەتەوە، بەجۆرێک بەنداوی دەربەندیخان زۆرترین بڕ ئاوی تێچووە و سێ مەتر بەرزبووەتەوە، بەدوای ئەویشدا بەنداوەکانی دووکان و دهۆک دێن.

حکومەتی عێراق دەرفەتێکی دیکە بۆ خوازیارانی خوێندنی باڵا (ماستەر و دکتۆرا) لە دەرەوەی وڵات دەڕەخسێنێت و هەرێمی کوردستان دەگرێتەوە. سوودمەندبوویەکی دەرفەتەکە دەڵێت: "هەلێکی زۆر باشە بۆ گەنجانی هەرێمی کوردستان، چونکە عێراق سەرجەم تێچووەکەی دەدات".

بەراورد بە 10 رۆژ لەمەوبەر، هەر بەرمیلێک نەوتی ماڵان لە هەولێر 45 هەزار دینار دابەزیوە. گوتەبێژی گۆڕەپانی سووتەمەنی فرۆشان لە هەولێر دەڵێ، دەروازەی هاوردەکردن بۆ نەوت کراوەتەوە و نرخی دابەزیوە.

بڕیارە ئەمڕۆ ناوی ئەو کەسانە ئاشکرا بكرێ کە یاوەری گەشتی حەجی ساڵی داهاتوو دەکەن و بریتین لە 110 مامۆستای ئایینی و 110 کۆمپانیا. گوتەبێژی حەج و عومرەی هەرێمی کوردستان دەڵێ، تێچووی حەجی مامۆستایانی ئایینی لەسەر حکومەتی هەرێمی کوردستانە.

بەهۆی ئەو لافاوەی باشووری کوردستانی گرتەوە و چڕییەکەی قەزاکانی چەمچەماڵ و بازیان بوو، ئەندازیارێک لە بازیان بێسەروشوێن بوو، قایمقامی قەزاکە دەڵێت، بۆ دۆزینەوەی گەڕانەکانیان چڕتر کردووەتەوە.

زانکۆی سەڵاحەدین لە هەولێر رایگەیاند، یەکەمەکانی زانکۆکەیان لە ساڵی خوێندنی پێشوو دەتوانن داوای بۆ خوێندنی ماستەر لە ئیتاڵیا پێشکەش بکەن. بەرپرسی راگەیاندنی زانکۆکە دەڵێت: "تێچووی خوێندنەکە لەسەر زانکۆکەمان دەبێت".

دوای بەخشین لە پۆستەکانیان، دوو کەس بە سەرۆکی شارەوانییەکانی قەزای چەمچەماڵ و ناحیەی شۆڕش لە پارێزگای سلێمانی دیاریکران.

زیاتر لە 24 ملیار دیناری دیکەی بۆ پارەی گەنمی جووتیارانی هەرێمی کوردستان نێردراوە، بەڕێوەبەری سایلۆکانی پارێزگای سلێمانی دەڵێت، لە هەفتەی داهاتووەوە دابەش دەکرێت.

وەزارەتی سامانە سرووشتییەکانی هەرێمی کوردستان رایگەیاند، تاوەکو ئەمڕۆ زیاتر لە 120 ملیۆن لیتر نەوتیان بەسەر خەڵکدا دابەشکردووە. بەرپرسێکی نەوت و کانزاکان دەڵێت، ئەوەی دابەشکراوە بۆ ناوچە شاخاوییەکان و دەوروبەری پارێزگاکان بووە و قۆناخی دواتر لە سەنتەری پارێزگاکان دابەش دەکرێت.

کەشناسیی هەرێمی کوردستان پێشبینی دەکات ئەمڕۆ لە چیای شنگال بەفر ببارێت. ئەمڕۆ و سبەی "نمەباران و بەفری کەم" لە سنووری پارێزگاکانی دهۆک و هەولێر ببارێت.

بەڕێوەبەری راگەیاندنی بەڕێوەبەرایەتیی نووسینگەکانی زانیاریی سلێمانی دەڵێت، هیچ نووسراوێکی فەرمی بۆ راگرتنی کارەکانیان بە ئەوان نەگەیشتووە و دەرهێنانی کارتەکە بەردەوامە.

ئەندامێکی مەکتەبی سیاسیی پارتی دیموکراتی کوردستان داوا دەکات، هەموو حیزبە کوردستانییەکان فراکسیۆنێکی هاوبەش بۆ پەرلەمانی عێراق و پێکهێنانی حکومەتی نوێی عێراق پێکبهێنن؛ دەشڵێت: "با جیاوازییەکانمان لە پەرلەمانی کوردستان بن".

کەشناسیی هەرێمی کوردستان دەڵێ، پێشبینی دەکرێ سبەی ئاسمان ساماڵ و پەڵەهەور بێت و پلەی گەرما بەرزبێتەوە. کەشناسێک دەڵێ، پێشبینی دەکرێ سێشەممە و چوارشەممە شەپۆلێکی بارانبارین ناوچەکە بگرێتەوە، بەڵام لاوازە و تەنیا بەشێکی باشووری کوردستانیش دەگرێتەوە

وەزیری بازرگانی و پیشەسازیی هەرێمی کوردستان دەڵێ، حکومەتی عێراق 24 ملیار دیناری دیکەی وەک شایستەی گەنمی جووتیارانی هەرێمی کوردستان ناردووە

بەراورد بە سێشەممەی رابردوو، هەر بەرمیلێک نەوتی سپی 20 هەزار دینار دابەزی. گوتەبێژی گۆڕەپانی سووتەمەنی فرۆشان لە هەولێر دەڵێ، دابەشکردنی نەوت و دابەشنەکردنی مووچە هۆکاری سەرەکین

ئەو ئاسایشەی لە ئاڵۆزییەکەی دوێنێدا بەهۆی بەرکەوتنی گولـلەوە بە سەختی بریندار بوو، ئەمڕۆ لە نەخۆشخانە گیانی لەدەستدا.

دوای دوو کۆبوونەوە لەگەڵ بەڕێوەبەری قوتابخانەکان، بەڕێوەبەری پەروەردەی چەمچەماڵ دەڵێ، بەهۆی دۆخی شارەکەوە ناتوانن دەوامی قوتابخانەکان ئاسایی بکەنەوە و پشوو درێژ دەکرێتەوە.

دوای ناجێگرییەکانی دوێنێی نرخی زێڕ لە بازاڕەکانی جیهانی و نێوخۆدا، ئەمڕۆ بەراورد بە دوێنێ نرخی مسقاڵێک زێڕ نزیکەی 10 هەزار دینار دابەزی.

هاوشێوەی بازارەکانی جیهان، ئەمڕۆ نرخی زێڕ لە هەرێمی کوردستان بەرز بووەوە، یەک مسقاڵ زێڕی عەیار 21 بەراورد بە دوێنێ 20 هەزار دیناری چووە سەر.

ڤیدیۆی رووداوەکە دەریدەخات ئۆتۆمبێلەکە دەتەقێتەوە

محەممەد هەورامی، راوێژکاری د. بەرهەم ساڵح، ئەمڕۆ هەینی بە تۆڕی میدیایی رووداوی گوت: "بۆ ئەو پۆستەی نەتەوە یەکگرتووەکان 12 کەسایەتی جیهانیی لە ئەورووپا و ئەمریکاوە کێبڕکێیان دەکرد، دوای چاوپێکەوتنی بەربژێرەکان لەگەڵ لیژنەیەکی باڵای نەتەوە یەکگرتووەکان، بە خۆشحاڵییەوە د. بەرهەم ساڵح پۆستەکەی پێدرا".

کەشناسیی هەرێمی کوردستان رایگەیاند، سبەی لە تەواوی هەرێمی کوردستان باران دەبارێت. کەشناسان پێشبینی دەکەن، بڕی بارانەکە کەم بێت و مەترسیی لافاو نەبێت.

هەرچەند دابەشکردنی مووچەی مانگی 9 لە هەرێمی کوردستان کۆتایی هاتووە، نزیکەی 8 هەزار کەمئەندامی سەنگەر تاوەکو ئەمڕۆ مووچەیان وەرنەگرتووە. بەرپرسێکی خانەنشینی پێشمەرگە دەڵێت: "دواکەوتووە و لەگەڵ مووچەی داهاتوودا پێکەوە وەریدەگرن".

بەڕێوەبەری پەروەردەی چەمچەماڵ رایگەیاند، بەهۆی لافاوەوە نۆ قوتابخانەیان زیانی بەرکەوتووە و پێویستیان بە نۆژەنکردنەوەیە. وەزیری پەروەردەش رایگەیاند، نۆژەنیان دەکەنەوە.

تاوەکو ئەمڕۆ عێراق و هەرێمی کوردستان بۆ رێگەدان بە هاوردەکردن لەسەر سیستمی ئەسیکۆدا رێکنەکەوتوون. سەرۆکی یەکێتی هاوردە و ناردنکاران دەڵێت: "بەشێکی بازرگانانی هەرێمی کوردستان بۆ وەرگرتنی دۆلار لە بەسڕەوە کالا و کەلوپەل هاوردە دەکەن".

عومرەکارێکی کورد لە شاری مەککە لە سعودیە کۆچی دوایی کرد. گوتەبێژی حەج و عومرە دەڵێ، بەهۆی جەڵتەی دڵەوە بووە.

لە نیوەڕۆی ئەمڕۆوە بەهۆی شەپۆلی بارانبارینەوە لافاو لە سنووری قەزای چەمچەماڵ و ناحیەکانی دروستبووە، جگە لە زیانی مادی، دوو کەسیش گیانیان لەدەستداوە. پارێزگاری هەولێر دەڵێت، ئامادەن تیمی فریاگوزاری ئاراستەی سنوورەکە بکەن

سەرۆکی دەستەی دەستپاکیی هەرێمی کوردستان رایگەیاند، ئەم ساڵ 267 کەیسی گەندەڵییان داوەتە دادگە. راشیگەیاند، لە کۆی 1135 کەیسی گەندەڵی، ئەم ساڵ 105یان یەکلا کراونەتەوە

لە سنووری ناحیەی شۆڕش لە قەزای چەمچەماڵ لە پارێزگای سلێمانی، بەهۆی لافاوەوە دیوارێک رووخاو کەسێک گیانی لەدەستدا، لە ناحیەی ئاغجەلەریش منداڵێک ئاو بردی و دواتر رزگار کرا.

لە شەوی رابردووەوە دابەشکردنی ئاوی خاوێن لە بەشێکی هەولێر بە تەواوی راگیراوە و لە بەشێکیش سنووردار کراوە. بەڕێوەبەری ئاوی هەولێر دەڵێ، ئەمڕۆ دۆخەکە ئاسایی دەبێتەوە.

ئاماری بارانبارینی سەنتەری پارێزگاکانی باشووری کوردستان لە 24 کاژێری رابردوودا بڵاوکرایەوە، کە زۆرترین بڕ لە سلێمانی باریوە، پاشان هەڵەبجە، کەرکووک، هەولێر و دهۆک. کەشناسێکیش دەڵێ، سبەی بارانی "زۆر بەهێز" لە چەند ناوچەیەک دەبارێت.

ئەو پزیشکەی ساڵی رابردوو هاوژینەکەی، خەسوو، خەزوور و خوشکی هاوژینەکەی کوشت، لە دادگەی تاوانی هەولێر بە لە سێدارەدان و دووجار زیندانیکردنی تاهەتایی حوکمدرا.

نرخی نەوتی ماڵان لە هەرێمی کورستان بەرزبووەوە. لە هەولێر بەرمیلێک بە 190 هەزار دینارە و لە سلێمانیش بە 175 هەزار دینارە. وەزارەتی سامانە سرووشتییەکانیش رایگەیاندووە، ئەم ساڵ زیاتر لە 107 ملیۆن لیتری نەوتییان بەسەر زیاتر لە 500 هەزار خێزاندا دابەشکردووە.

بەگوێرەی ئاماری چاکسازییەکانی هەرێمی کوردستان بۆ رووداو، زیاتر لە شەش هەزار حوکمدراو لە زیندانەکاندان، بەشێکیان زیاترە لە دوو هێندەی توانای راگرتن تێیاندا. بۆ کەمکردنەوەی ژمارەی حوکمدراوان، پڕۆژەیاسای لێبووردنی گشتیی ئامادەکراوە و دەدرێتە پەرلەمانی کوردستان.

کەشناسیی هەرێمی کوردستان رایگەیاند، ئەمڕۆ و سبەی بارانبارین بەردەوام دەبێت. کەشناسانیش پێشبینی دەکەن، هەوری سووپەرسێڵ بێتە ئاسمانی هەرێمی کوردستان و بەهۆیەوە لێزمەباران ببارێ.

کەشناسیی هەرێمی کوردستان ئاماری بارانبارینی 24 کاژێری رابردووی بڵاوکردەوە و رایگەیاند، زۆرترین بڕ لە شێلادزێ بووە لە دهۆک کە 124 ملیمەترە و کەمترین لە کەرکووک بووە کە دوو ملیمەترە. هاوکات لە سەنتەری هەولێر 16.4 ملیمەتر، سەنتەری سلێمانی 15.8 ملیمەتر، دهۆک 28.8 ملیمەتر و لە هەڵەبجە 18.5 ملیمەتر باران باریوە.

وەزارەتی خوێندنی باڵا و توێژینەوەی زانستیی هەرێمی کوردستان دەڵێ، ناوی دەرچووانی سێ یەکەمەکانیان رەوانەی بەغدا کردووە بۆ دامەزراندن. بەرپرسێکی وەزارەتەکەش گوتی، "ناوەکان لە بەغدان و ئامانجمانە لە پڕۆژەیاسای ساڵی نوێدا دابمەزرێن".

هاونیشتمانییەک دەڵێ، کەمئەندامی سەنگەرە و تاوەکو ئەمڕۆ مووچەی مانگی نۆیان پێنەدراوە. جێگری بەڕێوەبەری گشتیی خانەنشینیی پێشمەرگە دەڵێ: "مووچەکەیان گواستراوەتەوە و نافەوتێ".

مامۆستایەکی ئایینیی کە سەرقافڵەی کاروانەکانی گەشتی عومرە بووە، دوای گەڕانەوەی لە گەشتێک لە نزیک قەزای سەیدسادق بەهۆی رووداوی هاتووچۆوە گیانی لەدەستدا.

قسەکانی گوتاربێژی نەجەف لەسەر هەرێمی کوردستان و ئاڵۆزییەکانی گوندی لاجان، نیگەرانیی یەکێتیی زانایانی ئایینیی لێکەوتووەتەوە. سەرۆکی یەکێتییەکە دەڵێت: "ئەو دەڵێ لە کوردستان گوند وێران دەکرێ و کۆمەڵکوژی دەکرێ، بۆیە داواکارم بێت و لە نزیکەوە کوردستان ببینێت".

گوتەبێژی بەڕێوەبەرایەتیی گشتیی بەرگریی شارستانیی هەرێمی کوردستان رایگەیاند، لە ئەمڕۆوە تەواوی هێزەکانیان لە هەموو شارەکان بۆ رووداوی نەخوازراو و ئەگەری دروستبوونی لافاو خستووەتە ئامادەییەوە

پارێزگاری هەولێر رایگەیاند، لە رووداوەکانی لاجاندا چەکی جۆراوجۆر بەکارهێندراون، لەوانە ئار پی جی. گوتیشی، زیاتر لە 400 دانیشتووی گوندەکە لە پاڵاوگەی لاناز و کارگەی شیش لە گوندەکە دامەزراون.

هاونیشتمانییەک دەڵێت، برازایەکی دوای ئەوەی ویستوویەتی بچێتە ئەورووپا و لە تورکیا دەستگیرکراوە، رادەستی گرووپێکی چەکدار کراوەتەوە لە عەفرین و چارەنووسی نادیارە. بەرپرسی ئەنەکەسە لە عەفرین دەڵێت: "هەر ئەمڕۆ بەدواداچوونی بۆ دەکەین".

وەزارەتی دارایی و ئابووری هەرێمی کوردستان ژمارەیەک بڕیاری لەبارەی خەرجییەکانەوە دەرکرد کە لە ئەمڕۆوە دەچنە واری جێبەجێکردنەوە و رایگەیاند، ئەو خەرجییانەش رەزامەندیی وەزارەتەکەیان هەیە ساڵی داهاتوو خەرج دەکرێن. ئاماژە بەوەش کراوە، داخستنی ژمێرەی کۆتایی فەرمانگەکان لە 31ی کانوونی یەکەمەوە دەستپێدەکات

کەشناسیی هەرێمی کوردستان دەڵێت، شەپۆلی بارانبارین لە هەرێمی کوردستان دەستیپێکردووە و بەردەوام دەبێ. شارەزایەکی کەشناسی گوتی، چەقی شەپۆلەکە دووشەممە و سێشەممە دەبێت.

دوای تێکدانی ژمارەیەک گۆڕی کریستیانەکانی قەزای کۆیە لە پارێزگای هەولێر، لە سەنتەری شاری هەولێریش چەند کیلێکی گۆرستانێک دەشكێندرێن. بەڕێوەبەری ئەوقافی شارەکە دەڵێ، بەدواداچوون بۆ رووداوەکە دەکەن. یەکێتیی زانایانیش تێکدانی گۆڕ بە "تاوان" پێناسە دەکات و سەرکۆنەی دەکات

لە پەراوێزی بەڕێوەچوونی کۆنفرانسی نێودەوڵەتیی ئاشتی و کۆمەڵگەی دیموکراسی لە ئیستەنبووڵ، گوتەبێژی سەرۆکایەتی هەرێمی کوردستان بە رووداوی گوت، رۆڵی سەرۆک مەسعود بارزانی و نێچیرڤان بارزانی، سەرۆکی هەرێمی کوردستان لە پڕۆسەی ئاشتیدا جێگەی "رەزامەندی و چاوەڕوانیی" رەجەب تەیب ئەردۆغان و عەبدوڵڵا ئۆجەلانە

سەرۆک بارزانی لە پەیامێکی تایبەتدا کە لە کۆنفرانسی نێودەوڵەتیی ئاشتی و کۆمەڵگەی دیموکراسی لە ئیستەنبووڵ خوێندراویەوە رایگەیاند، "هەموو پشتیوانییەکی پڕۆسەی ئاشتی دەکەم."

دوێنێ 6ی کانوونی یەکەمی 2025 پارتی یەکسانی و دیموکراسی گەلان (دەم پارتی)، کۆنفرانسێکی سازکرد لە ژێر ناوی (کۆنفرانسی نێودەوڵەتیی ئاشتی و کۆمەڵگەی دیموکراسی)، تێیدا چەندین گوتار پێشکێش کران، لەوانەش گوتاری سەرۆک مەسعود بارزانی و هەروەها گوتاری نێچیرڤان بارزانی، سەرۆکی هەرێمی کوردستان

کەشناسیی هەرێمی کوردستان بڵاویکردەوە، سبەی سەرەتای شەپۆلی بارانبارینی ئەم هەفتەیە بەشێوەی گشتگیر دەستپێدەکات. کەشناسێک دەڵێ: "مەترسی لافاو لە چەند ناوچەیەک هەیە."

نزیکەی دوو مانگە حکومەتی عێراق هیچ بڕە پارەیەکی ئەم ساڵی جووتیارانی هەرێمی کوردستانی نەناردووە، کە تاوەکو ئەمڕۆ لە زیاتر لە 300 ملیار دیناری پارەی گەنم، کەمتر لە 73 ملیار دیناری ناردووە

سەرۆکایەتیی شارەوانی هەولێر رایگەیاند، بۆ رووبەڕووبوونەوەی هەر رووداوێکی نەخوازراو بەهۆی بارانبارینەوە، هەموو تیمەکانیان خستووەتە ئامادەییەوە.

نووسینگەی سەرۆکی حکومەتی هەرێمی کوردستان سەرکۆنەی تێکدادانی ژمارەیەک گۆڕی کریستیانەکان لە کۆیە دەکات و دەڵێت، تاوانباران سزا دەدرێن.

نزیکەی دوو ساڵە بڕیاری حکومەتی هەرێمی کوردستان بۆ دابەشکردنی زەوی دراوە، لە هەولێر و دەوروبەری زیاتر لە 60 هەزار پارچە دابەشکراوە، لە سلێمانی 20 هەزار پارچە و دەوروبەری شارەکە هیچ زەوییەکی دابەش نەکردووە؛ لە دهۆک زیاتر لە دوو هەزار پارچە و لە هەڵەبجە هیچ زەوییەک دابەش نەکراوە.

کارکردن لە پڕۆژەی ئاوی چەمچەماڵ - گۆپتەپە کە بە ستراتیژیی بۆ ناوچەکە هەژمار دەکرێ بەردەوامە. بەڕێوەبەری ئاوی ناوچەکە دەڵێت، وێڕای خەرجنەکردنی پارە، کارکردن لە پڕۆژەکە خێرا کراوە.

بۆ گەیاندنی دوو سایدی هەولێر - کۆیە بە شەقامی 60 مەتریی کۆیە، 117 ملیار دیناری دیکە تەرخانکرا. پارێزگار دەڵێت: "پێش وادەی خۆی تەواو دەبێت".

ساڵێک بەسەر یەکەم کۆبوونەوەی خولی نوێی پەرلەمانی کوردستاندا تێدەپەڕێت و تاوەکو ئەمڕۆ بە کراوەیی هێڵدراوەتەوە. بەڕێوەبەری راگەیاندنی پەرلەمان دەڵێت، کۆبوونەوەی پەرلەمان رێککەوتنی سیاسیی پێویستە.

دوای دەستگیرکردنی بەرپرسی کۆمیتەی یەکێتی لە قەزای خەبات، دەنگۆی ئەوە بڵاوکرایەوە کە بریندار کراوە، مەڵبەندی حیزبەکە لە هەولێر دەڵێت، پاراستنی گیانی بەرپرسی کۆمیتەی خەبات لە ئەستۆی هێزە ئەمنییەکانە. پارێزگاری هەولێریش دەڵێت: "بریندار نەبووە و سەلامەتە".

دوو لە کەشناسە دیارەکانی هەرێمی کوردستان پێشبینی دەکەن سەرەتای هەفتەی داهاتوو شەپۆلێکی بارانبارینی "گشتگیر و باش" تەواوی باشووری کوردستان بگرێتەوە و لە چەند ناوچەیەکیش مەترسی لافاو دروستبکات.

دوای چەند رۆژێک ئاڵۆزی لە گوندی لاجان لە سنووری پارێزگای هەولێر، پارێزگاری هەولێر دەڵێت: "دۆخەکە تەواو ئاسایی بووەتەوە".

بەگوێرەی ئەنجامی کۆتایی سەرژمێری، دانیشتووانی هەرێمی کوردستان و ناوچە کوردستانییەکانی دەرەوەی ئیدارەی هەرێمی کوردستان، گەیشتووە بە 10 ملیۆن و 496 هەزار و 112 کەس.

لە رێوڕەسمێکدا لە شاری دهۆک، کتێبی بیرەوەرییەکانی پێشمەرگەی کوردستان "فوئاد میرانی" ناسێندرا و بڵاوکرایەوە. لە رێوڕەسمەکەدا فازڵ میرانی، زەعیم عەلی و نووسەری کتێبەکە و بەڕێوەبەری گشتیی تۆڕی میدیایی رووداو قسەیان کرد. ئامادەکاری رێوڕەسمەکە گوتی: "هاوکارییەکانی بەڕێوەبەری گشتیی تۆڕی میدیایی رووداو نەبوایە خەباتی هەموو قارەمانەکان نەدەنووسرانەوە."

گوتەبێژی دەروازەی نێودەوڵەتیی حاجی ئۆمەران لە پارێزگای هەولێر دەڵێ، دوای هەبوونی قەرەباڵخییەکی زۆر بەهۆی کۆڵبەرییەوە لە سنوورەکە، هاتووچۆی کۆڵبەری کەم کراوەتەوە بۆ هەزار کەس و هاتووچۆی گەشتیاری و بازرگانی ئاسایی بووەتەوە.

دانیشتووانی گوندی لاجان لە کۆنگرەیەکی رۆژنامەڤانیدا رایانگەیاند، "ئەو کێشەی لە گوندەکە هەیە، لەنێوان ئێمە و پاڵاوتگەیەکە نەوەک حکومەت". دەشڵێن، ئەو هێزەی لە گوندەکە جێگیرکراون بۆ پاراستنی دانیشتووانی گوندەکە لەوێن.

بەرگری شارستانیی هەولێر دەڵێ، تەرمی گەنجێکیان لە ئاوی گوندێکی سنووری پارێزگای هەولێر دۆزیوەتەوە.

ئەمڕۆ بۆ جاری دووەم، دانیشتنی دادگاییکردنی سەرۆکی پێشووی هاوپەیمانیی نیشتمانی لە سلێمانی دواخرا. پارێزەرەکەی دەڵێ: "ئاسایش گوتیان نەخۆشە".

دوای نزیکەی 6 مانگ لە دەستگیرکردنی، بڕیارە ئەمڕۆ سەرۆکی پێشووی هاوپەیمانیی نیشتمانی لە سلێمانی ببرێتە بەردەم دادوەر

بەگوێرەی نوێترین ئامار، زیاتر لە 294 هەزار هاونیشتمانی بەشەخۆراکی مانگانەیان بڕاوە. بەڕێوەبەری گشتیی بازرگانیی هەرێمی کوردستان دەڵێ، جارێکی دیکە تۆمارکردنی ناو دەکرێتەوە و ئەوانەشی تازە خێزانیان پێکهێناوە، دەتوانن ببنە خاوەن فۆرمی خۆیان، بەڵام هەموو گۆڕانکارییەکان لەبەرامبەر پارەدا دەبێ

وەزارەتی کارەبا دەڵێ، لە 24 کاژێری داهاتوودا دۆخی کارەبای نیشتمانی ئاسایی دەبێتەوە. بریکاری وەزارەتی سامانە سرووشتییەکانیش دەڵێت، "ئەمڕۆ بەرهەمهێنانی گاز دەگاتەوە ئاستی پێش هێرشەکە."

دوای ئەوەی نووسینگەی رزگارکردنی رفێندراوانی دەستی داعش، دایک و کچێکی کوردی ئێزدی لە تورکیا ئازاد کرد. پەیامنێری رووداو لە شنگال دەڵێ، "کاژێر 03:00ی دوانیوەڕۆی ئەمڕۆ رادەستی کەسوکاریان کرانەوە".

چوارەمین سیمپۆزیەمی نێودەوڵەتیی مەلای جزیری لە شاری جزیرێی سەر بە پارێزگای شرنەخی باکووری کوردستان بەڕێوەدەچێ و سەرۆک بارزانی بەشدارە. سەرۆکی ژووری بازرگانیی شرنەخ دەڵێت، "هاتنی سەرۆک کاریگەری زۆری دەبێ بۆ پڕۆسەی ئاشتی و هاتنی گەشتیاری زیاتر بۆ ناوچەکەمان."

بەڕێوەبەری گشتیی خزمەتگوزاریی کەسوکاری شەهیدان و زیندانیکراوانی سیاسی لە وەزارەتی شەهیدان دەڵێ، نزیکەی 20 هەزار کەسوکاری شەهیدان و ئەنفالکراوان کارتی نیشتمانییان نەبردووە بۆ تەواوکردنی مامەڵەکانیان. بەڕێوەبەرایەتییەکانی کاروباری شەهیدانیش دەڵێن، هەرکەس کارتی نیشتمانی نەبێ، مووچەکەی رادەگیرێت

چوارەمین سیمپۆزیەمی نێودەوڵەتیی مەلای جزیری لە شاری جزیرێی سەر بە پارێزگای شرنەخی باکووری کوردستان بەڕێوەدەچێ. پارێزگاری هەولێر دەڵێ: "سەرۆک بارزانی گوتارێک پێشکێش دەکات."

بەپەلە

ماڵپەڕی شەفافیەت رایگەیاند، داهاتی هەفتەیەکی پارێزگاکانی سلێمانی و هەڵەبجە، 81% بەرزبووەتەوە، بەڵام داهاتی مانگانە 30% کەمیکردووە.

سەنتەری میترۆ رایگەیاند، دوای هێرشی "تیرۆریستی" بۆ سەر كیڵگەی گازی كۆرمۆر هەندێك میدیا و پەیجی فەیسبوك "تۆمەت دەبەخشنەوە و ململانێ‌ سیاسییەكان تووند دەكەنەوە بێ ئەوەی بزانن تێکدانی ئاسایشی نەتەوەییە". بەڕێوەبەری سەنتەرەکە دەڵێت: "دۆخی کوردستان، شەڕی میدیایی هەڵناگرێت".

نوێنەرانی مامۆستایانی گرێبەست لە وەزارەتی خوێندنی باڵا داوا دەکەن، زانکۆکان رێکارەکانی نوێکردنەوەی گرێبەستەکانیان تەواو بکەن بۆ ئەوەی گرفت بۆ مووچەیان دروست نەبێت. بەرپرسێکی وەزارەتەکەش دەڵێ، گرێبەستەکان نوێ دەکرێنەوە.

ئەرکان عەلی، پەیامنێری رووداو لە نزیک کێڵگەی گازی کۆرمۆر رایگەیاند، ئاگرەکە کۆنترۆڵکراوە.

پارتی دیموکراتی کوردستان پێشنیاز بۆ لایەنە براوەکانی هەڵبژاردنی پەرلەمانی عێراق دەکات، راستەخۆ کۆبوونەوەی لووتکە بکرێت بۆ یەکدەنگی کورد لە بەغدا. بەرپرسانی یەکگرتوو و کۆمەڵ دەڵێن، پێشنیازەکەی پارتییان رەتنەکردووەتەوە، بەڵام ئەوانیش پڕۆژەی خۆیان هەیە.

بەهۆی کەمبوونەوەی کارەبای نیشتمانی، جارێکی دیکە خەڵک پێویستی بە موەلیدەکانە. بەڕێوەبەری کۆمەڵەی موەلیدە ئەهلیەکانی سلێمانی دەڵێت، گرێبەستیان هەڵوەشێندراوەتەوە و کار بە موەلیدە ناکەن. بەرپرسێک لە هەولێر دەڵێت، زیاتر لە نیوەی موەلیدەکان گرێبەستیان نەماوە.

گوتەبێژی وەزارەتی کارەبای هەرێمی کوردستان بە تۆڕی میدیایی رووداوی رایگەیاند، بەهۆی هێرشی درۆنی بۆ سەر کێڵگەی گازی کۆرمۆر کارەبانی نیشتمانی کوژاوەتەوە.

یەکگرتووی ئیسلامیی کوردستان دەستپێشخەرییەکی داوەتە ئەو لایەنە کوردستانییانەی کورسییان لە هەڵبژاردنی پەرلەمانی عێراق بە دەستهێناوە بۆ ئەوەی لە بەغدا یەکدەنگ بن. گوتەبێژی حیزبەکە دەڵێت: "حیزبەکان پێشوازییان لە دەستپێشخەرییەکە کرد و تاوتوێی دەکەن؛ هەنگاوی داهاتوو کۆبوونەوەیەکی باڵا دەبێ".

هاوشێوەی وڵاتانی جیهان، لە هەرێمی کوردستان ژمارەیەک کۆمپانیا و شوێنی جیاواز بەهۆی بلاک فرایدەیەوە داشکاندنی ناوازەیان کردووە، لەنێویاندا 10 شوێن هەن، کە بە کرداریی داشکاندنیان کردووە.

لە ئێوارەی دوێنێوە رۆژنامەڤانێک، کە هاوکات کادیری پارتی دیموکراتی کوردستانە لە گەرمیان، لەلایەن هێزێکی ئەمنییەوە دەستگیرکرا بوو، بەرپرسی لقی پارتی لە سنوورەکە دەڵێ: "ئازاد کراوە".

لە رێوڕەسمێکدا لە قەزای دەربەندیخان لە پارێزگای سلێمانی، شەقامێکی شارەکە بە ناوی سەلام سۆڵەیی شاعیرەوە کرا.

نوێنەرێکی مامۆستایانی وانەبێژی خوێندنی باڵا کە ئێستا کراون بە گرێبەست دەڵێت، دوای بڵاوبوونەوەی داواکارییان بۆ خەرجکردنی کرێی وانەبێژیی شەش مانگی پاریان، بەشێکی پارەکەیان بۆ خەرج کراوە.

بەڕێوەبەرایەتیی حەج و عومرەی هەرێمی کوردستان رایگەیاند، دوایین کات بۆ رادەستکردنی پارەی حەجی ساڵی داهاتوو پێنجشەممەیە. گوتەبێژەکەیان دەڵێت، هەرکەس پارە نەبات کەسی یەدەگ دەخرێتە جێگەی.

لە ئیدارەی گەرمیان و قەزای چەمچەماڵ لە سنووری پارێزگای سلێمانی، مووچەی زیاتر لە 1000 کەس لە کەسوکاری ئەنفالکراوان و شەهیدان بەهۆی کەموکورتی لە مامەڵەکانیان، راگیرا. بەڕێوەبەری کاروباری شەهیدانی گەرمیان دەڵێت، "هەرکەس کارتی نیشتمانی بهێنێت راگرتنی مووچەکەی لادەبرێت."

گوتەبێژی وەزارەتی کشتوکاڵی هەرێمی کوردستان دەڵێت، لە زۆرینەی ناوچەکانی هەرێمی کوردستان پەڵەی داوە و چاندن دەستیپێکردووە، بەتایبەت لە سلێمانی و هەڵەبجە. بەڕێوەبەرانی کشتوکاڵ لە هەولێر و دهۆک دەڵێن، لە زۆرینەی سنوورەکەیان چاندن دەستیپێکردووە.

کۆمەڵەی موەلیدەکان: پێمانگوتراوە گرێبەستمان هەڵوەشاوەتەوە

دوای هەفتەیەک لە دیارنەمانی گەنجێکی دانیشتووی قەزای کەلار لە ئیدارەی سەربەخۆی گەرمیان لە پارێزگای سلێمانی، ئەمڕۆ تەرمەکەی دۆزرایەوە

قایمقامی قەزای دەربەندیخان لە پارێزگای سلێمانی دەڵێت، بەهۆی خەرجنەکردنی پارەوە، کارکردن لە پردی دووڕێیانی ژاڵەناو و رێگەی ناوتاق بۆ زەڕایەن وەستاوە، مەترسی لەسەر کارکردن لە رێگەی زەڕایەن - دەربەندیخانیش دروستبووە

لە کەمپی چەمشکۆ لە زاخۆ ئاگرێک کەوتەوە. بەڕێوەبەری بەرگریی شارستانیی سنوورەکە دەڵێ: "زیانی گیانی نەبووە"

هەفتەیەکە گەنجێکی دانیشتووی قەزای کەلار لە ئیدارەی سەربەخۆی گەرمیان لە پارێزگای سلێمانی چارەنووسی نادیارە و نەگەڕاوەتەوە ماڵەوە. قایمقامی قەزاکە دەڵێت، "گەڕان لە ئاو و وشکانی بەردەوامە، بەڵام سەرەداومان دەستنەکەوتووە."

دوای ئەوەی وەزارەتی سەرچاوەکانی عێراق رایگەیاند، 15 هەزار حەوزی ماسییان بەهۆی زێدەڕۆییەوە لەنێوبردووە، بەڕێوەبەری سامانی ماسی لە وەزارەتی کشتوکاڵی هەرێمی کوردستان دەڵێ: "هیچ بەرنامەیەکی تێکدانی حەوزەکانمان نییە."

بریکاری سەرۆکی فراکسیۆنی جەهەپە رایگەیاند، لە لیژنەی کۆمیسیۆنی پاڵپشتی ئاشتی ناکشێنەوە، بەڵام ئەندامەکانیان لە لیژنەکەدا ناچنە ئیمرالی.

لە عەلوەیەکی سەوزە و میوەی شاری سلێمانی دوو کەس دەبێتە شەڕیان و یەکێکان ئەوی دیکە دەکوژێت. پۆلیس دەڵێت: "هەردوو کەسە هاوڕێی یەک بوون".

هاونیشتمانییەک لە گەڕەکی راستی لە شاری هەولێر، ڤیدیۆی شکانی بۆری ئاوی خاوێنی گەڕەکەکەیانی بۆ رووداو ناردووە و دەڵێت، بۆ چاککردنەوەی وەڵامی نەدراوەتەوە. بەڕێوەبەری گشتیی ئاو و ئاوەڕۆی هەرێمی کوردستان دەڵێت، "بە دڵنیاییەوە چاکی دەکەینەوە".

دوای ئەوەی ماوەی 10 رۆژ فۆرمی ئەلیکترۆنی خۆراک کارا کرایەوە بۆ ئەوانەی بەشەخۆراکیان بڕدرابوو، کاتەکەی کۆتایی هات و راگیرایەوە. بەڕێوەبەری پسوولەی خۆراک دەڵێ: "جارێکی دیکە بکرێتەوە بێبەرامبەر نابێت".

قایمقامەکانی پیرانشار لە رۆژهەڵاتی کوردستان و چۆمان لە باشووری کوردستان دەڵێن، لە دەروازەی نێودەوڵەتی حاجی ئۆمەران بازاڕێکی هاوبەش لە خاڵی سفری دەروازەکەدا دەکەنەوە و کۆڵبەران و هەموو ئەو کەسانەی دەیانەوێت کڕین و فرۆشتن بکەن بێ مۆری پاسپۆرت دەتوانن کاری تێدا بکەن.

لە گەرمیان کێڵانی زەوی و چاندنی گەنم دەستیپێکرد. گوتەبێژی کشتوکاڵی سنوورەکە دەڵێ، دوای یەکەم باران خەڵک دەستیان بە چاندنی گەنم کردوە.

هەرچەند میدیای فەرمیی ئێران رایگەیاندووە، پێنجشەممە و هەینی دەروازەی حاجی ئۆمەران دادەخرێت، بەڵام گوتەبێژی دەروازەکە لە دیوی هەرێمی کوردستانەوە رەتیدەکاتەوە.

لە هەولێر نرخی یەک لیتر بەنزینی نۆرماڵ زیاتر لە 50 دینار دابەزی. سەرۆکی ئەنجوومەنی بەنزینخانەکان دەڵێت: "بەنزینی حکومیی زۆر بووە و نرخی دابەزاندووە".

بەگوێرەی نوێترین ئامار کە وەزارەتی ناوخۆی هەرێمی کوردستان بڵاویکردووەتەوە، لە ساڵی 2018وە تاوەکو مانگی ئابی ئەم ساڵ، لە هەرێمی کوردستان زیاتر لە 21 هەزار 646 رووداوی هاتووچۆ روویانداوە. وەزارەتەکە دەڵێت، "بەهۆی رێکارەکانی حکومەتەوە رووداوەکان 50% کەمیان کردووە."

بەهۆی رێگەدان بە کارکردن بە شێوەی یاسایی بۆ کۆڵبەران لە هەفتەیەکدا چوار رۆژ، ئاستەنگی بۆ هاتووچۆی گەشتیاری و بازرگانی لە دەروازەی نێودەوڵەتیی حاجی ئۆمەران دروستبووە. پارێزگاری هەولێر دەڵێت، "لەسەر هێڵین بۆ چارەسەرکردنی کێشەکان."

سەرۆکوەزیرانی هەرێمی کوردستان لە شەشەمین کۆڕبەندی ئاشتی و ئاسایشی رۆژهەڵاتی نێوەڕاست (مێپس 2025) لە دهۆک گوتارێکی پێشکێش کرد و رایگەیاند، ئەم کۆڕبەندە بۆ چارەسەرکردنی کێشە و گرفتەکانی ئەم ناوچەیەیە.

دوای فەرمانی هەرێمیی سەرۆکی هەرێمی کوردستان بۆ بەقەزاکردنی ناحیەی رزگاری لە ئیدارەی سەربەخۆی گەرمیان لە پارێزگای سلێمانی، ئەمڕۆ وەزارەتی ناوخۆ قایمقامی بۆ قەزاکە دانا.

کەشناسیی هەرێمی کوردستان رایگەیاند، زۆرترین بڕی باران لە دوو رۆژی رابردوو لە سنووری پارێزگای دهۆک بووە بە 184 ملیمەتر. دواتر لە سنووری پارێزگای سلێمانی 124.1 ملیمەتر، لە سنووری پارێزگای هەولێر 122.5 ملیمەتر، سنووری پارێزگای هەڵەبجە 60.9 ملیمەتر و لە ناوچە دابڕاوەکان 25.9 ملیمەترە.

بەڕێوەبەرایەتیی بەرگریی شارستانیی هەولێر رایگەیاند، تەرمی هاونیشتمانییەکیان لە زێی گەورە دۆزیوەتەوە، کە خەڵکی رۆژئاوای کوردستانە.

گوتەبێژی دەستەی گەشتوگوزاری هەرێمی کوردستان دەڵێ، تەواوی شوێنە گەشتیارییەکانیان پابەند کردووە کە نووسراوی سەرەکیی سەر تابلۆ و پسووڵەکانیان بە زمانی کوردی بێ.

لەکاتێکدا وەرزی پێگەیشتنی هەنارە و هاوردەکردنی لەلایەن حکومەتی هەرێمی کوردستانەوە قەدەخە کراوە، بەرپرسانی عەلوەکانی سلێمانی و هەولێر دەڵێن: 'بە قاچاخ هاوردە دەکرێت و لە عەلوەکانی هەولێر و سلێمانی دەفرۆشرێت".

نوێنەرێکی مامۆستایانی وانەبێژی خوێندنی باڵا کە ئێستا کراون بە گرێبەست دەڵێت، کرێی وانەبێژیی شەش مانگی پاریان وەرنەگرتووە. بەرپرسێکی خوێندنی باڵا دەڵێت، ئەوان رێکارەکانیان تەواو کردووە و بانکەکان دەڵێن "پارە نییە".

کەشناسیی هەرێمی کوردستان رێژەی بارانبارینی 12 کاژێری رابردووی بڵاوکردەوە رایگەیاند، زۆرترین باران لە پارێزگای دهۆک باریوە. ئاماژەی بەوەشکردووە، ئەمڕۆش بارانبارین بەردەوام دەبێت.

ئەمڕۆ لە رێوڕەسمێکدا بەشێوەی ئەلیکترۆنی تیروپشک بۆ ئەو کەسانە کرا کە ناویان تۆمار کردبوو بچنە حەجی ساڵی داهاتوو.

بەڕێوەبەری پسووڵەی خۆراک لە هەولێر دەڵێت: کردنەوەی خزمەتگوزاری بۆ زیادکردنی ناوی منداڵ و گواستنەوەی فۆرمی خۆراک، دەکەوێتە ساڵی نوێ.

بڕیارە سبەی یەکشەممە، شاندێکی بازرگانیی ئەمریکا بە سەرۆکایەتیی سەرۆکی ئەنجوومەنی بارزگانیی ئەمریکا بگاتە هەولێر.

دوای نزیکەی 10 مانگ لە پەسندکردنی پڕۆژەیاسای گەڕاندنەوەی زەوی بۆ خاوەنەکانیان لە پارێزگای کەرکووک، نوێنەرێکی جووتیارانی کورد لەو سنوورە دەڵێ: "یاساکە جێبەجێ نەکراوە و ناتوانین بیرێکی ئاو لە زەوییەکانمان لێبدەین".

پارێزگاری هەولێر دەڵێ، هەموو ئامادەکارییەکیان کردووە بۆ ئەوەی لافاو دروست نەبێ.

دوای ئەوەی بەرەبەیانی ئەمڕۆ کارەبای بەشێکی شاری سلێمانی بەهۆی بارانبارین و دروستبوونی شۆرتی گۆڕەر و فیدەرەکانەوە کوژایەوە، دوو سەرچاوەی ئاگادار بە رووداویان گوت: "کارەبای بەشێکی گەڕەکەکان گەڕاوەتەوە و بەشێکی بێ کارەبایە"

کەشناسیی هەرێمی کوردستان رایگەیاند، ئەمڕۆ و سبەی بارانبارین بەردەوام دەبێت. بەگوێرەی ئامارە بڵاوکراوەکان، زۆرترین بڕی باران تاوەکو پێش نیوەڕۆی ئەمڕۆ لە قەزای چەمچەماڵ باریوە لە سنووری پارێزگای سلێمانی. کەشناسێکیش دەڵێت، "پێشبینی دەکەین لە زۆرینەی ناوچەکان پەڵە بدات."

بەڕێوەبەری کۆنترۆڵی کارەبای سلێمانی دەڵێ، بەهۆی بارانبارینەوە شۆرتی کارەبا دروستبووە و چەند گەڕەکێک کارەبایان بڕاوە؛ هەروەها لە بەشێکی هەولێر بۆ ماوەیەک کارەبا بڕا

کەشناسیی هەرێمی کوردستان رایگەیاند، ئێوارەی ئەمڕۆ لە بەشێکی هەرێمی کوردستان نمەباران دەبارێت، سبەی تەواوی ناوچەکان دەگرێتەوە و لە هەندێک شوێن لێزمەباران دەبارێت. کەشناسێک دەڵێت، یەکشەممەش شەپۆلەکە بە گشتگیری بەردەوام دەبێت و دووشەممە لاواز دەبێت

شارەوانی هەولێر رایگەیاند، بەشێکی شەقامی 100 مەتریی هەولێر نۆژەن دەکرێتەوە. پارێزگاری هەولێر دەڵێ، قۆناخی یەکەمە و کوێی شەقامەکە پێویستی بێت نۆژەن دەکرێتەوە.

کەشناسیی هەرێمی کوردستان راپۆرتێکی وردی سەبارەت بە یەکەم بارانبارینی گشتگیریی لە هەرێمی کوردستان بڵاوکردەوە و رایگەیاند: سەرتاسەری دەبێ؛ زۆرترین باران لەمێرگەسۆر دەبێت، کە دەگاتە 90 ملیمەتر و لە شارەکانی دیکەش 25 ب 70 ملیمەتر دەبارێت. کەشناسێک دەڵێ، "لە هەندێک ناوچە پەڵە دەدات و داری دارستانەکانیش لە وشکبوون رزگاریان دەبێ".

لە ناوچە شاخاوییەکان و دەوروبەری سەنتەری پارێزگاکان یەک مانگە دابەشکردنی نەوت دەستیپێکردووە و بەردەوامە. لە سەنتەری هەڵەبجە دابەشکردن بەردەوامە و بەرپرسان دەڵێن: دابەشکردن دەگاتە سەنتەری شارەکانی هەولێر، سلێمانی و دهۆک".

بەگوێرەی رووماڵی پەیامنێرانی تۆڕی میدیایی رووداو، لە کەرکووک، خانەقین، شنگال، خوورماتوو و مەخموور، تاوەکو نزیکەی نیوەڕۆی ئەمڕۆ دەنگدان لە هچیان نەگەیشتبووە 25%.

سەرۆکی هەرێمی کوردستان لە بنکەیەکی تایبەت لە شاری هەولێر دەنگیدا و رایگەیاند، "ئەم هەڵبژاردنە یەکێکە لە گرنگترین هەڵبژاردنەکانی عێراق."

درەنگی شەوی رابردوو تاوەکو نزیک بەرەبەیانی ئەمڕۆ، لە شاری کەرکووک شەڕەتەقە روویدا و بەهۆیەوە دوو پۆلیس کوژران و دوو هاونیشتمانیش بریندار بوون. سەرۆکی ئەنجوومەنی پارێزگاکە داوای لێکۆڵینەوەی ورد دەکات.

کارەبای سلێمانی رایگەیاند، لەسەر داواکاریی وەزیری کارەبا، 13 موڵکی کۆمپانیای چاڤی دەخەنە زیادکردنی ئاشکراوە بۆ فرشتن، کە شاسوار عەبدولواحید خاوەندارییان دەکات.

گوتەبێژی بەڕێوەبەرایەتیی حەج و عومرەی هەرێمی کوردستان دەڵێت، رۆژی پێنجشەممە تیروپشک بۆ حەجی ساڵی داهاتوو بۆ مامۆستایانی ئایینی دەکەن و ئەوانەی ناویان دەردەچێ بێ بەرامبەر دەنێردرێنە سعودیە بۆ رێوڕەسمەکانی حەج

دوای داخرانی بازاڕەکانی جیهان بەهۆی پشووەکانی هەفتەوە، ئەمڕۆ لەگەڵ کردنەوەی بازاڕەکانی ئاسیادا نرخی زێڕ بەرزبووەوە، لە هەرێمی کوردستانیش هەر مسقاڵێک 15 هەزار دیناری چووە سەر.

وەزارەتی خوێندنی باڵا و توێژینەوەی زانستیی هەرێمی کوردستان دەڵێت، کرێی هەڵسەنگاندنی زانستی و زمانەوانی بۆ خوێندکارانی ماستەر و دکتۆرا لە داهاتی زانکۆکان خەرج دەکرێ، نەوەک لە گیرفانی خوێندکاران.

بە گوتەی بەرپرسانی دەروازەکان بۆ رووداو، لە دەنگدانی گشتی دا، هاتووچۆی گەشتیاری و بازرگانی لەنێوان هەرێمی کوردستان و ئێران، هەرێمی کوردستان و تورکیا ئاسایی دەبێت.

لیژنەی ئەمنیی قایمقامیەتی چەمچەماڵ داوا لەو کەسانە دەکات کە دەنگیان لە کەرکووکە، ئەمڕۆ بگەڕێنەوە شارەکە و لە دەنگدانی گشتیی دەنگ بدەن. قایمقامی قەزاکە دەڵێت، "سەر و ماڵیان پارێزراو دەبێت."

عەقید عەبدولقادر دڵشاد، بەڕێوەبەری بەرگریی شارستانی شەقڵاوە بە تۆڕی میدیایی رووداوی گوت: "رووداوەکە لەنێو مەلەوانگەیەکی خانووە گەشتیارییەکاندا بووە و بەهۆیەوە دوو منداڵ خنکاون".

کەشناسیی هەرێمی کوردستان دەڵێت، ئەمڕۆ و سبەی بەراورد بە دوێنی پلەی گەرما بەرز دەبێتەوە. کەشناسێکیش پێشبینی دەکات نێوەڕاستی ئەم مانگە بەدواوە لە هەرێمی کوردستان باران ببارێت

کۆمپانیای ئاسیاسێڵ دەڵێت، ریکۆردی جیهانیی گینسی بۆ گەورەترین کاری هونەری بەدەستهێنا کە کارێکی هونەرییە و رووبەرەکەی 26.6 مەتر چوارگۆشەیە و تێیدا رەچاوی ئەوە کراوە "ئاسیاسێڵ پابەندە بە بنەماکانی بەردەوامی و رێزگرتن لە ژینگە."

دوای ئەوەی قایمقامیەتی پیرانشار لە رۆژهەڵاتی کوردستان رایگەیاند، "هاتووچۆکردنی خەڵک لە دەروازەی حاجی ئۆمەران کراوە بە نۆرە"، گوتەبێژی دەروازەکە لە هەرێمی کوردستانەوە رەتیدەکاتەوە و دەڵێت: "24 کاژێر دەروازەکە کراوەیە".

کارکردن لە پڕۆژەی دووسایدی هەولێر - کۆیە چڕکراوەتەوە و بەڕێوەبەری پڕۆژەکە دەڵێ، دەستیان بە قیرتاوکردن کردووە؛ ئاماژە بەوەش دەکات، رێگەکە تونێلێکی تێدەکەوێ و کاری تێدا دەکەن.

بەڕێوەبەری گشتیی شارەوانییەکانی هەولێر دەڵێ، سبەی 16 هەزار پارچە زەوی لە کەسنەزان، بنەسڵاوە و دارەتوو دابەش دەکرێن.

وەزارەتی خوێندنی داوای لەسەرجەم زانکۆکان کرد، لە 9 تاوەکو 12ـی ئەم مانگە تاقیکردنەوە بۆ قوتابیان دانەنێن. بەرپرسێکی وەزارەتەکە دەڵێت: "هەر خوێندکارێک دەوام نەکات لێپێچینەوەی لەگەڵدا ناکرێت".

ژنێک لە شاری حەسەکە لە رۆژئاوای کوردستان دەڵێت، سێ رۆژە کچێکی بێسەروشوێنە و داوا دەکات هاوکاری بکەن بۆ دۆزینەوەی.

لە باشووری کوردستان تاوەکو ئەمڕۆ باران نەباریوە، لە رۆژهەڵاتی کوردستان تەنیا لە ورمێ یەک ملیمەتر باران باریوە. لە باکووری کوردستان یەک جار و لە رۆژئاوای کوردستان لە سێ شار بارانێکی کەم باریوە. دوو پسپۆڕی کەشوهەوا هۆکارەکان دەخەنەڕوو و دەڵێن: "گۆڕانی کەشوهەوا و دیاردەی لانینا هۆکاری سەرەکین".

قایمقامییەتی سلێمانی رایگەیاند، شەش پاڵاوگەی نایاساییان داخستووە و 12 کەسیان دەستگیرکردووە. گوتەبێژی دەستەی ژینگەی هەرێمی کوردستان دەڵێت، بڕیاری داخستنی هەموو پاڵاوگەیەکی نایاسایی هەیە، لەو چوارچێوەیەدا لە هەولێر 85 پاڵاوگە و لە دهۆکیش "چەند" پاڵاوگەیەک داخراون.

ژمارەیەک ماسیی گەورە لە دەریاچەی دەربەندیخان لەنێوچوون. قایمقامی قەزاکە دەڵێت، "لێکۆڵینەوە دەکەن."

یەکێتیی زانایانی ئایینیی رایگەیاند، بەڕێوەبەرایەتیی حەج و عومرەیان ئاگادار کردووەتەوە، کە بەشێکی کۆمپانیاکان لەجیاتی 10 رۆژ رۆژێک کەمتر عومرەکاران دەهێڵنەوە و رێگەنادەن تەوافی ماڵئاوایی بکەن. گوتەبێژی حەج و عومرە دەڵێت، "هیچ عومرەکارێک سکاڵای وای نەکردووە."

دوای نزیکەی پێنج مانگ لە دەستگیرکردنی، ئەمڕۆ سەرۆکی پێشووی هاوپەیمانیی نیشتمانی لە سلێمانی دەبوو ببرێتە بەردەم دادوەر، بەڵام پارێزەرەکەی دەڵێت، "دانیشتنەکە دواخرا بۆ کۆتایی ئەم مانگە، چونکە تۆمەتبار نەهێندرایە دادگا".

عەبدوڵڵا دێرەیی، کەسایەتی نێودار و مامۆستای ئایینیی لە شاری سلێمانی، بە رووداوی هاتووچۆ گیانی لەدەستدا.

پڕۆژەی رووناکی رایگەیاند، پرۆژەکە گەیشتووەتە قەزای رانیە لە ئیدارەی سەربەخۆی راپەڕین و ئەمشەو کارەبایان دەکرێتە 24 کاژێری.

دوای نزیکەی دوو مانگ و نیو لە ئاڵۆزییەکانی هۆتێل لالەزار لە سلێمانی، ناسنامەی تەرمی هاونیشتمانییەک ئاشکرا بوو، کە گەنجێکی سنووری ئیدارەی سەربەخۆی سۆرانە و پێشتر بەهۆی زۆریی سووتاویی تەرمەکەوە، نەدەناسرایەوە. کەسێکی نزیکی دەڵێت: "سبەی دەچین بۆ وەرگرتنەوە تەرمەکەی".

هەڵسوڕێنەری کاروباری باڵیۆزخانەی عێراق لە لیبیا رایگەیاند، 6ـی ئەم مانگە 25 کۆچبەری دیکەی کورد لە لیبیاوە دەگەڕێندرێنەوە هەرێمی کوردستان.

ژمارەیەک قوتابی ئامادەیی تاڤگەی کچان لە چەمچەماڵ دەڵێن، کاتی دەوامەکەیان گۆڕدراوە و بۆیان چاک نەکرێ، دەستبەردای خوێندن دەبن. بەڕێوەبەری پەروەردەی سنوورەکە دەڵێ: "کاردەکەین بۆ ئەوەی بەردەوام بن لە خوێندن".

لە هەرێمی کوردستان نرخی مریشکی زیندوو بەرزبووەوە. فرۆشیارێکی مریشک دەڵێت، هۆکارەکەی هەناردەی مریشکی هەرێمی کوردستانە بۆ رۆژئاوای کوردستان و سووریا. کۆمەڵەی کێڵگە پەلەوەرییەکانیش رەتیدەکاتەوە.

فراکسیۆنی یەکگرتوو دەڵێ، وەزارەتی پەروەردە بەشەوانەی "پەروەردەی ئیسلامیی 9ـی بنەڕەتی کەمکردووەتەوە". گوتەبێژی وەزارتەکە و بەڕێوەبەری گشتیی پڕۆگرامەکانی وەزارەتی پەروەردە دەڵێن، پەروەردەی ئیسلامی لە ساڵەکەدا بەرگ بۆ بەرگ دەخوێندرێ.

دوای نزیکەی پێنج مانگ لە دەستگیرکردنی، بڕیارە سبەی سەرۆکی پێشووی هاوپەیمانیی نیشتمانی لە سلێمانی دادگایی بکرێ. کوڕێکی دەڵێت، تاوەکو ئەمڕۆ رێگە نەدراوە پارێزەرەکانی بیبینن.

هاتووچۆی سلێمانی بڵاوی کردەوە، گەنجێکی خەڵکی شارەزوور 10 هەزار دۆلاری کەسێکی عەرەبی دۆزیوەتەوە و رادەستی کردووەتەوە.

بەگوێرەی زانیارییەکانی تۆڕی میدیایی رووداو، پارەی هاوکاریی هاوپەیمانان بۆ پێشمەرگە گەیشتووەتە هەرێمی کوردستان و بڕیارە لە چەند رۆژی داهاتوودا دابەش بکرێت

تاوەکو ئەمڕۆ باران نەباریوە. رووداو پێشبینیی سێ شارەزای کەشناسی وەرگرتووە و دەڵێن، نێوەڕاستی ئەم مانگە باران لە هەرێمی کوردستان دەبارێت

بەگوێرەی رێنماییەکانی وەزارەتی ناوخۆی هەرێمی کوردستان، هاوردەکردنی ئۆتۆمبێلی مۆدێل 2023 قەدەخە دەکرێت و رێگە بە هاوردەکردنی ئۆتۆمبێلی ساڵی رابردوو، ئەم ساڵ و ساڵی داهاتوو دەدرێت.

بڕیاربوو کۆتایی مانگی رابردوو تیروپشک بۆ ناوی ئەو کەسانە بکرێت، کە خۆیان تۆمارکردووە ساڵی داهاتوو بچنە حەج، بەڵام دواخرا. گوتەبێژی حەج و عومرە دەڵێت، کەموکورتی دۆسیەی پێشکێشکراوان هۆکاری دواخستنەکەیە. دەشڵێت، سەتان کەس بەهۆی داواکاریی دووبارە بۆچوونە حەج دوورخراونەتەوە.

بڕیارە سێشەممە مینحەی مانگانەی ئەو کوردە ئێزدییانە دابەش بکرێت کە لە دەست داعش رزگار کراون.

سعودیە بڕیاریداوە ئەو کەسانەی ڤیزەی عومرە وەردەگرن، لە یەک مانگدا گەشتەکەیان بکەن، بەپێچەوانەوە ڤیزەکەیان بەسەردەچێ.

بوومەلەرزەیەک لەنزیک قەزای کەلار لە ئیدارەی سەربەخۆی گەرمیان لە سنووری پارێزگای سلێمانی روویدا. بەهۆی بەهێزییەکەیەوە لەلایەن خەڵکەوە هەستی پێکراوە

لەگەڵ نزیکبوونەوەی وەرزی سەرما، سەوزە و میوەی هەرێمی کوردستان کەم دەبێتەوە. بەرپرسانی عەلوەکانی سلێمانی و هەولێر دەڵێن: "بەشێکی کەم سەوزە و هەنار" لە بەرهەمی نێوخۆ ماوە و ئەوانەی نەماون لە ئێران، تورکیا و وڵاتانی دیکە هاوردە دەکرێن

شارەوانیی هەولێر ناوی ئەو کەسانەی بڵاوکردەوە کە فەرمانبەری سنووری شارەوانی قەزای عەینکاوەن لە هەولێر و زەوی وەردەگرن. قایمقامی قەزاکە دەڵێ، "رەچاوی فەرمانبەرانی کریستیان کراوە و شوێنەکەیان لە سنووری شارەوانی هەولێرە."

گەنجێکی کورد لە رۆمای پایتەختی ئیتاڵیا مێدالیای زێڕی وەک پلەی یەکەم لە زۆرانبازی لە کێشی 91.5 کیلۆگرام بەدەستهێنا و داوا دەکات، پشتیوانی بکرێ لەم مانگەدا بەشداری کێبڕکێی جیهانی بکات و ئاڵای کوردستان بەرز بکاتەوە

ئەمڕۆ دوایین رۆژی فێستیڤاڵی هەنار و پاییزی هەڵەبجەیە. رێکخەرێکی فێستیڤاڵەکە دەڵێت، "ئاماری سەردانیکاران مێژووییە و لە هەموو ساڵەکان زیاترە."

گوتەبێژی بەرگریی شارستانیی هەولێر دەڵێت، هۆکاری بۆنە ناخۆشەکەی شەوی رابردوو هەبوونی چەند کەندێک و پڕکردنەوەیانە بە زبڵ و پاشماوە و دەبێت شارەوانی پاکیان بکاتەوە. پارێزگاری هەولێر دەڵێت، هەر ئەمڕۆ تیم دەنێرن بۆ پڕکردنەوەی کەندەکان.

ئومێد خۆشناو: تیمی تایبەت راسپێدراون بۆ زانینی هۆکاری بۆنە ناخۆشەکەی هەولێر

لەگەڵ نزیکبوونەوەی وەرزی سەرما، نرخی قەل لە هەرێمی کوردستان بەرزبووەتەوە و یەک قەل نزیکەی 20 هەزار دیناری چووەتەسەر.

ناجێگیریی نرخی زێڕ لە بازاڕەکانی جیهان و نێوخۆی هەرێمی کوردستان بەردەوامە؛ ئەمڕۆ بەراورد بە دوێنێ، یەک مسقاڵ زێڕ 10 هەزار دینار دابەزی.

بەڕێوەبەری گشتیی شارەوانییەکانی هەولێر دەڵێت، ئەمڕۆ زیاتر لە هەزار پارچە زەوی لە سنووری سێبیران دابەشی سەر فەرمانبەرانی سنوورەکە دەکرێت.

لە سنووری قەزای چەمچەماڵ چالاکڤانێک لەلایەن هێزە ئەمنییەکانەوە دوو هەفتەیە دەستبەسەر کراوە. رێکخەری سەنتەری میترۆ داوا دەکات، چالاکڤانەکە بە کەفالەت ئازاد بکرێت. سەرچاوەیەکی ئەمنیش هۆکاری راگرتنی چالاکڤانەکە دەخاتەڕوو.

دوای ئەوەی سەرۆکی لەکارلادراوی گەورەشارەوانیی ئیستەنبووڵ، تۆمەتی سیخوڕی درایە پاڵ، سەرۆکی گشتیی جەهەپە کە سەرۆکی لەکاردراو لە پشکیی حیزبەکەیانە رەتیکردەوە و رایگەیاند، هەرچی دژی پارتەکەیان لە مێژوودا کراوە بێ ئەنجام بووە.

لە سنووری قەزای خەلیفان لە پارێزگای هەولێر، لەم وەرزەدا کە تاوەکو ئەمڕۆ باران نەباریوە، کانییەک تەقیوەتەوە. قایمقامی قەزاکە هۆکارەکەی روون دەکاتەوە.

فێستیڤاڵی هەنار و پاییزەی هەڵەبجە لە شارەکە بەڕوێوەدەچێت و سێ رۆژ بەردەوام دەبێت.

لە نزیک پڕۆژەی ئاسوودە سیتی لە رێگەی هەولێر بۆ کەرکووک، رووداوێکی هاتووچۆ روویدا و بەهۆیەوە سێ کەس گیانیان لەدەستدا.

بەرپرسێکی وەزارەتی کار و کاروباری کۆمەڵایەتیی هەرێمی کوردستان دەڵێت، بەغدا داوای لیستی مووچەی خاوەن پێداویستییە تایبەتەکان کردووە بە مەبەستی تاوتوێکردنی بۆ هاوتاکردن، ئەوانیش چاوەڕێن وەزارەتی دارایی زانیارییەکان بۆ بەغدا بنێرێت.

دوای ساڵانێک لە کێشەی کەمیی ئاو لە شاری هەولێر، بەڕێوەبەری ئاو و ئاوەڕۆی هەرێمی کوردستان دەڵێت، کێشەکە کۆتاییهاتووە. بە گوتەی ئەو، "وەرزی هاونیش 100% کێشەی کەم ئاوی لە هەولێر نابێت".

نەخۆشیی تەبەق لەنێو ئاژەڵانی ئێران و رۆژهەڵاتی کوردستان بڵاوبووەتەوە. بەرپرسی سامانی ئاژەڵ لە هەرێمی کوردستان دەڵێت: "بۆ رێگری لە نەخۆشی، هەر ئاژەڵێک هاوردە بکرێت کەرەنتین دەکرێت".

بە مەرسوومێکی سەرۆکی هەرێمی کوردستان، کۆمەڵگەی بەردەقارەمان لە سنووری قەزای بازیان لە پارێزگای سلێمانی کرایە ناحیە. قایمقامی بازیان دەڵێت: "بڕیارەکە زۆر گرنگە و ئیدی خەڵکی ناوچەکە رێگەی دوور بۆ فەرمانگەکانی بازیان نابڕێت".

زێڕ بەردەوامە لە دابەزین. ئەمڕۆ بەراورد بە دوێنێ یەک مسقاڵ زێڕ، 30 هەزار دیناری دیکە دابەزی.

سەرۆکایەتیی شارەوانیی هەولێر رایگەیاند، سبەی تیروپشک بۆ فەرمانبەرانی سەنتەری شار دەکرێت بۆ وەرگرتنی زەوی. بەرپرسێکی شارەوانییەکە دەڵێ: "ئەوانەی کارتی زانیارییان سەنتەری هەولێرە، زەوی وەردەگرن".

نوێنەرانی مامۆستایانی گرێبەست دەڵێن، بەرپرسان دڵنیاییان پێداون، لەم هەفتەیەدا مووچەی مانگی 8ـیان بۆ خەرج بکرێت.

ئەمڕۆ لە دانیشتنێکی دادگەی سلێمانیدا، سزای لە سێدارەدان بۆ دوو کەس دەرچوو. سەرچاوەیەکی دادگەکە دەڵێ، "تاوانبارەکان پۆلیسێکیان کوشتووە".

بەگوێرەی پڕۆژەی 'هەژماری من،' ئەم مانگە ئەو مووچەخۆرانەی لە رێگەی ئەلیکترۆنییەوە مووچەکانیان وەردەگرن ژمارەیان گەیشتووەتە 550 هەزار مووچەخۆر، فەرمانبەر و خانەنشین

بەگوێرەی وەزارەتی دارایی و ئابووری هەرێمی کوردستان، ئەمڕۆ و سبەی دابەشکردنی مووچەی خانەنشینان لە هەرێمی کوردستان بەردەوام دەبێت. بەگوێرەی زانیارییەکانی رووداو، زیاتر لە 2000 خانەنشین، 8 مووچە پێکەوە وەردەگرن

قایمقامی شاری مەریوان لە رۆژهەڵاتی کوردستان دەڵێ، چەند رۆژێکە دەروازەی سنووریی باشماخ لەنێوان پارێزگای سنە و پارێزگای سلێمانی کراوەتە 24 کاژێری و "ئەگەر پێویست بکات، بەدڵنیاییەوە هەوڵدەدەین بڕیاری کراوەبوونی دەروازەی سنووریی باشماخ بکرێتە هەمیشەیی". گوتەبێژی دەروازەکە لە دیوی هەرێمی کوردستانەوە دەڵێت، "دەروازەکەمان هەر 24 کاژێری بووە". دەروازەکانی دیکەش دەڵێن، 24 کاژێر کراوەن

سبەی بەشێکی دیکە لە پارەی گەنمی جووتیاران لە پارێزگاکانی سلێمانی و هەڵەبجە دابەش دەکرێت. بەرپرسانی سایلۆکانی هەولێر و دهۆک دەڵێن، ئەوان پارەیان دابەش کردووە و چاوەڕوانی گوژمەی نوێی پارەن. بەرپرسێک لە وەزارەتی بازرگانی دەڵێ: "گوژمەیەک پارە دێت لە پێشتر زیاترە."

لە 30 ساڵی دواییدا بەهۆی شەڕی نێوان سوپای تورکیا و پەکەکەوە زیاتر لە هەزار گوند چۆڵکرابوون، بەرپرسانی پەیوەندیدار لە پارێزگاکانی هەولێر و دهۆک دەڵێن، شەڕ نەماوە و دەستی ئاوەدانی دەگەیێننە گوندەکان.

55 کەس لە کەسوکاری چەکدارانی داعش لە کەمپی هۆل هێندرانە دەرەوە. هاوسەرۆکی نووسینگەی کاروباری کۆچبەران و پەنابەران لە بەڕێوەبەرایەتی خۆسەر دەڵێت: "هەمووی ئەوانە سەربەست کراون دەنێردرێنەوە ناوچەکانی خۆیان".

دوای زیاتر لە 20 رۆژ لە داخرانی، ئەمڕۆ رێگەی سەرەکیی حەسەکە - دێرەزوور بۆ دیمەشقی پایتەختی سووریا، کرایەوە.

بڕیارە لەم هەفتەیەدا دابەشکردنی حەوتەم بەشەخۆراکی ئەم ساڵ لە هەرێمی کوردستان دەستپێبکات. بەرپرسانی بازرگانی و کەلوپەلی خۆراک لە هەولێر و سلێمانی دەڵێن، "هەموو جۆرەکانی خۆراک ئامادەن."

بڕیارە ئەمڕۆ گەورەترین پڕۆژەی ئاژەڵداری بەناوی "پڕۆژەی مێگەل" لە هەولێر لەسەر نزیکەی ملیۆنێک مەتر دووجا بکرێتەوە. گوتەبێژی دەستەی وەبەرهێنان دەڵێت، "هەزار هەلیکار دەڕەخسێنێت و لە یەک کاژێردا توانای سەربڕینی زیاتر لە 3 هەزار ئاژەڵی هەیە."

لە کۆنفرانسێکی رۆژنامەڤانیدا پەکەکە رایگەیاند، هەموو هێزەکانی گەریلا لە تورکیاوە دەکشێننەوە و بەشێکیان بە تەواوی کشاونەتەوە بۆ "هەرێمەکانی پاراستنی میدیا."

ئەو 40 کۆچبەرە کوردەی لە لیبیا گیریانخواردبوو، بەرەو هەرێمی کوردستان بەڕێکەوتن. هەڵسوڕێنەری کاروباری باڵیۆزخانەی عێراق لە لیبیا دەڵێ، کۆچبەرەکان بە هاوئاهەنگی حکومەتی هەرێمی کوردستان دەگەڕێندرێنەوە. باوکی یەکێک لە کۆچبەرەکان ئاماژە بەوە دەکات، کۆچبەرەکان بەرەبەیانی سبەی دەگەنەوە هەولێر

بەراورد بە دوێنێ، ئەمڕۆ نرخی مسقاڵێک زێڕ 10 هەزار دینار دابەزی

دوای پارێزگاکانی هەولێر و دهۆک، دابەشکردنی نەوت لە ناوچە شاخاوییەکانی پارێزگاکانی سلێمانی و هەڵەبجە بە نرخی پاڵپشتیکراوی حکومەت دەستیپێکرد. قایمقامی پێنجوێن دەڵێت، زۆرینەی دانیشتووانی سنوورەکەی نەوتیان وەرگرتووە. بەڕێوەبەری نەوت و کانزاکانی دهۆک دەڵێت، 8000 خێزان نەوتیان وەرگرتووە

دوای زیاتر لە دوو ساڵ و شەش مانگ راگرتن، بڕیاربوو ئەم مانگە تۆمارکردنی منداڵی لەدایکبوو بۆ فۆرمی خۆراک دەستپێبکاتەوە. بەڕێوەبەری پسووڵەی خۆراک لە سلێمانی دەڵێ، کۆتایی ئەم مانگە یان مانگی داهاتوو سیستمەکە کارا دەبێتەوە. بەڕێوەبەری پسووڵەی خۆراک لە هەولێر ئاماژە بەوە دەکات، چاوەڕوانی کاراکردنەوەن

لە رووداوێکی هاتووچۆدا لەسەر رێگەی سلێمانی - کەرکووک لە نزیک قەزای چەمچەماڵ، دوو کەس گیانیان لەدەستدا و چواریش بریندار بوون، کە سەرجەمیان ئەندامی یەک خێزانن.

دوای زیاتر لە دوو مانگ، بڕیارە رۆژی یەکشەممە 40 کۆچبەری کورد لە لیبیاوە بگەڕێندرێنەوە هەرێمی کوردستان.

دەزگای خێرخوازیی بارزانی بە هاوئاهەنگی سەرۆكی یانەی هەولێر، 48 کەس بێبەرامبەر دەنێرن بۆ عومرە.

لە گەڕەکی پەنجە عەلی لە شاری کەرکووک لەنێوان دوو دراوسێدا شەڕ روویدا و بەهۆیەوە کەسێک بە گولـلە کوژرا.

زانکۆی سەڵاحەدین رایگەیاند، دەرچووانی پۆلی 12 کە ناویان لە سیستمی زانکۆلاین نەهاتووەتەوە دەتوانن لە 9 بەشی سێ کۆلێژی زانکۆکە راستەخۆ فۆڕمی وەرگرتن وەربگرن.

بڕیارە ئەمڕۆ سەرۆکوەزیرانی هەرێمی کوردستان پڕۆژەی ئاوی قەزای قوشتەپە لە پارێزگای هەولێر بکاتەوە. بەڕێوەبەری گشتیی ئاو و ئاوەڕۆکان دەڵێت: "پڕۆژەکە کێشەی ئاوی ناوچەکە بۆ 20 ساڵ چارەسەر دەکات".

لە شاری جۆهانسبێرگی ئەفریقای باشوور، کۆنفرانسێک لەبارەی جینۆسایدەوە بەڕێوەدەچێت، تێیدا دوو کورد بە توێژینەوەی جیا بەشدارییان کردووە و یەکێکیان دەڵێت، "ئامانجمان ئەوەیە ئەو تاوانانەی دژی کورد کراون، دووبارە نەبنەوە."

ئەمڕۆ سێشەممە، کرێکارێک لە کاتی کارکردن لە باڵەخانەیەکی نیشتەجێبوونی هەولێر کەوتەخوارەوە و گیانی لەدەستدا.

لە عێراق 9 رۆژ کراوەتە پشوو لە قوتابخانەکان بەهۆی بەڕێوەچوونی هەڵبژاردنی پەرلەمانەوە. کۆمیسیۆن دەڵێ، وەزارەتی پەروەردە دەیەوێ پشووەکە لە هەرێمی کوردستان کەمتر بێت. گوتەبێژی وەزارەتی پەروەردە ئاماژە بەوە دەکات، نابێ هەڵبژاردن کاریگەریی نەرێنی لەسەر خوێندن دروست بکات.

بەڕێوەبەری گشتیی فەرمانگەی کارگێڕی و دارایی وەزارەتی خوێندنی باڵا دەڵێ، پلانی وەرگرتنی خوێندکاران لە پارالێڵ هاوشێوەی پارە و گۆڕانی بەسەردا نەهاتووە؛ ئاماژە بەوەش دەکات، داهاتی پارالێڵ بۆ گەنجینەی حکومەت دەگەڕێتەوە.

بازرگانێکی ئۆتۆمبێل لە شاری هەولێر دەڵێ، نرخی هەر ئۆتۆمبێلێکی نوێ 3 بۆ 4 هەزار دۆلار دابەزیوە، هۆکارەکەشی دەگەڕێنێتەوە بۆ کەمیی نرخی ئۆتۆمبێلی دروستکراوی چین و خواستیی زۆریی خەڵک لەسەریان. وەزارەتی ناوخۆ لە رێنماییەکانیدا داوا دەکات، "ئاسانکاری" بۆ هاوردەکردنی ئۆتۆمبێل بکرێ و چەند مەرجێکیشی بۆ هاوردەکردن دیاریکردووە.

بەهۆی بەرزبوونەوەی نرخی بەنزینی نۆرماڵ، ژمارەی بەنزینخانەکان لە شاری هەولێر کە بە نرخی پاڵپشتیکراوی حکومەتی هەرێمی کوردستان بەنزین دەفرۆشن و لیتری دەدەنە 750 دینار، ژمارەیان زیادکرا بۆ نزیکەی دوو هێندە. قایمقام دەڵێ، سبەی ژمارەکە زیاتر دەبێ.

عومرەکارێکی کورد لە سعودیە کۆچی دواییکرد. گوتەبێژی حەج و عومرە دەڵێت، تەرمی عومرەکارەکە لە شاری مەدینە بەخاک دەسپێردرێت.

ژمارەیەک هاونیشتمانی لە دادگەی بەرایی پشدەر لە ئیدارەی سەربەخۆی راپەڕین سکاڵایان لەسەر کەسێک تۆمار کرد. سکاڵاکاران دەڵێن، هاونیشتمانییەکە "سەدان هەزار دۆلار"ی بردوون. پۆلیس دەڵێت، کەسەکە خۆی رادەستی یاسا کردووە و تاوەکو ئێستا چوار کەس بە فەرمی دەڵێن پارەیان بردراوە.

زانکۆی هەڵەبجە رایگەیاند، کۆلێژی پزیشکی لە زانکۆکەیان کراوەتەوە و دەرچووانی پۆلی 12 لە سبەیەوە دەتوانن داواکاری پێشکێش بکەن. راشیگەیاند، قوتابی بە کۆنمرەی 93 و زیاتر وەردەگرن. سەرۆکی زانکۆکە دەڵێت، نزیەکەی 20 دەرچوو وەردەگرن.

دوای ئەوەی رۆژی هەینی لەکاتی داخستنی بازاڕەکانی جیهاندا نرخی زێڕ دابەزی، ئێوارەی ئەمڕۆ بەراورد بە بەیانی ئەمڕۆ یەک ئۆنسە زێڕ 75 دۆلار بەرزبووەوە. لەبازاڕەکانیشدا عەیاری 21 مسقاڵێکی 10 هەزار دینار بەرزبووەوە.

لە قەڵادزێ لە سنووری ئیدارەی سەربەخۆی راپەڕین ئاگرێک کەوتەوە. بەرگریی شارستانی دەڵێ، زیانی مادی و ژینگەیی هەبووە.

دوای چەند بەدواداچوونێکی تۆڕی میدیایی رووداو و گەیاندنی داواکاریی کەسوکاری 41 گەنجی سنووری ئیدارەی سەربەخۆی راپەڕین کە لە لیبیا گیریانخواردووە، حکومەتی هەرێمی کوردستان رایگەیاند، "لە یەک هەفتەدا هەموویان دەگەڕێندرێنەوە".

کەشناسیی هەرێمی کورستان پێشبینی دەکات، سبەی لە بەشێکی هەرێمی کوردستان نمەباران ببارێ. کەشناسێک دەڵێت، پێشبینی دەکرێ نمەبارانەکە سەنتەری هەولێر و دهۆک بگرێتەوە.

لە کەلار هەوڵی کردنەوەی یانەیەکی شەوانە دەدرێت، چالاکڤانانی ئیسلامی و بەشێکی خەڵک لە تۆڕە کۆمەڵایەتییەکان رەتیدەکەنەوە و چالاکڤانێکیش بە "ئاسایی" دەزانێت. قایمقام دەڵێت رێگەنادەن و گەشتوگوزاریش ئاماژە بەوە دەکات، یاسا رێگە دەدات، بەڵام رەچاوی بۆچوونی خەڵکی ناوچەکەش دەکرێت.

پارێزگاری هەولێر رایگەیاند، ئەمڕۆ لە رێوڕەسمێکدا رێگەی دووسایدی گۆمەسپان – سماقووڵی دەکرێتەوە

وێڕای خەرجنەکردنی پارە بۆ پڕۆژەکە، قایمقامی قەزای دەربەندیخان دەڵێت، کۆمپانیای جێبەجێکار بەردەوامە لە کارەکانی و سەرقاڵی رێککاری و بڕینە بۆ رێگەی دووسایدی دەربەندیخان - زەڕایەن

شەوی رابردوو بەلەمێک لە سنوورە ئاوییەکانی ماڵتا و ئیتاڵیا ژێرئاو کەوت و چەند کۆچبەرێک بێسەروشوێنن و گیانیان لەدەستداوە. چالاکڤانێکی کۆچبەری دەڵێ، بەگوێرەی زانیاری سەرەتایی، سێ لەوانەی گیانیان لەدەستداوە یان بێسەروشوێنن کوردن و خەڵکی ئیدارەی سەربەخۆی راپەڕینن

ئەندامێکی فەرماندەیی گشتیی هەسەدە دەڵێت، ئامادەن تێكەڵی سوپای سووریا ببن، ئەگەر مەرجەکانیان جێبەجێ بکرێن

هاوشێوەی ساڵانی رابردوو، ئەم ساڵ لە شاری هەڵەبجە فێستیڤاڵی هەنار بەڕێوەدەچێ. دەستەی ئامادەکاری فێستیڤاڵەکە دەڵێ، چاوەڕوانن زیاتر لە 300 هەزار سەردانیکاریان هەبێت

دوای بەرزبوونەوەی نرخی زێڕ لە چەند رۆژی رابردوودا، ئەمڕۆ بەراورد بە دوێنێ هەر مسقاڵێک زیاتر لە 20 هەزار دینار دابەزی

لەکاتێکدا شەشەم بەشەخۆراکی مانگانە لە هەرێمی کوردستان دابەش دەکرێ، هاوشێوەی مانگەکانی رابردوو نۆک و فاسۆلیا لە بەشەکەدا نین، بەڵام لە چەند پارێزگایەکی دیکە دابەش کراون. بەرپرسێک دەڵێت، "لە عێراق لۆبیا دابەشکراوە و هەرگیز بۆ هەرێمی کوردستان نەنێردراوە."

هاونیشتمانییەک دەڵێ، کوڕێکی و 40 کوردی دیکە دوو مانگە لە لیبیا گیریانخواردووە و نەیانتوانیوە بگەڕێنەوە. داوا دەکات، حکومەتی هەرێمی کوردستان هاوکارییان بکەن.

بەڕێوەبەرایەتیی حەج و عومرەی هەرێمی کوردستان دەڵێ، کاتی نوێکردنەوەی گرێبەستی کۆمپانیاکانیان یەک مانگ درێژکردووەتەوە. گوتەبێژی بەڕێوەبەرایەتییەکە دەڵێ، هەر کۆمپانیایەک سەرپێچی بکات، سزا دەدرێ.

نرخی زێڕ لە بەرزبوونەوە بەردەوامە و بەراورد بە دوێنێ، ئەمڕۆ مسقاڵێک 10 هەزار دیناری دیکە بەرزبووەوە و ژمارەیەکی پێوانەیەیی نوێی تۆمارکرد.

گوتەبێژی حەج و عومرەی هەرێمی کوردستان رایگەیاند، هاونیشتمانییەک دوای رێوڕەسمەکانی عومرە و لەکاتی گەڕانەوەیاندا لە دەروازەی عەرعەر گیانی لەدەستداوە.

لە شاری هەولێر نرخی بەنزینی نۆرماڵ بەرز بووەوە. بازرگانێکی سووتەمەنی دەڵێت، لەدوای هەناردەکردنی نەوتەوە نرخەکە بەرزبووەتەوە، چونکە سووتەمەنی کەمە.

بەگوێرەی ئاماری یەکێتیی سەندیکاکانی کرێکارانی کوردستان بۆ رووداو، ئەم ساڵ لەکاتی کاردا 44 کرێکار لە هەرێمی کوردستان گیانیان لەدەستداوە، زۆرینەیان لە سلێمانی بوون، دواتر هەولێر، دهۆک و زاخۆ.

درۆنێک لە بناری قەندیل لە سنووری ئیدارەی سەربەخۆی راپەڕین خرایە خوارەوە. هاوسەرۆکی شارەوانیی سنوورەکە دەڵێ: "زیانی نەبووە".

بەڕێوەبەری راگەیاندن و پەیوەندییەکانی گرووپی کۆمپانیاکانی قەیوان کە جێبەجێکردنی شەقامی 100 مەتری سلێمانییان لە ئەستۆدایە، دەڵێت، کۆتایی ئەم مانگە 85%ـی شەقامەکە بەڕووی شۆفێراندا دەکرێتەوە.

لە بازاڕەکانی هەرێمی کوردستان زێڕ بەردەوامە لە تۆمارکردنی نرخی پێوانەیی و ئەمڕۆ مسقاڵێکی عەیار 21 بە 850 هەزار دینارە.

حکومەتی هەرێمی کوردستان رایگەیاند، بە فەرمی بوون بە ئەندام لە یەکێتیی نێودەوڵەتی بۆ پاراستنی سرووشت. گوتەبێژی دەستەی ژینگە دەڵێت، بڕیارەکە پێویستە بۆ پاراستنی زیندەوەرە دەگمەنەکانی هەرێمی کوردستان.

بەڕێوەبەری بەڕێوەبەرایەتیی گشتیی شارەوانییەکانی هەولێر رایگەیاند، لە هەنگاوی کۆتاییدان و لە بنەسڵاوە، کەسنەزان و دارەتوو زیاتر لە 14 هەزار پارچە زەوی دابەش دەکەن.

زێڕنگران دەڵێن پێشتر زاواکان 25 بۆ 35 مسقاڵ زێڕیان بۆ بووک دەکڕی، بەڵام بەهۆی بەرزبوونەوەی نرخەکەی، ئێستا 5 بۆ 15 مسقاڵ دەكڕن. پارێزەرێک دەڵێت، یاسا هیچ مەرجی دانەناوە بۆ بڕی زێڕ. یەکێتیی زانایانیش پێشوازی لە کەمکردنەوەی کڕینی زێڕ لەلایەن ماڵباتی کچانەوە دەکات و دەڵێت، "هاوسەرگیری، لە مادە گەورەترە لە ئیسلامدا".

گوتەبێژی وەزارەتی پەروەردەی هەرێمی کوردستان دەڵێ، حکومەتی عێراق خوێندنی کوردی لە ناوچەکانی مادەی 140 پشتگوێ خستووە و ئەوان کتێب، داتاشۆ، کورسی، فێنککەرەوە و پێداویستییەکانی دیکە بۆ قوتابیانی خوێندنی کوردی لەو ناوچانە دابیندەکەن. بەڕێوەبەری خوێندنی کوردی لە کەرکووک دەڵێ، یەک ملیۆن کتێبی کوردییان بەدەست گەیشتووە. سەرۆکی یەکێتی مامۆستایانی کوردستانیش دەڵێ: "پشتیوانیی هەرێمی کوردستان نەمێنێ، خوێندنی کوردی لەو ناچانە پەکی دەکەوێ".

وەزارەتی سامانە سرووشتییەکان رایگەیاند، لە ئەمڕۆوە لە ناوچە شاخاوییەکانی چوار پارێزگاکەی هەرێمی کوردستان دابەشکردنی نەوت دەستپێدەکات. پارێزگاری هەولێر دەڵێت، لە سەنتەری شارەکانیش دابەش دەکرێت.

راوێژکارێکی دەستەی مافی مرۆڤ دەڵێت، بۆ ئاگاداربوونی دۆخی تەندروستی و ژیانی، سەردانی هونەر رەشید ئاغایان لە زیندانی ئاسایشی هەولێر کردووە.

سەرۆکوەزیرانی هەرێمی کوردستان رەزامەندی دا بە خەرجکردنی زیاتر لە 112 ملیار دینار بۆ جێبەجێکردنی پڕۆژەیەکی ئاو لە کۆیە. بەڕێوەبەری ئاوی قەزاکە دەڵێت، "زیاتر لە 10 پارچە زەوی دابەشکراوە پێویستی بە ئاوە بۆ ئاوەدانکردنەوە".

بەڕێوەبەرایەتیی پۆلیسی پارێزگای هەولێر ئەمڕۆ دووشەممە (13-10-2025) رایگەیاند، تۆمەتبارێک کە خەزووری خۆی لە بەردەم دادگای هەولێر کوشتبوو، خۆی رادەستی هێزەکانیان کرد. رووداوەکە بەهۆی کێشەی خێزانییەوە بوو.

زێڕ لە بازاڕەکانی هەرێمی کوردستان بەرزترین نرخی مێژوویی تۆمار کرد و بەراورد بە دوێنێ، نرخی مسقاڵێک عەیار 21 زیاتر لە 10 هەزار دیناری دیکە بەرزبووەوە.

وەزارەتی خوێندنی باڵا و توێژینەوەی زانستیی حکومەتی هەرێمی کوردستان رایگەیاند، رۆژی 14ی تشرینی یەکەمی 2025 ئەنجامی زانکۆلاین رادەگەیێندرێت

بە بڕیاری ئەنجوومەنی وەزیرانی هەرێمی کوردستان، 168 کەس لە قەزای کفری لە ئیدارەی سەربەخۆی گەرمیان بە گرێبەست دامەزران.

دوای ئەوە کێشە بۆ دەرچووانی قوتابخانە ئیسلامییەکان دروستبوو بۆ وەرگرتنیان لە زانکۆ و پەیمانگە حکومییەکانی هەرێمی کوردستان، بە فەرمانی ئەنجوومەنی وەزیران کێشەکەیان چارەسەر کرا و ئەم ساڵ وەردەگیرێن.

بەگوێرەی بەڕێوەبەرایەتیی گشتیی حەج و عومرەی هەرێمی کوردستان، ئەم ساڵ زیاتر لە 89 هەزار هاونیشتمانی داوایان کردووە بچنە حەج. گوتەبێژی بەڕێوەبەرایەتییەکە دەڵێ، بەشێکی ئەوانەی داوایان کردووە دووردەخرێنەوە و ئەم مانگە ناوی دەرچووەکان ئاشکرا دەکەن.

نرخی گازوایل و نەوت لە هەرێمی کوردستان بەرزبووەوە، بە جۆرێک یەک بەرمیل گازوایل 93 هەزار دینار بەرزبووەتەوە

دابەشکردنی نەوتی ماڵان بە نرخی پاڵپشتیکراوی حکومەتی هەرێمی کوردستان لە ناوچە شاخاوییەکانەوە دەستپێدەکات و ئەمڕۆ لە ناحیەی وەرتێ دابەش دەکرێت

لە رێوڕەسمێکدا لە شاری ئامەد لە باکووری کوردستان، خەڵاتی رۆژنامەڤانە سەرکەوتووەکانی ساڵ لەلایەن کۆمەڵەی رۆژنامەڤانانی باشووری رۆژهەڵات (GGC)دابەشکرا و پەیامنێرانی رووداو دوو خەڵاتیان بەدەستهێنا.

پۆلیسی سلێمانی دەڵێ، بە تۆمەتی دزینی 45 مسقاڵ زێڕ و بڕێک پارە، دوو تۆمەتباری سواڵکەریان دەستگیرکردووە.

سێ مانگ بەسەر رێوڕەسمی سووتاندنی چەک لەلایەن هاوسەرۆک و گرووپێک گەریلای پەکەکەوە تێدەپەڕێ. بەرپرسانی کارگێڕیی ناوچە سنوورییەکان دەڵێن، شەڕ لە ناوچەکانیان نەماوە. بەرپرسێکی ئیدارەی سەربەخۆی سۆران باس لەوە دەکات، بەهۆی ئارامبوونەوەی دۆخەکەوە خزمەتگوزارییان بۆ هەندێک شوێنی دیکە دەستپێکردووە

ئەمڕۆ نرخی مسقاڵێک زێڕی عەیار 21 بەراورد بە دوێنێ 10 هەزار دینار بەرزبووەوە

کۆمپانیای گووگڵ لە "گووگڵ ئەی ئای ستۆدیۆ" و "گووگڵ جێمینای،" خزمەتگوزاریی دەنگی بۆ تێکست بۆ وەرگرانی کوردیزان چالاک کرد

تەنکییەکی نەوت لە گەڕەکی زانکۆ لە شاری سلێمانی تەقییەوە؛ بەهۆیەوە کەسێک گیانی لەدەستدا و یەکێکیش بریندارە.

پۆلیسی سلێمانی بڵاویکردەوە، سێ تۆمەتباریان دەستگیرکردووە کە شەوی رابردوو لە نەخۆشخانەی شار پەلاماری پۆلیسیان داوە و تەقەیان کردووە.

کەشناسیی هەرێمی کوردستان رایگەیاند، ئەمڕۆ بەراورد بە دوێنێ پلەی گەرما نزیکەی چوار پلەی سیلیزی دادەبەزێت. کەشناسێکێش پێشبینی دەکات، لەم هەفتەیەدا لە ناوچە شاخاوییەکاندا باران ببارێت.

بەڕێوەبەری سامانی ئاژەڵ لە وەزارەتی کشتوکاڵی هەرێمی کوردستان دەڵێت، بەهۆی بڵاوبوونەوەی ئەنفلەوەنزای پەلەوەرەوە لە ئێران، هاوردەکردنی هەموو جۆرەکانی پەلەوەر و هێلکەیان لەو وڵاتە قەدەخە کردووە.

وەزارەتی شارەوانیی حکومەتی هەرێمی کوردستان رایگەیاند، یەکشەممە گرێبەستی پڕۆژەیەکی ئاو لە سلێمانی واژۆ دەکرێت، کە کێشەی کەمئاوی شارەکە چارەسەر دەکات. بەڕێوەبەری گشتیی ئاو و ئاوەڕۆی هەرێمی کوردستان دەڵێت، توانای پڕۆژەکە 480 هەزار مەتر سێجا ئاوە لە 24 کاژێردا.

ماڵپەڕی شەفافیەت رایگەیاند، داهاتی هەفتەیەکی رابردووی سلێمانی زیاترە لە 20 ملیار دینار و بەراورد بە هەفتەیەک پێشتر 6% زیادیکردووە.

دوای ئاڵۆزییەکانی گەڕەکە کوردنشینەکانی حەلەب و رێککەوتنی ئاگربەست لەنێوان مەزڵووم عەبدی و ئەحمەد شەرع، ئەمڕۆ لەنێوان هەسەدە و هێزە چەکدارەکانی حکومەتی کاتیی سووریا پێکدادان دروستبوو سەربازێکی حکومەت کوژرا. هەردوولاش یەکدی بە دەستپێشخەری شەڕ تۆمەتبار دەکەن.

زانکۆی سلێمانی رایگەیاند، بەگوێرەی دامەزراوەی تایمزی بەریتانی، زانکۆکەیان پلەی یەکەمی لە ئاستی عێراق و هەرێمی کوردستاندا بەدەستهێناوە. بەڕێوەبەری راگەیاندنی زانکۆکە دەڵێت، بەدەستهێنانی ئەو پلەیە دەبێتە هۆکارێک پەیوەندی زیاتر لەگەڵ زانکۆکانی جیهاندا دروستبکەن.

ئەندامێکی کۆمیتەی ناوەندی پارتی دەڵێت، لە چەند رۆژی داهاتوودا بە سەرپەرشتیی سەرۆک مەسعود بارزانی ئاهەنگێکی گەورە بۆ دەستپێکی بانگەشەی هەڵبژاردن دەکەن. ئاماژە بەوەش دەکات، بۆ پێکهێنانی کابینەی نوێی حکومەت ئامادەنین دەستبەرداری وەزارەتی ناوخۆ ببن.

دەستەی سەربەخۆی مافی مرۆڤی هەرێمی کوردستان رایدەگەیێنێت، تاوەکو ئێستا چەندینجار هەوڵیانداوە، سەردانی ئارام قادر لە زیندان بکەن، بەڵام هێزە ئەمنییەکان رێگەیان پێنادەن. کوڕێکی ئارام قادریش دەڵێت، تاوەکو ئێستا چوار جار سەردانیان کردووە.

لە تۆڕە کۆمەڵایتییەکان هەواڵێک بڵاوکراوەتەوە، گوایە ئەو پێشمەرگانەی پسپۆریی پەروەردەییان هەیە دەتوانن دەوامەکەیان بگوازنەوە بۆ وەزارەتی پەروەردە و ببنە مامۆستا، بەڵام گوتەبێژی وەزارەتی پەروەردە رەتیدەکاتەوە.

دوای ئاڵۆزی و شەڕەکانی شەوی رابردوو لە گەڕە کوردنشینەکانی حەلەب، بێدەنگی ناوچەکەی گرتووەتەوە. بەڕێوەبەری نەخۆشخانەیەک لە گەڕەکی شێخ مەقسوودی شارەکە دەڵێت، شەوی رابردوودا 50 کەس بریندار بوون و هاونیشتمانییەکی سڤیلیش گیانی لەدەستداوە.

شاندێکی باڵای بەڕێوەبەرایەتیی خۆسەر لە باکوور و رۆژهەڵاتی سووریا، بە سەرۆکایەتیی مەزڵووم عەبدی، فەرماندەی گشتیی هەسەدە گەیشتنە دیمەشق و لەگەڵ ئەحمەد شەرع کۆبوونەوە.

بەڵێندەرێک دەڵێت، لە ساڵی رابردووەوە 460 ملیۆن دیناری لە پرۆژەیەکدا خەرج کردووە و پارەی پێنەدراوە. جێگری سەرۆکی لقی هەولێری یەکێتی بەڵێندەران دەڵێت، ئەمڕۆ نووسراو بۆ خەرجکردنی پارە دەدەنە وەزیری دارایی.

لەگەڵ نزیکبوونەوەی کاتی چاندن، لە هەرێمی کوردستان دابەشکردنی گەنمی بنەتۆو دەستیپێکرد. بەرپرسانی کشتوکاڵ دەڵێن، بۆ پاڵپشتیی لە جووتیاران بنەتۆوەکەیان بە نرخی کەمتر لە نیوە پێدەدەن.

سەرۆکی رەوتی حیکمەی نیشتمانی گەیشتە هەولێر. پارێزگاری هەولێر دەڵێت، لەگەڵ سەرۆک بارزانی، سەرۆکی هەرێمی کوردستان و سەرۆکوەزیرانی هەرێمی کوردستان کۆدەبێتەوە.

بەرپرسێکی پەیەدە و چالاکڤانێک لە گەڕەکە کوردییەکانی حەلەب دەڵێن، ئاسایشی دیمەشق بە هاوکاری گرووپە چەکدارەکانی هەمزات و عەمشات هێرش دەکەن و هەموو جۆرە چەکێکی قورس بەکاردێنن.

چالاکڤانێک لە گەڕەکە کوردییەکانی حەلەب دەڵێت، ئاڵۆزییەکانی هەردوو گەڕەکە کوردنیشینەکە بەردەوامە و هێزەکانی حکومەتی کاتیی سووریا بە تەقەکردن بڵاوە بە خۆپیشاندەران دەکەن.

لە نیوەڕۆی دووشەممەوە لە هەردوو گەڕەکە کوردنشینەکەی ئەشرەفییە و شێخ مەقسوود لە حەلەبی سووریا، ئاڵۆزی لەنێوان هێزەکانی سەر بە هەسەدە و هێزەکانی حکومەتی دیمەشق دروستبووە.

گوتەبێژی دەستەی وەبەرهێنانی هەرێمی کوردستان رایگەیاند، 720 یەکەی نیشتەجێبوون لە عەینکاوە بۆ کرێنشینانی کریستیان دروست دەکرێت و لە یەکشەممەوە دەتوانن فۆڕمی وەرگرتنی شوقەکان پڕبکەنەوە.

تۆڕی میدیایی رووداو پلانی رووماڵی هەڵبژاردنی ئەم ساڵی پەرلەمانی عێراق رادەگەیێنێت.

جێگری سەرۆکی پەرلەمانی عێراق بە تۆڕی میدیایی رووداوی گوت، بەگوێرەی رێککەوتنی بەغدا و هەولێر، حکومەتی عێراق پێنج مووچەی ئەم ساڵ خەرج دەکات. هەروەها باسی هەڵبژاردن لە کەرکووک دەکات و دەڵێت، دەبێت کورد مەترسییەکانی رۆژی دەنگدان لەبیر نەکات و پارێزگاری لە نیوەی کورسییەکانی شارەکە بکات.

نزیکەی مانگێکە حکومەتی عێراق بڕیاری هاوردەکردنی مریشکی بەستووی قەدەخە کردووە و رێگەش نادات مریشکی هەرێمی کوردستان ببرێتە نێوەڕاست و خوارووی عێراق. سەرۆكی كۆمەڵەی كێڵگە پەلەوەرییەکانی پارێزگای سلێمانی دەڵێت: "بەهۆی قەدەخەی هەناردەوە نرخی کیلۆیەک مریشک بۆ دوو هەزار دینار دابەزیوە".

کۆمپانیاکانی گواستنەوە رایانگەیاند، ئاسایشی گشتیی سەر بە حکومەتی راگوزەری سووریا، خاڵی پشکنینی زەکی لە نێوان ناوچەکانی خۆی و بەڕێوەبەرایەتیی خۆسەردا داخستووە. بەمەش هاتووچۆ لە نێوان ئەو دیمەشق و قامشلۆ نەماوە.

بەرپرسانی ئاراستەکانی گەڕەکی کوردسات و گردی زەرگەتەی بزووتنەوەی گۆڕان بە جیا سەرقاڵی ئامادەکارین بۆ بەستنی کۆنفرانس. ئەندامێکی جڤاتی حیزبەکە دەڵێت، "دەبێت پێش کۆنفرانس هەردوو لایەن پێکبێین."

پارێزگاری هەولێر دەڵێت، رێڕەوەکانی ئاوەڕۆیان پاککردووەتەوە و دوو ملیار دیناریش تەرخانکراوە بۆ کارەکان بە مەبەستی رێگری لە لافاو لە وەرزی باراندا.

دوایین زانیارییەکان

سەرچاوەیەکی دادوەری بە رووداوی گوت، شاسوار عەبدولواحید، سەرۆکی جووڵانەوەی نەوەی نوێ ئەمڕۆ جارێکی دیکە دەبرێتە بەردەم دادوەری لێکۆڵینەوەی سلێمانی.

لە بازاڕەکانی هەرێمی کوردستان بەراورد بە جیهان نرخی کیلۆیەک زیو زیاتر لە 250 دۆلار بەرزترە لە بازاڕەکانی جیهان، دەگوترێت هۆکاری بەرزیی نرخەکە هەناردەکردنییەتی بۆ ئێران. بازرگانانی کانزاکەش دەڵێن، "راستە پێشتر هەناردەی ئێران کراوە."

هاونیشتمانییەک لە بنەسڵاوەی هەولێر دەڵێت، دووکەڵی سووتاندنی زبڵ و خاشاک هاونیشتمانییانی هەراسان کردووە. سەرۆکی شارەوانیی سنوورەکە دەڵێت، لێپێچینەوەیان دەستپێکردووە و هەرکەس ئەو دیاردەیەی بینی، پەیوەندی بکات

وەزارەتی پەروەردەی هەرێمی کوردستان هەڵمەتی گەڕانەوەی بۆ خوێندن راگەیاند، لە سبەینێوە ئەوانەی لە 6 ساڵییەوە تاوەکو 50 ساڵی لە خوێندن دابڕاون، دەتوانن بگەڕێنەوە

دوای سەردانی شاندی ئیمرالی بۆلای ئۆجەلان، دەم پارتی رایگەیاند، رێبەری پەکەکە لەبارەی پڕۆسەی چارەسەری بە شاندەکەی گوتووە، "لە قۆناخی ئێستادا بەرەوپێشچوونی ئەم پڕۆسەیە بە هەنگاوە سیاسی و یاساییەکانەوە بەندە."

بەنزینخانەی (لاپ) لە گەڕەکی فەرمانبەرانی هەولێر لەکاتی بەتاڵکردنەوەی بەنزیندا ئاگری گرت

پارێزگاکانی هەرێمی کوردستان رێوشوێنی بانگەشەی هەڵبژاردنیان دیاریکرد و رایانگەیاند، کەژاوەی ئۆتۆمبێل و ئاستەنگکردنی شەقامەکان قەدەخەن و ناشبێت فەرمانگەکانی حکومەت بۆ بانگەشە بەکاربهێندرێن. چالاکڤانێک دەڵێت، 6 هەزار و 300 چاودێری رێکخراوەکان پێشێلکارییەکان تۆمار دەکەن.

بەهۆی رێکارە یاساییەکانی کۆمیسیۆنەوە، دوو بەربژێری رەوتی هەڵوێست لە کێبڕکێی هەڵبژاردن بۆ پەرلەمانی عێراق لە پارێزگای سلێمانی دووردەخرێنەوە.

سەرۆکی تۆڕی شەمش بۆ چاودێری هەڵبژاردن دەڵێت، لە کەمپینەکانی هەڵبژاردندا 301 پێشێلکاری یاسایی تۆمار کراون.

بڕیارەکە بۆ مووچەخۆرانی پەروەردە لە عێراق لە رۆژنامەی وەقائیعی عێراقیی بڵاوکراوەتەوە و پێدەچێت لە مووچەی مانگەکانی 10 بەدواوە دەرماڵەیان بکرێتە 300 هەزار دینار.

زیاتر لە دوو هەزار و 300 خانەنشین دوایین مووچە وەریانگرتبێت مانگی 11ـی پار بوو. بەگوێرەی زانیارییەکانی رووداو، لە مووچەی مانگی ئابدا 8 مووچە پێکەوە وەردەگرن.

دوو نوێنەری مامۆستایانی گرێبەست لە هەرێمی کوردستان، لەگەڵ جێگری سەرۆکی پەرلەمانی عێراق کۆبوونەوە. یەکێکیان دەڵێت، داوای بە هەمیشەییکردنمان کرد. جێگری سەرۆکی پەرلەمان ئاماژە بەوەدەکات، لە بودجەی ساڵی 2026دا دەیانکەنە هەمیشەیی.

دوای فەرمانی هەرێمیی سەرۆکی هەرێمی کوردستان بۆ بەقەزاکردنی ناحیەی رزگاری لە ئیدارەی گەرمیان، بەڕێوەبەری ناحیەکە دەڵێت، تاوەکو ئەمڕۆ بەهۆی نەبوونی رێکارە کارگێڕییەکانەوە قایمقام دەستبەکار نەبووە.

گوتەبێژی پارتی سۆسیال دیموکراتی کوردستان دەڵێت، 22 بەربژێریان بۆ هەڵبژاردنی پەرلەمانی عێراق هەیە و لە ئەگەری سەرکەوتنیان، لەوێ تەنیا بە کوردی قسە دەکەن.

تۆڕی هاوپەیمانیی 19 رایگەیاند، "بەهۆی رەخنەگرتنەوە تووندوتیژی بەرامبەر سەرۆكی جووڵانەی نەوەی نوێ لە دادگەی سلێمانیدا کراوە." بەرپرسێکی مافی مرۆڤیش دەڵێت، "گرژی روویداوە، بەڵام نە هێرش کراوە و نە کەسیش بریندار بووە."

کەشناسیی هەرێمی کوردستان رایگەیاند، سبەی بەراورد بە ئەمڕۆ، پلەی گەرما نزیکەی سێ پلە دادەبەزێت. کەشناسانیش پێشبینی جیاواز بۆ یەکەم بارانی وەرزی پاییز دەکەن و هاوبۆچوونن لەسەر ئەوەی، مەترسی وشکەساڵی نییە.

زیاتر لە نیوەی دەرچووانی پۆلی 12 لە سیستمی زانکۆلاین بۆ وەرگرتن لە زانکۆ و پەیمانگەکانی هەرێمی کوردستان خۆیان تۆمار کردووە. سەرچاوەیەک دەڵێت: "ئەمشەو کاتی تۆمارکردن درێژ دەکرێتەوە"، وەزارەتی خوێندنی باڵا ئاماژە بەوە دەکات، ئەگەر تۆماری قوتابییان کەم بێت درێژی دەکەنەوە.

دوای زیاتر لە 10 ساڵ لە کۆچکردن و جێهشتنی دانیشتووانی قەزای کفری لە ئیدارەی سەربەخۆی گەرمیان، بە گوتەی سەرۆکی شارەوانییەکەی کۆچی پێچەوانە دەستیپێکردووە و "خەڵکێکی زۆر" دەگەڕێنەوە شارەکە.

بەڕێوەبەرایەتیی بازرگانیی دانەوێڵەی سلێمانی رایگەیاند، سبەی پارەی گەنم لە پسوولەی ژمارەیەکی جووتیاران بۆ ژمارە 113 دابەش دەکرێت

هاونیشتمانییەک، کە دانیشتووی شاری دهۆکە، لەکاتی بەجێهێنانی رێوڕەسمەکانی عومرەدا لە سعودیە کۆچی دواییکرد

بەگوێرەی بەدواداچوونی رووداو، لە مووچەی مانگی تەممووزەوە لێبڕینی 3%ی قەرزی خانەنشینی لە تەواوی مووچەخۆران و خانەنشینانی هەرێمی کوردستان دەستپێدەکات. خانەنشینان بە 60 مانگ و فەرمانبەران بە 36 مانگ ئەو قەرزەی لایانە لە مووچەکەیان دەبڕدرێت. بەرپرسێک دەڵێت، "ئەو مانگانەشی مووچە نیوە بووە یان هەر نەدراوە، هەر قەرزداری خانەنشینی دەیگرێتەوە."

سەرۆکی شارەوانیی کفری دەڵێت، دوای ئەوەی چوارشەممەی رابردوو چیمەنیان لە دەروازەی شارەکەیان چاندووە و دزراوە، دووبارە سنوورەکە سەوز دەکەنەوە.

نرخی مسقاڵێک زێڕی عەیار 21 گەیشتە بەرزترین ئاستی مێژوو و بە 773 هەزار دینار دەفرۆشرێ.

بەڕێوەبەرایەتیی خۆسەر ئاڵای حکومەتی سووریای لە دەروازەی سێمالکا بەرزکردەوە. بەرپرسێکی بەڕێوەبەرایەتییەکە دەڵێت، کارەکەیان نیشانەی باوەڕبوونیانە بە "یەکێتیی خاکی سووریا". بەرپرسێکی حکومەتی سووریاش دەڵێت، هاوئاهەنگییان لەگەڵ نەکراوە.

بەهۆی گەڕاندنەوەی سزاکانی نەتەوە یەکگرتووەکان بۆسەر ئێران، بەهای دراوی ئەو وڵاتە گەیشتە نزمترین ئاستی مێژوویی و 100 دۆلار 11 ملیۆن تمەنی تێپەڕاند

دوای گەیشتنی بەشێکی پارەی گەنمی جووتیارانی هەرێمی کوردستان و کردنی بە چەک، بڕیارە سبەی پارەکە لە سنووری سلێمانی و هەڵەبجە و رۆژانی دواتر لە هەولێر دهۆک دابەش بکرێت.

بەرپرسێکی باڵای نەوەی نوێ بە رووداوی گوت، شاسوار عەبدولواحید، سەرۆکی جووڵانەوەکەیان "بەبێ ئاگاداریی پارێزەرەکانی" بە دۆسیەیەکی نوێوە براوەتە بەردەم دادوەر.

بەبۆنەی رۆژی جیهانیی دەستڕاگەیشتن بە زانیاری، سەنتەری میترۆ رایگەیاند، دوای 12 ساڵ حکومەتی هەرێمی کوردستان یاسای بەدەستهێنانی زانیاری جێبەجێ ناکات. داوای کرد، کابینەی داهاتوو کار بە یاساکە بکات. سەنتەرەکە داوا لە میدیاکارانیش دەکات "مامەڵەی پیشەیی بکەن."

سەرچاوەیەک لە مەکتەبی سیاسیی یەکێتیی نیشتمانیی کوردستان بە رووداوی راگەیاند، بافڵ تاڵەبانی و سەرۆک بارزانی لە پیرمام کۆبوونەتەوە

نوێنەری حکومەتی هەرێمی کوردستان لە ئیسپانیا دەڵێت، سەردانی پارێزگاری شاری گرنیکای لە ئیسپانیا کردووە و بڕیارە شارەکە و شاری هەڵەبجە ببنە دەستەخوشک

وەزارەتی ئەوقاف و کاروباری ئایینیی هەرێمی کوردستان رایگەیاند، ناونووسین بۆ حەج کۆتایی هاتووە و کۆتایی مانگی 10 تیروپشک بۆ ناوەکان دەکرێت. گوتەبێژی وەزارەتەکە دەڵێ، نزیکەی 90 هەزار کەس داوای چوونە حەجیان کردووە.

بڕیارە سبەی ئەنجامی تاقیکردنەوەکانی خولی دووەمی قوتابییانی 12ی ئامادەیی لە کەرکووک و ناوچەکانی سنووری مادەی 140 ئاشکرا بکرێت. بەڕێوەبەری خوێندنی کوردی لە سنوورەکە دەڵێت، 20%ی زانکۆکانی هەرێمی کوردستان بۆ خوێندنی کوردیی ناوچەکانی دەرەوەی ئیدارەی هەرێمی کوردستان تەرخانکراون

لە رووداوێکی هاتووچۆدا لە نزیک سماقووڵی لە سنووری قەزای رانیەی ئیدارەی سەربەخۆی راپەڕین، سێ کەس گیانیان لەدەستدا و دووی دیکەش بریندارن.

بەهۆی نووسی درووشمێک بە زمانی کوردی لەسەر درێسەکەیان، یەکێتیی تۆپۆ پێی تورکیا یانەی (ئامەد سپۆر)ی بە بڕی زیاتر لە دوو هەزار و 600 دۆلار سزادا. سەرۆکی یانەکە دەڵێت، "بڕیارەکە دژایەتییەکی ئاشکرایە بەرامبەر زمانی کوردی".

ژنە کوردێک لە بارەگای رێکخراوی نەتەوە یەکگرتووەکان لە نیویۆرک لە ئەحمەد شەرع، سەرۆککۆماری سووریا بۆ قۆناخی راگوزەر نزیکبووەوە و لەو بارەیەوە قسەی بۆ پەیامنێری رووداو کرد

وەزیرێکی حکومەتی هەرێمی کوردستان دەڵێت، لە کۆبوونەوەی ئەنجوومەنی وەزیرانی هەرێمی کوردستاندا، سکرتێری ئەنجوومەنی وەزیران رۆڵی سەرۆکی هەرێمی کوردستانی بۆ رێککەوتنی هەناردەکردنەوەی نەوت بە مێژوویی پێناسە کردووە و ئەنجوومەنی وەزیرانیش سوپاسی هەوڵەکانیان کردووە.

دەزگای ئاسایشی هەرێمی کوردستان دانپێدانانی کەسێکی بڵاوکردەوە، کە دەگوترێت بکوژی ئەکبەر حاجی رۆستەم، کەسایەتی دیاری گەرمیان بووە. تۆمەتبارەکە دەڵێت، پارەی لای ئەکبەر حاجی رۆستەم بووە، نەیداوەتەوە. دەشڵێت، ئەو ویستوویەتی بیبخنکێنێت، بۆیە تەقەی لێکردووە.

ماڵپەڕی شەفافیەت رایگەیاند، داهاتی هەفتەیەکی رابردووی سلێمانی زیاترە لە 18 ملیار دینار و داهاتی مانگێکیش زیاتر بووە لە 51 ملیار دینار.

نزیک دەبێتەوە لە مانگێک سیستمی تۆمارکردنی فۆرمی ئەلیکترۆنیی خۆراک راگیراوە و زیاتر لە 700 هەزار هاونیشتمانی بەهۆی تۆمارنەکردنەوە بەشەخۆراکیان بڕدراوە، بەڕێوەبەرێکی پسوولەی خۆراک زانیاری لەبارەی کردنەوەی سیستمەکە و تۆماری نوێ دەخاتەڕوو.

گوتەبێژی بەڕێوەبەرایەتی حەج و عومرەی هەرێمی کوردستان دەڵێ، کاژێر 12:00ـی شەوی سبەی هەینی دوایین کاتە بۆ ئەو هاونیشتمانیانەی دەیانەوێت داواکاری بۆ حەجی ساڵی داهاتوو پێشکێش بکەن.

وەزارەتی خوێندنی باڵا و توێژینەوەی زانستی دەڵێت، دەرفەتی خوێندن بۆ سەرجەم دەرچووانی پۆلی 12 دەڕەخسێندرێت لە زانکۆ و پەیمانگە حکومییەکاندا. گوتەبێژی وەزارەتەکە دەڵێ، دەرچووانی خوێندنی کوردیی ناوچە دابڕاوەکانیش وەردەگرن.

دوای ئەوەی 10 رۆژ لەمەوبەر کچێکی کورد بەناوی نورمان جەلال لەسەر رێگەی نێوان کۆبانێ و حەلەب رفێندرا، ئەمڕۆ بە پارە ئازادکرا

بەرپرسی مەکتەبی رێکخستنی پارێزگای کەرکووک - گەرمیانی پارتی دەڵێت، ئەگەر بکوژی ئەکبەر حاجی رۆستەم بدۆزرێتەوە رووداوەکە "ئاسایی یان کێشەی کۆمەڵایەتی" بووە و بە پێچەوانەشەوە "تیرۆرە." لەبارەی تۆمەتبارانەوە، سەرپەرشتیاری ئیدارەی گەرمیان دەڵێت، دەزگا ئەمنییەکان زانیارییان دەستکەوتووە

مانگێک تێپەڕی بەسەر شەڕەکەی هۆتێل لالەزاری سلێمانی و تاوەکو ئەمڕۆ تەرمێكی هێزەکەی لاهوور شێخ جەنگی لە دادپزیشکی شارەکەیە و نەناسراوەتەوە. بەڕێوەبەری دادپزیشكیی دەڵێ، "بەگوێرەی یاسا دوو مانگ چاوەڕێی کەسوکاری دەکرێت".

نرخی ئۆنسەیەک زێڕ 3 هەزار و 755 دۆلاری تێپەڕاند و نرخی مسقاڵیش گەیشتە بەرزترین ئاستی مێژوو و بە 758 هەزار دینارە.

وەزیری دارایی و شاندێکی یەکێتیی بەڵێندەران لقی هەولێر کۆبوونەوە. سەرۆکی شاندەکە دەڵێ، نزیکەی ساڵێکە پارەیان بۆ خەرج نەکراوە و ئەمڕۆ وەزیر بەڵێنی خەرجکردنی پارەی پێداون.

ئاسایشی ناوخۆی باکوور و رۆژهەڵاتی سوریا رایگەیاند، لە گەڕەکەکانی شێخ مەقسوود و ئەشرەفییەی سەر بە حەلەب، بەرپەرچی هێرشێکی حکومەتی سووریایان داوەتەوە و سێ چەکداریان بریندار کردوون.

تۆڕی هاوپەیمانیی 19 لە راگەیێندراوێکدا رایگەیاند، لەم مانگەدا لە شارەکانی هەولێر و سلێمانی رێگری لە دوو کۆنگرەی رۆژنامەڤانی کراوە بە پاساوی نەبوونی مۆڵەت. بەڕێوەبەری سەنتەری میترۆ دەڵێت: "کۆنگرەی رۆژنامەنووسی مۆڵەتی ناوێت".

ئەو گەنجەی چوار رۆژ لەمەوبەر لە هەولێرەوە بۆ گەشت چووبووە سەیرانگەکانی قەزای تەقتەق و خنکا، ئەمڕۆ تەرمەکەی دۆزرایەوە.

وەزارەتی سامانە سرووشتییەکانی هەرێمی کوردستان، وەزارەتی نەوتی عێراق و کۆمپانیاکانی نەوت لەسەر هەناردەکردنەوەی نەوتی هەرێمی کوردستان رێککەوتن، کە بەربەستێکی سەرەکی بوو لەبەردەم دواکەوتنی مووچەی هەرێمی کوردستان

بەشێکی پارەی گەنمی جووتیارانی هەرێمی کوردستان و کرایە چەک. بەڕێوەبەری سایلۆکانی پارێزگای سلێمانی دەڵێ، دابەشکردنەکە دەکەوێتە هەفتەی داهاتووەوە.