نەوتی برێنت بە کەمتر لە 65 دۆلار مامەڵەی پێوەدەکرێت

 

 

نرخی یەک بەرمیل نەوتی برێنتی دەریای باکوور 15 سەنت دابەزی و بەرمیلێکی بە 64 دۆلار و 90 سەنت مامەڵەی پێوەکرا.

 

نرخی نەوتی سووکی تەکساسی ئەمریکاش 17 سەنت دابەزی و بە 60 دۆلار و 80 سەنت دەستاودەست کرا.

 

بەپێی شرۆڤەکاران، دابەزینی نرخی نەوت بە ئەگەری زۆرەوە بەردەوام نابێت و هۆکارەکەشی ئەگەری کرانەوەی حکومەتی ئەمریکایە دوای ئەوەی ئەنجوومەنی پیران رۆژی دووشەممە پرۆژە یاسایەکی بۆ پارەدارکردنی حکومەتی فیدراڵی پەسند کرد.

 

لەلایەکی دیکەوە، سزاکانی ئەمریکا لەسەر کەرتی نەوتی رووسیا، بەتایبەتی رووسنەفت و لوک ئۆیل دوو گەورە کۆمپانیای ئەو وڵاتە، دەتوانێت لەڕووی خستنەڕووی نەوتەوە کێشە لە بازاڕی نەوتدا دروستبکات و ببێتە هۆکار بۆ پاڵپشتیکردن لە نرخەکانی نەوت.

 

سزاکانی سەر رووسیا پاڵاوگە چینییەکانی هانداوە بەدوای جێگرەوەی نەوتی رووسیادا بگەڕێن.