یەک دۆلار بە کەمتر لە 92 هەزار تمەن مامەڵەی پێوەدەکرێت
رووداو دیجیتاڵ
هاوکات لەگەڵ ئەگەری جێبەجێکردنی ئاگربەستی نێوان ئێران و ئیسرائیل، نرخی تمەن بەرامبەر دۆلار بەرزبووەوە.
ئەمڕۆ سێشەممە، ماڵپەڕی نەڤەسان، تایبەت بە نرخی دراوەکان لە بازاڕی نێوخۆیی ئێران، نرخی یەک دۆلاری بەرامبەر بە 91 هەزار و 700 تمەن داناوە.
بەهۆی شەڕەوە مامەڵەکردن لە بازاڕی فیزیکیی دراو لە ئێران کەمیکردووە و مامەڵەکان بە زۆری لەڕێگەی ئۆنلاین و لە گرووپەکانی تۆڕە کۆمەڵایەتییەکانەوە بەڕێودەچێت.
نرخی دۆلار بەرامبەر تمەن لە هەندێک لەو گرووپانە بە 91 هەزار و 750 تمەن مامەڵەی پێوەدەکرێت.
بەپێی شرۆڤەکاران، کەمبوونەوەی خواست لەسەر کڕینی دۆلار لە بازاڕەکانی ئێراندا بووەتە هۆکار بۆئەوەی بەهای تمەن بەرامبەر دۆلار خۆڕاگر بێت و دانەبەزێت.
رۆژی دووشەممە یەک دۆلار بە زیاتر لە 92 هەزار تمەن مامەڵەی پێوەکرا. رۆژی یەکشەممەش نرخی دۆلار بەرامبەر بە دۆلار نزیکەی 94 هەزار تمەن بوو.