یەک ئۆنسە زێڕ بە 3766 دۆلار مامەڵەی پێوەدەکرێت

 

 

نرخی ئۆنسەیەک زێڕ لە گرێبەستەکانی داهاتوودا بۆ رادەستکردنی لە مانگی 12دا بە 3785 دۆلار مامەڵەی پێوە دەکرێت.

 

جیرۆم پاوڵ، سەرۆکی بانکی ناوەندیی ئەمریکا لە گوتارێکی لە رۆژی سێشەممە رایگەیاند، بانکەکە لە کۆبوونەوەی داهاتوودا سەبارەت بە سوودی بانکی دەبێت بە وریاییەوە بڕیار بدات، هەوڵبدات هاوسەنگی بپارێزێت لەنێوان کۆنترۆڵکردنی هەڵاوسان و هاندانی بازاڕی کار.

 

کێلڤین وۆنگ، شرۆڤەکاری سەر بە کۆمپانیای راوێژکاری (ئواندا) لەو بارەیەوە رایگەیاند، "لەڕووی تەکنیکییەوە نرخی زێڕ زۆر بەرزبووەتەوە، ئەوەش بووەتە هۆکار بۆ کۆکردنەوەی قازانج لەلایەن بازرگانانەوە."

 

ئەو شرۆڤەکارە دەڵێت، "لێدوانەکانی جیرۆم پاوڵ هەروەها گوشاری لەسەر نرخەکانی زێڕ داناوە."

 

کێلڤین وۆنگ دەڵێت، "رەنگە ئەمڕۆ دابەزینێکی کەم لە نرخی زێڕدا ببینین، بەڵام ئاراستەی درێژخایەن و کورتخایەنی زێڕ هێشتا بەرەو بەرزبوونەوەیە."