بەهای دینار دابەزی؛ 100 دۆلار 149 هەزار دیناری تێپەڕاند

 

حاجی سابیر باواجی، سەرۆکی ئەنجوومەنی بازاڕی ئاڵوگۆڕی دراو لە هەولێر، ئەمڕۆ یەکشەممە بە تۆڕی میدیایی رووداوی گوت: "بەهای دینار دابەزیوە و 100 دۆلار بە 149 هەزار دینارە".

 

لە سلێمانی بەهای دینار زیاتر دابەزیوە و دوای نیوەڕۆی ئەمڕۆ 100 دۆلار بە 149 هەزار و 600 دینار دەفرۆشرێت.

 

بەیانیی ئەمڕۆ لەگەڵ کردنەوەی بازاڕەکاندا، 100 دۆلار بە 148 هەزار و 100 دینار بوو.

 

لەبارەی هۆکاری دابەزینی بەهای دینارەوە، سەرۆکی ئەنجوومەنی بازاڕی ئاڵوگۆڕی دراو لە هەولێر گوتی: "ئاڵۆزییەکانی ناوچەکە و هەڕەشەکان و مەترسی شەڕ لەنێوان ئێران و ئەمریکا هۆکاری سەرەکییە".

 

بەهای دراوەکانی دیکە لە بازاڕی دۆلارەکەی سلێمانی ئەمڕۆ سێشەممە بەمشێوەیەیە:

 

100 دۆلار بە 12 میلیۆن و 250 هەزار تمەنە بە نەختی

100 دۆلار بە 4 هەزار و 180 لیرەی تورکییە

77 دۆلار بە یەک ملیۆن لیرەی سوورییە

100 یۆرۆ بە 171 هەزار دینارە

‎100 پاوەن بە 196 هەزار دینارە

1000 کرۆنی سوێدی بە 137 هەزار و 500 دینارە

1000 کرۆنی نەرویجی بە 123 هەزار و 250 دینارە دینارە