وەزارەتی دارایی گەڕانەوەی پێشینەکانی سەرجەم مووچەخۆرانی راگرت
رووداو - هەولێر
رێباز حەملان، وەزیری دارایی و ئابووری حكومەتی هەرێمی كوردستان گەڕانەوەی گشت پێشینەكانی سەرجەم مووچەخۆرانی بە هێزی پێشمەرگە و ئاسایش و هێزەكانی ناوخۆیشەوە راگرت.
وەزارەتی دارایی و ئابووری رایگەیاند بەپێی رێنمایی دارایی ژمارە 5 كە لە 20-2-2018، بە واژۆی رێباز حەملان، وەزیری دارایی و ئابووری حكومەتی هەرێمی كوردستان، بڕیاردرا لەسەر دواخستنی گشت لێبڕینەكانی تایبەت بە پێشینە و قەرزە گشتییەكانی حكومەتی هەرێمی كوردستان کە لەلای مووچەخۆرانن وەكو پێشینەكانی: خانووبەرە، هاوسەرگیری، سندووقی نیشتەجێبوون.