کارۆخ شوانی بەرهەمی 'نەفرەت' بڵاودەکاتەوە

 

کارۆخ شوانی، بە رووداوی راگەیاند، لەم بەرهەمەدا جگە لە گۆرانیگتون، تێکستی گۆرانییەکەیشی نووسیوە و لە ئاوازی رێدوان سنجاوییە و جێگر سەباح دابەشکردنی میوزیک بۆ کردووە. گوتیشی، ناوەڕۆکێکی خۆشەویستی هەیە و باس لە چیرۆکێکی راستەقینەی ژیانی خۆی دەکات.

 

ئاماژەی بۆ ئەوەشکرد، ئەمە یەکەم بەرهەمیەتی بڵاوی دەکاتەوە و لە 2014ـەوە تێکستی گۆرانی دەنووسێت و ئاوازی داناوە. روونیشیکردەوە، تێکست و ئاوازی گۆرانییەکە لە 2019 ئامادەکراوە و ئێستا بڵاوی دەکاتەوە.

 

ڤیدیۆکلیپی گۆرانییەکە لە سلێمانی لەلایەن هەڤاڵ دلێر وێنەگیراوە و لە دەرهێنانی ئاودێر عومەرە.