ئەندامێکی مەکتەبی سیاسیی پارتی دیموکراتی کوردستان رایدەگەیێنێت، گەڕانەوەی وەزیر و پەرلەمانتارەکانیان بۆ بەغدا دوای لێکتێگەیشتن و رێککەوتن بووە لەگەڵ چوارچێوەی هاوئاهەنگی لەسەر بنەمای دەستوور. سەبارەت بە پەرلەمانی کوردستانیش دەڵێت: "یان دەبێت پەرلەمان کارا بکرێتەوە و حکومەت پێکبهێنرێت، یان ناکرێت دۆخەکە بەم شێوەیە بەردەوام بێت."
راوێژکارێکی سەرۆکی یەکێتیی نیشتمانیی کوردستان دەڵێ، کۆبوونەوەی بافڵ تاڵەبانی، سەرۆکی یەکێتی لەگەڵ عەلی زەیدی، بەربژێری راسپێردراو بۆ پێکهێنانی کابینەی نوێی حکومەتی عێراق "باش بووە؛" ئاماژە بەوەیش دەکات، یەکێتی بە "پڕۆژە و پلان"ـەوە بەشدارى لە کابینەى نوێی حکومەتی عێراق دەکات.
ئەندامێکی مەکتەبی سیاسیی یەکگرتووی ئیسلامیی کوردستان داوا دەکات کۆتایی بە چەقبەستوویی سیاسیی هەرێمی کوردستان بهێنرێت و رێز لە ئیرادە و دەنگی خەڵک بگیرێت. دەشڵێت، پێویستە پارتی و یەکێتی لەسەر مێزی گفتوگۆ کێشەکانیان چارەسەر بکەن.
"هەموو بژاردەکان بەردەستن، چ بە گەڕانەوە یان نەگەڕانەوە."
سەرۆکایەتیی شارەوانیی هەولێر رایگەیاند، تاوەکو ئێستا 38 هەزار و 400 پارچە زەوی بەسەر فەرمانبەراندا دابەشکراون و دڵنیاییش دەدات کە پڕۆسەکە بەردەوام دەبێت تاوەکو دوا فەرمانبەر کە شایستەیە، زەوی وەردەگرێت
ئەندامێکی کۆمیتەی ناوەندیی پارتی دیموکراتی کوردستان بە (رووداو)ی راگەیاند هەوڵێکی زۆریان داوە بۆ کاراکردنەوەی پەرلەمان و پێکهێنانی کابینەی نوێی حکومەتی هەرێمی کوردستان، بەڵام یەکێتیی نیشتمانیی کوردستان "رێگر" بووە، دەشڵێت: پارتی دەرگای گفتوگۆی دانەخستووە.
ئەندامێکی سەرکردایەتیی یەکێتیی نیشتمانیی کوردستان رایدەگەیێنێت، ئێستا پەیوەندییە سیاسییەکانی نێوان یەکێتی و پارتی گەیشتوونەتە بنبەست و هیچ گفتوگۆیەک لە نێوانیاندا نییە، بەڵام دەشڵێت، یەکێتی ئامادەیە بە 'وەرەقەیەکی نوێ' دەست بە دانوستاندنەکان بکاتەوە.
ئەندامێکی لیژنەی ئابووری لە پەرلەمانی عێراق رایدەگەیەنێت، بۆ مانگی نیسان (چوار) مووچە هیچ کێشەیەکی نییە و عێراق دەتوانێت تاوەکو چوار مانگی دیکەش لەژێر کاریگەریی شەڕ و قەیرانەکاندا، مووچەی تەواوی فەرمانبەران دابین بکات.
پارێزەرێکی لاهوور شێخ جەنگی رایگەیاند، لاهوور شێخ جەنگی لە دوێنێوە مانی لە خواردن گرتووە، ئەوەش وەک ناڕەزاییەک بەرامبەر بەو "ناحەقییەی" کە دەڵێت بەرامبەری دەکرێت، هەروەها رێگری لە ناردنی دۆسیەکانی بۆ دادگەی پێداچوونەوە دەکرێت
شارەزایەکی یاسایی هۆشداری دەدات لە شێوازی داڕشتنی پڕۆژەیاسای (خزمەتی ئاڵا) لە عێراق و دەڵێ، دەستوور ئاماژەی بە "خزمەتی ئاڵا" کردووە نەک سەربازیی زۆرەملێ؛ ئاماژە بەوەش دەکات، "ئەگەر یاساکە بەم شێوەیە تێپەڕێت، تێچووە داراییەکەی بۆ دەوڵەت و کاریگەرییە کۆمەڵایەتییەکانی مەترسیدار دەبن."
