نرخی بەرمیلێک نەوتی برێنت بە کەمتر لە 63 دۆلار مامەڵەی پێوەدەکرێت

 

 

لەکاتی داخستنی بازاڕەکان، شەوی رابردوو نرخی بەرمیلێک نەوتی برێنتی دەریای باکوور 23 سەنت بەرزبووەوە و بەرمیلێکی بە 67 دۆلار و 65 سەنت مامەڵەی پێوەکرا.

 

نرخی بەرمیلێک نەوتی سووکی تەکساسی ئەمریکاش 15 سەنت بەرزبووەوە و بەرمیلێکی بە 62 دۆلار و 89 سەنت مامەڵەی پێوەکرا.

 

نرخەکانی نەوت رۆژی پێنجشەممە بە رێژەی 3% دابەزینیان بەخۆوە بینی و بەوپێیەش لە ئاستی هەفتانەدا دابەزین.

 

شارەزایانی بازاڕە داراییەکان لەو بارەیەوە دەڵێن، "ئامارەکانی هەڵاوسان کە رۆژی هەینی بڵاوبوونەوە، پێشانی دەدات کە نرخەکان لە ئەمریکا بەرەو سەقامگیری دەڕۆن و کەمتر لە ئاستی پێشبینیکراو بەرزبوونەتەوە."

 

دابەزینی نرخەکان و هەڵاوسان دەبێتە هۆکار بۆ ئەوەی بانکی ناوەندیی ئەمریکا بەردەوام بێت لە کەمکردنەوەی سوودی بانکی وەکو پاڵپشتی بۆ ئابووریی ئەو وڵاتە. ئەوەش دەبێتە هۆکار بۆ بەرزبوونەوەی بەکارهێنانی نەوت و بەرهەمە نەوتییەکان.

 

دێنیس کیسلەر، شرۆڤەکاری سەر بە کۆمپانیای راوێژکاری (بی ئۆ کەی فاینەنشیاڵ) لەو بارەیەوە ئاماژە بەوە دەدات، "ئەگەری هەیە ئەندامانی ئۆپێک نەوتی زیاتر بخەنەڕوو و ئەوەش لە مامناوەند و درێژخایەندا گوشار بۆ نرخەکانی نەوت دروستدەکات."