جێگری بەڕێوەبەری کۆمپانیای سۆمۆ: رێککەوتنی نەوت بەبێ گۆڕانکاری درێژکرایەوە

 

د. حەمدی شنگالی، جێگری بەڕێوەبەری کۆمپانیای سۆمۆ، لە بووڵتەنی کاژێر 12:00ـی تۆڕی میدیایی رووداودا، کە سەنگەر عەبدولڕەحمان پێشکێشی دەکات، گوتی: "رێککەوتنی نێوان هەولێر و بەغدا بۆ هەناردەکردنی نەوتی هەرێمی کوردستان بۆ ماوەی سێ مانگی دیکە و تاوەکو 31ـی ئاداری 2026 درێژ کراوەتەوە و هیچ گۆڕانکارییەک لە ناوەڕۆکی رێککەوتنەکەدا نەکراوە."

 

 

جێگری بەڕێوەبەری سۆمۆ ئاماژەی بەوە کرد، درێژکردنەوەی رێککەوتنەکە بە شێوەی "سێ مانگ بە سێ مانگ" دەبێت، تاوەکو ئەو کاتەی یاسای نەوت و گاز و یاسای بودجەی نوێ پەسند دەکرێن. روونیشیکردەوە هیچ گفتوگۆیەکی نوێ لەگەڵ کۆمپانیا نەوتییەکان نەکراوە و مەرجەکان وەک خۆیان ماونەتەوە.

 

 

سەبارەت بە بڕی هەناردەکردن، د. حەمدی شنگالی ئاشکرای کرد: "ئێستا تێکڕای هەناردەکردنی نەوتی هەرێمی کوردستان نزیکەی 200 هەزار بەرمیلە لە رۆژێکدا، جگە لەو 50 هەزار بەرمیلەی بۆ ناوخۆ تەرخان کراوە."

 

گوتیشی: "بەرهەمهێنان کەمێک لەو بڕە زیاترە، بەڵام بەهۆی ئەوەی بیرەکان بۆ ماوەی دوو ساڵ وەستابوون و هەروەها بەهۆی هێرشە درۆنییەکانەوە زیانیان بەرکەوتووە و ئاستی بەرهەمهێنان جێگیر نییە."

 

لەبارەی کوالێتی نەوتەکەشەوە، شنگالی رایگەیاند جاران کوالێتیی نەوتی کوردستان (API)ـەکەی 29 بوو، بەڵام ئێستا دابەزیوە بۆ نزیکەی 27، چونکە ئەو مادانەی پێشتر تێکەڵی دەکرا، ئێستا تێکەڵی ناکرێت.

 

 

لەبارەی رۆڵی تورکیاوە، د. حەمدی گوتی: "تورکیا زۆر بە جدی مامەڵە لەگەڵ ئەم دۆسیەیە دەکات و بۆرییەکە بە سەرچاوەیەکی گرنگ دەزانێت، بەڵام ئەنقەرە خوازیارە رێککەوتنەکە فراوانتر بێت و تەنها نەوت نەگرێتەوە، بەڵکو وزە، کارەبا و تەنانەت پڕۆژەکانی ئاویش بگرێتەوە."

 

 

بەشێکی قسەکانی جێگری بەڕێوەبەری سۆمۆ تایبەت بوو بە دۆخی دارایی عێراق و مووچەی فەرمانبەرانی هەرێمی کوردستان. ناوبراو هۆشداری دا لە دابەزینی داهاتی عێراق و گوتی: "بەهۆی دابەزینی نرخی نەوت بۆ نزیکەی 60 دۆلار، داهاتی مانگانەی عێراق لە 8 بۆ 10 ملیار دۆلارەوە دابەزیوە بۆ نزیکەی 6 بۆ 7 ملیار دۆلار، لەکاتێکدا تەنها مووچەی فەرمانبەرانی عێراق نزیکەی 6 ملیار دۆلارە."

 

سەبارەت بە مووچە نەدراوەکانی کۆتایی ساڵی 2024ـی هەرێمی کوردستان، د. حەمدی بە راشکاوی گوتی: "نابێت مووچەی فەرمانبەران بفەوتێت و مافی خۆیانە. ناکرێت مووچەی هاووڵاتیی کورد گرێبدرێت بە کێشەی نەوت یان هەر کێشەیەکی دیکەوە. ئامانجی سەرەکیی رێککەوتنی نەوتیش هەر بۆ ئەوە بووە کە پارە بۆ خەڵک دابین بکرێت."

 

 

لەسەر پرسی گرێبەستی عێراق لەگەڵ کۆمپانیای BP بۆ کێڵگەکانی کەرکووک، شنگالی رەخنەی لە نەبوونی هەماهەنگی گرت و گوتی: "ئەو ناوچانە بەپێی ماددەی 140 ناوچەی جێناکۆکن، ناکرێت عێراق بەبێ رەچاوکردنی ئەمە گرێبەست بکات. باشتر بوو حکومەتی عێراق گفتوگۆی لەگەڵ هەرێمی کوردستان بکردایە."

 

جەختیشی کردەوە، سەرکردایەتی کورد پێداگرە لەسەر جێبەجێکردنی دەستوور، بەتایبەت مادەی 140، ئەنجوومەنی فیدراڵی و دەرکردنی یاسای نەوت و گاز، وەک تاکە رێگە بۆ چارەسەری بنەڕەتی کێشەکان.

 

 

 

د. حەمدی: بەڵێ، تاوەکو 31ی 3

 

 

د. حەمدی: خۆی سێ مانگ بوو، رێککەوتنمان کرد لە سەرەتاکەوە سێ مانگ سێ مانگ بێت.

 

 

د. حەمدی: دەتوانی وا بڵێیت، بەڵام سێ مانگەیە هەتا دەگەینە یاسای نەوت و گاز و بودجەی تازە، ئینجا سێ مانگی سێ مانگی دەڕوات.

 

 

د. حەمدی: نەخێر هیچ گۆڕانکاری تێدا نەکراوە، وەک خۆیەتی.

 

 

د. حەمدی: نەخێر موناقەشە نەکراوە، تەنها وەک خۆی درێژ کرایەوە.

 

 

د. حەمدی: تورکیا بابەتێکی دیکەیە، ئەو هیچ حەقی بەم بابەتەوە نییە، نەک داواکاری، بەڵکو باسی ئەو رێککەوتنەی کۆمپانیا بیانییەکان لەگەڵ هەرێمی کوردستان و لەگەڵ عێراق دەکات.

 

 

د. حەمدی: لە کوردستان ئێستا هەناردە بە تێکڕا وەربگرین نزیکەی 200 هەزار بەرمیل رۆژانە دەڕوات ئێستا.

 

 

د. حەمدی: بەڵێ.

 

 

د. حەمدی: درێژ دەکرێتەوە، چونکە تورکیا زۆر بە جیدی وەریگرتووە ئەو بابەتە و زۆر گرنگی پێداوە، هەروەها عێراقیش گرنگی پێداوە چونکە بەڕاستی سەرچاوەیەکی زۆر زۆر گرنگە بۆ عێراق ئەو رێگایە (ئەو بۆرییە)، بەڵام تورکیا حەزی لێیە زیاتر راوێژی پێ بکرێت نەک تەنیا ببێتە هەناردەی نەوت لەوێ بێت، بەڵکو وزە و کارەبا و تەنانەت ئاویش لە چوارچێوەی ئەو رێککەوتنە بکرێت.

 

 

د. حەمدی: مەسەلە رەزامەندی نییە، مەسەلە گفتوگۆیە، دانوستانەکە لە بەینی هەردوولا هەیە و ئەوە سێ چوار کۆبوونەوەیان کردووە لەسەر ئەو بابەتانە.

 

 

د. حەمدی: بەرهەمهێنان بەرەو زیادبوون دەڕوات، دەتوانم بڵێم چونکە ئەو کێڵگانە و بیرانە هەمووی راوەستا بوون دوو ساڵ، زیانێکی زۆر گەورەیان پێکەوتبوو، هەروەها لێدانی درۆن و ئەوانەش کاریگەری لێ کردبوو، لەبەرئەوە دەتوانم بڵێم وردە وردە، نەک ئەوەهایە.

 

 

د. حەمدی: پێت دەڵێم هەر ئەوەندەیە، واتە دەچێتە سەرێ و دێتە خوارێ، لەبەرئەوە بە نزیکەیی وەری دەگرین ئێمە.

 

 

د. حەمدی: ئێمە ئیش دەکەین لەسەر ئەو بابەتە.

 

 

د. حەمدی: بە گوێرەی پێویستی کوردستانە، چەندی پێویست دەبیت.

 

 

د. حەمدی: زانیاریم لەسەری نییە، هەرێمی کوردستان دەزانێت.

 

 

د. حەمدی: ئەو بابەتە گرێدراوە زیاتر بە وەزارەتی نەوت، چونکە دەزانی ئێمە سۆمۆ تەنها مارکێتینگین (بەبازاڕکردنین)، ئێمە ئیشمان هەر ئەوەندەیە نەوت دەفرۆشین. ئەو بابەتە پەیوەستە بە وەزارەتی نەوت، بەڵام تاوەکو ئێستا باوەڕ ناکەم هاتبن.

 

 

د. حەمدی: چەند نەوت دەفرۆشێت، ئەگەر بە باشوور وەریبگرین، بە کێڵگەکانی باشوور و ئەوانە، نزیکەی 3 ملیۆن و 400 هەزار رۆژانە.

 

 

د. حەمدی: نەخێر (بەبێ ئەو).. 3 ملیۆن و 400 هەزار، 200 هەزار دێتە سەر (هی هەرێمی کوردستان) دەبێتە 3 ملیۆن و 600 هەزار بە نزیکەیی.

 

 

د. حەمدی: ئۆپێک تا ئێستا.. واتە با بڵێین گۆڕانکاری هەبوو، ئەو ماوەیە تۆزێک ورد بوو لەگەڵ ئێمە با بڵێین ئاسان بوو لەگەڵ ئێمە، بەس ئێستا وابزانم 3 ملیۆن و بەرەو 600، هەر هەمان ئەوەیە، 600 و 650ـیە، واتە بەو شێوەیە.

 

 

د. حەمدی: ئۆپێک دیاری ناکات، حەقی بە هەناردە نییە زیاتر، حەقی بە بەرهەمهێنانە.

 

 

د. حەمدی: دەتوانم بڵێم 13 ملیۆن و نیو، تاوەکو 14 ملیۆن بەرمیل فرۆشراوە.

 

 

د. حەمدی: داهاتەکەی بە نزیکەیی 700 ملیۆن دۆلار بووە.

 

 

د. حەمدی: چونکە دەزانی دۆخی عێراق، دۆخی نەوت لە جیهان بەرەو خراپ دەچێت، چونکە ئێمە کە دەفرۆشین خستنەڕوو و داواکارییە، چەند خستنەڕوو هەیە و چەند داواکاریی هەیە. خستنەڕوو زۆرە ئێستا، لەبەرئەوە کاریگەری هەبووە لەسەر نرخی نەوت، ئێمە نزیکەی چووەتە 60، 59، 61.

 

 

د. حەمدی: تەواو وەکی خۆی، سۆمۆیە، هەمووی بە یەک نرخ دەفرۆشین.

 

 

د. حەمدی: دەتوانی بڵێی بۆ ئەورووپا، و بۆ هەردوو ئەمریکاش دەچێت.

 

 

د. حەمدی: داواکاری زۆرە، دەزانی چییە مەسەلە ئەو نییە، باسم کرد 

 

 

د. حەمدی: وەختی خۆی باشتر بوو، واتە نەوتی کوردستان تەقریبەن 29 بوو APIـیەکەی، ئێستا هاتووەتە خوارێ. هەندێک مادەیان لەگەڵی زیاد دەکرد، ئێستا ئەو مادانە زیاد ناکرێن، لەبەرئەوە کوالێتییەکەی دەتوانی بڵێی 27ـە API.

 

 

د. حەمدی: دەکرێت و گفتوگۆشی لەسەر کراوە، بەس ئێستا حاڵی حازر  نەوتی کەرکووک بۆ هەناردەکردن نییە.

 

 

د. حەمدی: دەبێ بیکات، وا بزانم شتێکی باشە بۆ ئێمەش و بۆ ئەوانیش، بەس ئەو وەختە دەتوانین گفتوگۆیەکی لەسەر بکەین.

 

 

د. حەمدی: باوەڕ ناکەم هیچ گفتوگۆیەک کرابێت چونکە من ئاگام لێ نییە ئەگەر شتێکی وابێت. بەڵام لە راستیدا ئەو بابەتە حەساسیەتی تێدایە. ئەو شوێنە، بتەوێ یانا، کەرکووک تاوەکو ئێستا مادەی 140ـە، ناوچە جێناکۆکەکانە بە رای من عێراق کە شتێک بکات دەبێ بزانێت کە دەستوور شتێکی دیکەی گوتووە، کوردستانیش دەبێ بزانێت کە ناتوانێت هەتاوەکو ئەو پرسە یەکلایی نەکرێتەوە کە ماددەی 140ـە. ئەو کاتەی کە مادەی 140 جێبەجێ کرا، چیت هەیە و چیت لەسەرە). لەبەرئەوە دەبینی سەرکردایەتی کورد جەنابی سەرۆک مەسعود بارزانی، لەگەڵ جەنابی سەرۆک نێچیرڤان، جەنابی سەرۆکوەزیران مەسرور، جەخت دەکەنەوە و تەئکید دەکەن لەسەر مەسەلەی جێبەجێکردنی دەستوور. جێبەجێکردنی دەستوور زۆر زۆر گرنگە. و هەمیشە باس دەکەم، مادەکانی دەستوور ئەگەر بیخوێنیتەوە، یەک مادەی تێیدا نییە کە بۆ کورد سوودی هەبێت بەتەنیا، یەک مادەی نییە بڵێ کورد سەربەخۆیە، یەک مادەی نییە بڵێ کورد ئەگەر جێبەجێ بوو دەستوور تەواو ئیتر تەواو هیچ حەقی بە عێراقەوە نییە.دەستوور زیاتر یەکپارچەیی عێراقی مسۆگەر کردووە و ماف و ئەرکەکانی هەموو کەسێکی پاراستووە. بە جێبەجێکردنی دەستووری عێراق، دڵنیام هەموو هاووڵاتییەکی عێراقی پشکی خۆی لە ماف و ئەرکەکاندا وەردەگرێت. بۆیە جێگەی سەرسوڕمانە کە دەگوترێت ئەگەر دەستوور جێبەجێ بکرێت، واتە کورد سوودی لێ بینیوە. لێرەوە جەخت دەکەمەوە کە کورد زیاتر یەکپارچەیی عێراق مسۆگەر دەکات و سەرکردایەتیی کورد زیاتر بەرەو یەکپارچەیی عێراق هەنگاو دەنێت.

 

 

د. حەمدی: بە رای من وەکو یاساناسێک، کاتێک بابەتێک (ناوچەیەکی جوگرافی) جێی ناکۆکی بێت، واتە من و تۆ لەسەر ئەوە رێک نەکەوتووین کە پەرداخەکە هی کاممانە، ئایا لۆژیکییە تۆ بیت و ئاوەکەی بخۆیتەوە بەبێ پرسی من؟

 

 

د. حەمدی: بە بڕوای من، باشتر بوو خۆیان لەو بابەتە بپاراستایە و لەگەڵ کورد دابنیشتنایە و پێیان بگوتبا: ''بابەتێکی لەم شێوەیە هەیە، رای ئێوە چییە؟'' چونکە ناوچەکە جێناکۆکە و ماددەی 140ـی دەستووریش هەیە.

 

 

د. حەمدی: من باوەڕ ناکەم، چونکە ئەگەر وەریانگرتبایە، هەڵوێستیان بەو شێوەیە نەدەبوو.

 

 

د. حەمدی: ئێمە وەکو کورد زۆر ئازارمان بەدەست بڕیارەکانی ئەو دادگایەوە چەشتووە. بەڕای من، باشترە ئێستا جەخت لەسەر جێبەجێکردنی دەستوور بکەینەوە. 2 بۆ 3 خاڵی گرنگ لە دەستووردا هەن کە دەبێت جێبەجێ بکرێن، یەکێکیان ئەنجوومەنی فیدراڵییە کە زۆر گرنگە، هەروەها دادگای فیدراڵی، ماددەی 140 و یاسای نەوت و گاز. بە بڕوای من، ئەگەر یاسای نەوت و گاز دەربکرێت، کێشەکانمان نامێنن.

 

 

د. حەمدی: ئەگەر دیسانەوە بگەڕێینەوە سەر دۆخی پێشوو و دوودڵی، ئەوا واتای ئەوەیە هیچمان نەکردووە و بۆ ماوەی 4 ساڵی دیکەش خەڵک بەم دۆخەدا تێدەپەڕێت. خەڵکی ئێمە زۆر ماندووە. من زۆر لام سەیر بوو، لە ماوەی 2 بۆ 3 هەفتەی رابردوودا، بەڕێز محەممەد شیاع سوودانی، سەرۆکوەزیرانی عێراق، 2 بۆ 3 کۆبوونەوەی گرنگی لەگەڵ ئەنجوومەنی ئابووریی کرد و بڕیاری گرنگی دەرکرد. من چاوەڕوان بووم بێتە سەر تەلەڤیزیۆن و بڵێت "گەلی کورد دڵنیا بن مووچەکانتان دەگات، یارمەتیتان دەدەم"، چونکە من سەرۆکوەزیرانی عێراقم و ئەرکی منە دڵنیایی بدەمە هاووڵاتییانم کە مووچەکانیان وەردەگرن. نەک ئەوەی کە تەنیا چەند رۆژێکمان ماوە بۆ ساڵی نوێ و هێشتا خەڵکی کوردستان بێ مووچەیە.

 

 

د. حەمدی: بەڵێ، بە دڵنیاییەوە، چونکە راستگۆ بم و خۆم لەو گلەییە نەدزمەوە، پێی دەڵێم چونکە ئەو سەرۆکوەزیرانی عێراقە، هەرچەندە ئێستا کاروباری حکومەتی کاربەڕێکەرە، بەڵام هەر تۆیت کە ئەو کۆبوونەوانە دەکەیت. هەروەها گلەیی لە وەزیرەکانی خۆشمان دەکەم کە لەوێن. بەڕاستی دەبێت دڵنیایی بداتە هاوڵاتیی کورد و بڵێت، "مووچەکەت پارێزراوە و پێت دەدرێت،" چونکە لۆژیکی نییە ساڵێک تێپەڕێت و ساڵێکی نوێ دەست پێ بکات، خەڵک هەمووی دڵخۆش بێت بە هاتنی ساڵی نوێ و هاوڵاتیی منیش هەر چاوەڕێ بێت کە ئایا مووچە دێت یان نا. ئەگەر ئەو حکومەتە دادپەروەریش پەیڕەو بکات، ئەمە ژیان نییە.

 

 

د. حەمدی: ئەوە پرسیارێکە کە خۆی دەسەپێنێت. ئێمە وەکو سۆمۆ کاری خۆمان 100% بە دروستی کردووە و هیچ کێشەیەکمان نییە. ئەو رێککەوتنەی کرا رێککەوتنێکی مێژوویی بوو، چونکە ماوەی دوو ساڵ بوو عێراق و هەرێمی کوردستان زیانیان دەکرد بەهۆی بوونی هەندێک پاڵنەری سیاسی یان داواکاریی سیاسی. بەڵام کاتێک ئێمە وەکو سۆمۆ تێڕوانینی خۆمان خستەڕوو و لە رووی هونەری و تەکنیکییەوە روونمان کردەوە کە چەند زیانمان کردووە، گەیشتنە ئەو قەناعەتەی کە ئەو رێککەوتنە بکرێت. راستییەکەی، رێککەوتنەکە زیاتر لە بەرژەوەندیی ئەواندایە نەک هەرێمی کوردستان، چونکە پرسی 16 دۆلارەکە کاریگەریی زۆر نەرێنی لەسەر کۆمپانیاکانی ئێرە هەیە، بەڵام هەمووی بۆ مووچەی هاوڵاتییانی هەرێمی کوردستان کرا. ئێستا باسی 120 ملیار دینارەکە دەکرێت، کە بەگوێرەی زانیارییەکانی من، ئەویش دراوە و کێشەکەی چارەسەر بووە و پارەکە نێردراوە.

 

 

د. حەمدی: ئەو پرسیارە دەبێت ئاراستەی تەیف سامی و بەڕێز سوودانی بکرێت.

 

 

د. حەمدی: نەخێر، دەچێتە حسابێکی تایبەت لە بانکی ناوەندی و پاشان رەوانەی بانکی فیدراڵیی ئەمریکا دەکرێت و لەوێوە دەگەڕێندرێتەوە بۆ حکومەتی عێراق.

 

 

د. حەمدی: راستییەکەی من زانیاریم لەسەر ئەو بابەتە نییە کە بۆچی نەنێردراوە، بەڵام شایستە نییە کە نەنێردرێت. بەڕاستی دەیڵێم، چونکە من هەمیشە باسی ئەو بابەتە دەکەم، نابێت مووچەی هاووڵاتیی کورد بە هیچ کێشەیەکەوە ببەسترێتەوە؛ نەک تەنیا کێشەی نەوت و داهات، بەڵکوو هەر کێشەیەکی دیکە هەبێت، نابێت پەیوەندیی بەو بابەتەوە هەبێت، چونکە "کرێی کرێکار بدە پێش ئەوەی ئارەقەی وشک ببێتەوە.

 

 

د. حەمدی: لە رووی ياساییەوە، نابێت بفەوتێت. من وەکو ياساناسێک قسە دەکەم، نەخێر.

 

 

د. حەمدی: نابێت مووچەی ئەو دوو مانگە بفەوتێت و نابێت ئەو قسەیە بکرێت. ئەمە مافی هاووڵاتییانی هەرێمی کوردستانە. ئەگەر خێرێکیش بە هاووڵاتی بکرێت، پێویست ناکات، چونکە کاری خۆی کردووە و دەبێت مافی خۆی وەربگرێت.

 

 

د. حەمدی: من زانیاریم لەسەر ئەو بابەتە نییە کە بەڕێز تەیف سامى باسی دەکات.

 

 

د. حەمدی: بە رای من، ئێستا ئێمە لە دۆخێکی هەڵواسراوداین. لەگەڵ دەستبەکاربوونی حکومەتی نوێی هەرێمی کوردستان و گفتوگۆکان لەسەر پۆستەکان، پێویستە لە هەمووی گرنگتر بیر لە دابینکردنی بژێویی خەڵک و مووچەکانیان بکەینەوە. هیوادارین تاوەکو ساڵی 2026 چیتر باسی کێشەی مووچە نەکەین. 

 

 

د. حەمدی: ئەوەی جێگەی نیگەرانیی منە، هەرچەندە هیوادارم ببێتە واقیع، ئەوەیە کە سەرکردایەتیی کورد ئەو بابەتە قبووڵ ناکات وەکو خۆی بمێنێتەوە. لەبەرئەوە، ئێمە جەخت لەسەر جێبەجێکردنی دەستوور دەکەینەوە. جەخت دەکەینەوە لەوەی ئەو کەسەی دەبێتە سەرۆکوەزیران و حکوومەتی نوێ پێکدەهێنێت، پابەندی دەستوور بێت. ئەگەر ئەوە کرا و دواتر دەست بە داڕشتنی یاسای نەوت و گاز کرا و پەسەند کرا، کێشەمان نامێنێت.

 

 

د. حەمدی: ئەگەر پرسیاری شەخسیی من بکەیت، ئەو بابەتە نابێت گفتوگۆی لەسەر بکرێت و دەبێت شتێکی ئاسایی بێت. مووچە مافی خەڵکی کوردستانە، هاووڵاتیی هەولێر، شەقڵاوە، دهۆک، زاخۆ، هەڵەبجە و سلێمانی، هەروەک چۆن مافی هاووڵاتیی بەسرە و بابلە. هەموویان مافی خۆیانە.

 

 

د. حەمدی: هەر لەبەر ئەوە رێککەوتنمان کرد، رێککەوتنەکە لەسەر ئەو بنەمایە بوو. ئامانج لەو رێککەوتنە دابینکردنی مووچەی خەڵک بوو. بە راشکاوی پێت بڵێم، هەر بۆیە ئەوەندە هەوڵمان دا تاوەکوو ئەو رێککەوتنە بکرێت. 

 

 

د. حەمدی: ئەو پرسیارە داراییە و ناتوانم وەڵامی بدەمەوە.

 

 

د. حەمدی:  دووبارەی دەکەمەوە، نابێت بڵێن نادرێت، چونکە ئەوە مافی خۆمانە. بە هیچ شێوەیەک قبووڵی ناکەین بڵێن نادرێت. دەبێت مووچەی خەڵکی خۆت دابین بکەیت و ئەو بابەتە هیچ گفتوگۆیەک هەڵناگرێت، چونکە ئەوە مافی ئێمەیە.

 

 

د. حەمدی: نەخێر، یاسا هەیە. بێگومان ئێستا عێراق خۆی دۆخێکی زۆر نالەباری هەیە بەهۆی پرسی نەوت و نرخی نەوتەوە. 

 

 

د. حەمدی: بەڵێ، هەڵبەتە وەکو پێشوو نییە. بۆ نموونە، ئەگەر سەیری داهاتی مانگی 10 بکەین، نزیکەی 7 ملیار دۆلار بووە. داهاتی مانگی 11 نزیکەی 6 ملیار و 500 ملیۆن دۆلار بووە.

 

 

د. حەمدی: مەبەستم ئەوەیە، تەنیا مووچەی فەرمانبەرانی عێراق نزیکەی 6 ملیار دۆلارە، واتە داهاتێکی ئەوتۆ نامێنێتەوە. بە شێوەیەکی ئاسایی کاتێک نرخی نەوت باش بێت، داهاتمان 8 ملیار، 8 ملیار و 500 ملیۆن، هەندێک جار 9 ملیار و تەنانەت 10 ملیار دۆلاریش بووە. بۆیە ئەم دابەزینە کاریگەریی خۆی هەیە و ئێستاش نازانین نرخی نەوت زیاتر چیی بەسەر دێت. راستە، دۆخەکە باش نییە.

 

 

د. حەمدی: زۆر سوپاس، خۆشحاڵ بووم، ساخ بیت.