بەفەرمی ترایلەری فیلمی باتمان لە دژی سوپەرمان بڵاوکرایەوە
رووداو - هەولێر
زۆرن ئەوانەی شەیدای هەردوو کەسایەتیی فیلمە سینەماییەکانی باتمان و سوپەرمانن، سینەمای هۆڵیوود لە فیلمێکدا ئەو دوو کەسایەتییە رووبەڕووی یەکتر دەکاتەوە و جەماوەری ئەو دوو کەسایەتییە لەم بەرهەمەدا کۆدەکاتەوە.
فیلمی "باتمان لە دژی سوپەرمان: بەرەبەیانی دادپەوەری" کە زاک سنایدەر کاری دەرهێنانی بۆ کردووە، لە 23 مارسی 2016 لە هۆڵە سینەماییەکانی جیهاندا نمایش دەکرێت.
لەم فیلمەدا بێن ئافلیک رۆڵی باتمان و هێنری کافێل رۆڵی سوپەرمان دەگێڕن و رووبەڕووی یەکتر دەبنەوە، ئەمەش وایکردووە کە هەوادارانی ئەو دوو کەسایەتییە لە کاتی سەیرکردنی ئەم فیلمەدا ببن بە دوو بەرە و هەریەکەیان پاڵپشتی پاڵەوانەکەی خۆی دەکات.
بەم دواییە ترایلەری فیلمەکە بە فەرمی بڵاوبۆتەوە و لە تۆڕی کۆمەڵایەتیی فەیسبووکدا زیاتر لە 13 ملیۆن کەس بینەری بووە،
شاری جۆسام، ئەو سارەیە کە لە فیلمەکە خاوەنی دوو پاڵەوانە: سوپەرمان و باتمانە، دواجار خەڵکەکەی بڕیار لەسەر یەکێک لەو پاڵەوانانە دەدەن بۆ ئەوەی لەم سەردەمەدا دووبارە مرۆڤایەتی لە مەترسییەکی گەورەی چاوەڕواننەکراو رزگار بکاتەوە.
جگە لە هێنری کافێل و بێن ئافلیک، هەریەک لە گال گادۆت، جايسۆن مۆموا، ئێمی ئادامز و جينا مالون لەم فیلمەدا رۆڵدەگێڕن.
زنجیرە فیلمەکانی "باتمان" و "سوپەرمان" تا ئێستا بەجیا چەندین بەشیان لێ بەرهەمهاتووە و داهاتی زۆریان لەسەر ئاستی جیهاندا بەدەستهێناوە، پێشبینی دەکرێت لەم فیلمە نوێیەدا کە بە یەکەوە رۆڵدەگێڕن، داهاتێکی زۆر بۆ کۆمپانیای بەرهەمهێنەر "وۆرنەر برازەرز" مسۆگەر بکەن.
زۆرن ئەوانەی شەیدای هەردوو کەسایەتیی فیلمە سینەماییەکانی باتمان و سوپەرمانن، سینەمای هۆڵیوود لە فیلمێکدا ئەو دوو کەسایەتییە رووبەڕووی یەکتر دەکاتەوە و جەماوەری ئەو دوو کەسایەتییە لەم بەرهەمەدا کۆدەکاتەوە.
فیلمی "باتمان لە دژی سوپەرمان: بەرەبەیانی دادپەوەری" کە زاک سنایدەر کاری دەرهێنانی بۆ کردووە، لە 23 مارسی 2016 لە هۆڵە سینەماییەکانی جیهاندا نمایش دەکرێت.
لەم فیلمەدا بێن ئافلیک رۆڵی باتمان و هێنری کافێل رۆڵی سوپەرمان دەگێڕن و رووبەڕووی یەکتر دەبنەوە، ئەمەش وایکردووە کە هەوادارانی ئەو دوو کەسایەتییە لە کاتی سەیرکردنی ئەم فیلمەدا ببن بە دوو بەرە و هەریەکەیان پاڵپشتی پاڵەوانەکەی خۆی دەکات.
بەم دواییە ترایلەری فیلمەکە بە فەرمی بڵاوبۆتەوە و لە تۆڕی کۆمەڵایەتیی فەیسبووکدا زیاتر لە 13 ملیۆن کەس بینەری بووە،
شاری جۆسام، ئەو سارەیە کە لە فیلمەکە خاوەنی دوو پاڵەوانە: سوپەرمان و باتمانە، دواجار خەڵکەکەی بڕیار لەسەر یەکێک لەو پاڵەوانانە دەدەن بۆ ئەوەی لەم سەردەمەدا دووبارە مرۆڤایەتی لە مەترسییەکی گەورەی چاوەڕواننەکراو رزگار بکاتەوە.
جگە لە هێنری کافێل و بێن ئافلیک، هەریەک لە گال گادۆت، جايسۆن مۆموا، ئێمی ئادامز و جينا مالون لەم فیلمەدا رۆڵدەگێڕن.
زنجیرە فیلمەکانی "باتمان" و "سوپەرمان" تا ئێستا بەجیا چەندین بەشیان لێ بەرهەمهاتووە و داهاتی زۆریان لەسەر ئاستی جیهاندا بەدەستهێناوە، پێشبینی دەکرێت لەم فیلمە نوێیەدا کە بە یەکەوە رۆڵدەگێڕن، داهاتێکی زۆر بۆ کۆمپانیای بەرهەمهێنەر "وۆرنەر برازەرز" مسۆگەر بکەن.