پەرلەمانی کوردستان کار لەسەر رەشنووسی یاسایەکی نوێ دەکات

رووداو - هەولێر

دوای پەرەپێدانی کەرتی نەوتی هەرێمی کوردستان و بەرهەمهێنان و فرۆشتنی نەوت لە بازاڕەکانی جیهان، بۆ ئەوەی تەنها پشت بە داهاتی نەوت نەبەسترێت و سەرچاوە ئابوورییەکانی کوردستان جۆراوجۆر بکرێن، ئێستا پەرلەمانی کوردستان کار لە سەر ئامادەکردنی رەشنووسی یاسایەک دەکات بۆ ئەوەی بە یاسایی کاری وەبەرهێنان لەسەر کانزاکانی دیکەی باشووری کوردستان بکرێت. یەکەمین جاریشە لە باشووری کوردستان کار لە سەر درووستکردنی نەخشەی سامانە سرووشتیەکان دەکرێت بۆ ئەوەی بە رێی سیستەمی جی ئای ئێسی ئەلیکترۆنیەوە هەموو زانیارییەکان دەربارەی سامانە سرووشتییەکان بەدەستبکەون.